Juan 19:9 - Ke meupiya ne tudtul mekeatag ki Hisu Kristu

⁹ Midlusud maa si Pilatu riyà te turuhan din ne med-insà maa si Hisus te, “Endei ke ma ebpuun?” Ugaid ne warà medtavak si Hisus.

Juan 19:9 ပူးပေါင်းရင်းမြစ်များ

Mateo 26:63

Ugaid ne mibpeeneng-eneng dà si Hisus. Ne migkahi pà maa ini se Pinekemepurù dut te menge terebpelengesa te, “Ini ka te etuvangan te Eleteala ne sesapà ka embiya sikuna ke Anak din ne Impasad din ne Ebperetuen te langun.”

Mateo 27:27

Ne impelusud en te menge sundaru si Hisus dut te turuhan te gubinedur, ne miburun ketà ke langun ne menge sundaru.

Lucas 23:9

Ketà be ne mibpenginsaan ni Hirudis si Hisus, ugaid ne warà midtavak si Hisus.

Juan 18:28

Ed-awà ketà te valey ni Kayipas ne mid-ewit dan si Hisus se ebpendiyà te turuhan ni Pilatu ke gubinedur ne Rumanu, ne mesmeselem pà. Ugaid ne ke menge egkeunutan te Hudiyanen ne kenà edlusud ketà te turuhan su apey ran kenà mekesurang dut te edtenuran ne betasan mekeatag te ebpenlùlù. Su embiya edlusud dan te valey te menge etew ne kenà eduma te edtenuran dan ne betasan dan te kedlùlù, ne kenà dan ebpekeamung dut te kevurunan dan te Pista te Kedsehari te Suluhuen.

Juan 18:33

Ne midsurì medlusud si Pilatu diyà te turuhan ne mid-umew rin si Hisus ne mid-insaan te, “Maa, datù ke ves ini te menge Hudiyanen?”

Juan 18:34

Midtavak si Hisus te, “Maa, keykew rà ayan ne itungan se in-insà nu kedì te ratù a etawa riyà nu merineg ini te ruma ne etew?”

Juan 18:37

Ketà ne migkahi si Pilatu te, “Engkey, ratù ke ves?” Midtavak si Hisus te, “Benar ayan se nekahi nu ne ratù a! Su iyan ku kinepengkayi te ampew te dunya ne impeanak te menusiyà su ebpesabut a rut te benar. Ne misan entei en ne etew se edtampil dut te benar, ne ebpemineg kediey.”

Juan 19:10

Ne migkahi en maa si Pilatu te, “Meambe ke kenà ka edtavak? Warà nu ves metueni se siaken se ebayàbayà te kebpeliyu keykew etawa kebpelansang ku keykew riyà te kayu!”

Juan 19:8

Guna su nerineg ni Pilatu ini ne mid-iseg se kegkeandek din.

Juan 8:14

Ne migkahi si Hisus kandan te, “Piya edtitihusan ku ke kedì ne hinawa ne egkedserihan niyu ke lalag ku ne benar. Su netuenan ku ke endei a ebpuun ne endei a ebpesinaru, ugaid ne sikiyu mulà ne kenà niyu egketuenan ke endei a ebpuun etawa ke endei a ebpesinaru.

Pilipus 1:28

Ne kenà niyu igkeandek ke kunterà niyu. Su embiya kenà kew egkeandek kandan ne arà ke tuus ne ibpekita te Eleteala kandan te edtevanan dan ne edusaan dan te Eleteala, ugaid ne sikiyu ne ebpeketalew su Eleteala se edtavang keniyu.