Juan 18:33 - Ke meupiya ne tudtul mekeatag ki Hisu Kristu

³³ Ne midsurì medlusud si Pilatu diyà te turuhan ne mid-umew rin si Hisus ne mid-insaan te, “Maa, datù ke ves ini te menge Hudiyanen?”

Juan 18:33 ပူးပေါင်းရင်းမြစ်များ

Mateo 27:11

Ne mibpeneheewit dan si Hisus diyà te ki Pilatu ke gubinedur ne impeetuvang dan ki Pilatu su ed-insaan. “Menu,” ke si Pilatu, “sikuna en iya ke ratù te menge Hudiyanen?” “Uya, ayan iya se migkahi nu,” ke si Hisus.

Mateo 27:27

Ne impelusud en te menge sundaru si Hisus dut te turuhan te gubinedur, ne miburun ketà ke langun ne menge sundaru.

Marcos 15:2

Ne mid-insaan en ni Pilatu si Hisus te, “Menu, sikuna en iya ke ratù te menge Hudiyanen?” Midtavak ni Hisus te, “Uya, ayan iya se migkahi nu.”

Lucas 23:2

Nekeuma ran ne imperineg dan ki Pilatu ke id-isuhat dan kandin se egkahi te, “Nesepenan dey ini se meama ne ebpesuwey rut te menge etew kayi te inged tew su impeengked din ke menge etew ne ebayad te buwis diyà te mepurù tew ne si Cesar. Ne migkahi rin te sikandin kun ke midtendù te Eleteala ne ebperetuen.”

Juan 1:49

“Meyterù,” ke si Natanael, “sikuna ves iya ke Anak te Eleteala! Sikuna en iya ke Edatù keytew ne menge kevuwaran ni Israyil!”

Juan 12:13

Ne mibpenguwa ran te dawun te menge niyug ne midsinuhung dan si Hisus se egkerag te, “Edeyuen tew ke Eleteala! Ne menu ma ke ebpeneuven te Eleteala ini se ebpekeuma, su midsuhù din te ralan te ketengdanan din. Menu ebpeneuven te Eleteala ini se nepemilì ne Ebperetuen te menge kevuwaran ni Israyil!”

Juan 12:15

“Sikiyu ne mehinged te Hirusalim, kenà kew meandek! Su ebpekeuma en ini ke ratù niyu ne ed-untud te nati te kudà.”

Juan 18:34

Midtavak si Hisus te, “Maa, keykew rà ayan ne itungan se in-insà nu kedì te ratù a etawa riyà nu merineg ini te ruma ne etew?”

Juan 18:37

Ketà ne migkahi si Pilatu te, “Engkey, ratù ke ves?” Midtavak si Hisus te, “Benar ayan se nekahi nu ne ratù a! Su iyan ku kinepengkayi te ampew te dunya ne impeanak te menusiyà su ebpesabut a rut te benar. Ne misan entei en ne etew se edtampil dut te benar, ne ebpemineg kediey.”

Juan 18:38

Arà dà ne mid-insà si Pilatu te, “Engkey se meana te benar?” Nekahi rin dà arà ne midlihawang en maa si Pilatu riyà te menge Hudiyanen ne migkahi te, “Warà egketuen ku ne id-isuhat ku kandin.

Juan 19:12

Guna maa su nerineg ni Pilatu arà ne neilut nevenar ke hinawa rin te kebpemengà din te ralan te kebpeliyu din ki Hisus. Ugaid ne mibpemensag maa ke menge Hudiyanen te, “Embiya iyan nu ibpeliyu ini se etew, ne egkunterà ka dut te ratù tew riyà te Ruma ne si Cesar. Su iring kayi ne etew se edatùdatù ne egkunterà ki Cesar.”

Juan 19:3

Ne mid-uvey ran sikandin te kedsumpelita ran te, “Mebereumur ka, ne ratù te menge Hudiyanen!” Ne arà pà ne midtabpì dan sikandin.

Juan 19:4

Ne midlihawang en manen si Pilatu riyà te menge etew ne migkahi te, “Ibpelihawang ku en maa sikandin kayi te keniyu su apey niyu metueni te warà iya netuen ku ne kewagib ne idselaa kandin.”

Juan 19:9

Midlusud maa si Pilatu riyà te turuhan din ne med-insà maa si Hisus te, “Endei ke ma ebpuun?” Ugaid ne warà medtavak si Hisus.

1 Timoteo 6:13

Na duen pè be maa ini igkahi ku keykew ne ke Eleteala ne mibehey te niyawa te langun ne eginginawa se ebpekevantey keyta wey si Hisu Kristu ke mid-itindeg dut te benar diyà te etuvangan ni Poncio Pilato se ebantey rema. Tembù be igkahi ku keykew