Juan 16:32 - Ke meupiya ne tudtul mekeatag ki Hisu Kristu

³² Mehaan en egkeuma ke hewii ne egurunsuwey kew su ed-ulì kew riyà te ed-ubpaan niyu, ne egkeewaan a niyu en. Ugaid ne misan egkeewaan a niyu en ne kenà ma sebseveka ku rà, su iyan ku ruma ne ke Amey ku ne Eleteala.

Juan 16:32 ပူးပေါင်းရင်းမြစ်များ

Mateo 26:31

Ne migkahi pà maa si Hisus dut te edumdumaan din te, “Ini ne kerukileman ne langun niyu ne ebpelahuy ne edtehaken a niyu su ruen Lalag te Eleteala ne impesurat din ne egkahi te, ‘Ebpeimetayan ku ke tumetuganur rut te menge bilibili, ne egurunsuwey ke menge bilibili rin.’

Mateo 26:56

Ugaid ne egked-ulaula ini langun su apey egketuman en ke Lalag te Eleteala ne impesurat dut te menge etew ne mibpelambas te lalag din dengan.” Arà dà ne mibpelahuy en ke menge edumdumaan din ne intahak dan en sikandin.

Marcos 14:27

Ne migkahi pà maa si Hisus dut te edumdumaan din te, “Langun niyu ne ebpelahuy ne edtehaken a niyu su ruen Lalag te Eleteala ne impesurat din ne egkahi te, ‘Ebpeimetayan ku ke tumetuganur dut te menge bilibili, ne egerunsuwey ke menge bilibili rin.’

Marcos 14:50

Arà dà ne mibpelahuy en ke menge edumdumaan din ne mintahaky dan en sikandin.

Juan 12:23

Migkahi si Hisus te, “Neuma en ke hewii te ebpekeulì ke Impeanak te Menusiyà diyà te Amey rin su ebeheyan rut te kandin ne bentuhan.

Juan 16:2

Su ke menge etew ne mid-engkenà kedì ne ebpeawà keniyu rut te baley ne ebpengedian te menge Hudiyanen te penduan dan. Uya, su egkeuma ke hewii ne ke etew ne ed-imatey keniyu ne iyan din kunaan ke netuman din ke kiyug te Eleteala.

Juan 16:25

“Ini se impesabut ku keniyu ne ralan te sempità,” ke si Hisus. “Ugaid ne ruen hewii ne egkeuma ne kenà ad ebpenempità su iyan ku kebpekidlalag keniyu mekeatag te Amey ku ne metidtu rà ne lalag.

Juan 16:31

Ne migkahi si Hisus kandan te, “Maa, mibperetiyaya kew en be guntaani?

Juan 19:27

Ne migkehiyan din dema ke edumdumaan din te, “Ini en ke iney nu.” Ne in-awà dè be ketà ne andew ne diyan en med-ubpà ke iney ni Hisus te edumdumaan din.

Juan 20:10

Ketà dà ne mid-ulì en ke deruwa ne edumdumaan ni Hisus.

Juan 4:21

“Tenuri nu ini, Bayi,” ke si Hisus, “su ruen hewii ne egkeuma ne kenà en kayi rà ne buvungan etawa riyà dà te Hirusalim ebpengerapa te menge etew ke Amey tew ne Eleteala.

Juan 4:23

Na,” ke si Hisus te, “neuma en ke hewii te embiya benar ne edsimba ke menge etew te Eleteala ne Amey tew ne med-arap dan ibpepevayà te Kedesenan ne Ebpetuntul te Menusiyà dut te Eleteala wey kayi ebpuun te tidtu te hinawa ran, wey kayi te keduma ran te benar ne penurù ne impayag dut te Eleteala. Ini ve se egkiyuhan te Eleteala ne ulaula rut te menge etew ne edsimba kandin.

Juan 5:25

Sebenarvenar ini se egkehiyen ku, misan ke menge etew ne iring te minatey en su sabap dut te salà dan ne neuma en ke hewii ne egkerineg dan ke lalag ku, ke Anak te Eleteala, ne arà se ebpemineg ne egkevehayan te behu ne umur.

Juan 5:28

“Kenà kew ve meselekawi kayi su ruen hewii ne ebpekeuma ne langun ne riyà te menge leveng ne egkerineg dan ke suwara ku,

Juan 8:16

Ugaid ne embiya egkukum a,” ke si Hisus pè maa, “ne egkeperetiyaya niyu ne benar su kenà siaken dà su deruwa rey rut te Amey ku ne Eleteala ne midsuhù kedì se egkukum.

Juan 8:29

Ne ke Amey ku ne midsuhù kedì,” ke si Hisus, “ne eduma kedì. Kenà a rin ebpedtedayan su iyan ku rà edtumanen ke ebpekesuhat te hinawa rin.”

Nenged-ulaula 21:6

Ketà ne mibpepemehetawey key ne mid-untud key en te kapal, ugaid sikandan ne mid-ulì dan en.

Nenged-ulaula 8:1

Ketà dema si Saulo te kinerumbaha te batu ki Esteban, ne kiyug din iya se kineimetayi ran kandin. Inleveng si Esteban dut te menge etew ne mepegeleteala ne mibpeninehew ran wey mibpenderawit kandin. Igenat dut te hewii ne kineimetayi ran kandin ne midrudsù ke kegkerasey dut te langun ne mibperetiyaya ki Hisus diyà te Hirusalim. Tembù be nevurahey ke langun ne mibperetiyaya diyà te menge inged ne lusud te Hudiya wey Semeriya, ne ini rà te sepulù wey deruwa ne menge kedserihan se warà med-awà kayi te Hirusalim.