Juan 16:1 - Ke meupiya ne tudtul mekeatag ki Hisu Kristu

¹ “Langun kayi ne migkahi ku keniyu,” ke si Hisus, “su apey kew kenà edsuwey kedì ketà te hewii ne egked-ulaula ini.

Juan 16:1 ပူးပေါင်းရင်းမြစ်များ

Mateo 11:6

“Ne peketueni niyu kandin te dayirayi nevenar ke etew ne kenà eduwaruwa kediey.”

Mateo 13:21

Ugaid ne mehaan dà su warà mekedalid diyà te hinawa ran. Ne wey ran penggerami ni Setanas dut te peretiyaya ran te Lalag te Eleteala, ne midlekà dan en.

Mateo 13:57

Ketà ne mid-engkenà dan kandin. Ne migkehiyan ni Hisus sikandan te, “Ke etew ne ebpelambas te Lalag te Eleteala ne egkeedatan te piya endei sikandin egketahù, liyu rà dut te muney ne inged din wey ke kereremigey rin.”

Mateo 24:10

Ketà te arà ne hewii ne merakel se edlekà te kebperetiyaya ran kediey, ne ebpemeked-epesey ran wey ebpeul-uluhey ran diyà te ruen ketengdanen din.

Juan 15:11

Mibpeketuenan ku ini keniyu su apey niyu igkehalew te kebpeneheewita niyu te menge suhù ku iring dut te kegkehalew ku te kebpeneheewit ku te suhù kedì te Amey ku,” ke si Hisus. “Ne ketà ne egkehalew kew nevenar!

Juan 16:4

Ugaid ne egkehiyen ku ve ini keniyu neraan,” ke si Hisus, “su embiya egked-ulaula en ini ne egketenuran niyu te ingkekahi ku en keniyu. Ini ne warà ku kehiya keniyu te aney en,” ke si Hisus, “su geina te ebpemekeduma kiyu pà.”

Ruma 14:21

Tembù be kenà ki ed-ulaula te piya engkey en ne ulaula ne ebpekepeneheewit te menge suled tew ne mibperetiyaya te kebpekevaal te salà. Su embiya kayi te egkeenen tew ne usa, etawa ke ebpenginumen tew ne ebpeketevereg se puunan te kegkepeneheewit kandan te kebpekevaal te salà, ne kenà tew en arà ed-ul-ulaan.

Pilipus 1:10

Ne ketà be ne egketuenan niyu en ke iyan pà meupiya ne ulaula niyu ne ebpekesuhat te hinawa rin. Su apey ketà te kedlived ni Hisus ne warà en ibenar keniyu su warà meraat ne nekesawug te ulaula niyu.

1 Pedro 2:8

Ne ruen dema impesurat ne Lalag te Eleteala ne egkahi te, “Ne sikandin ne iring te batu ne nesiud te menge etew ne ebpekepiley kandan.” Iyan dan kebpekesiud su warà dan mebperetiyaya te Lalag te Eleteala mekeatag dut te ini se Impasad din ne Ebperetuen te langun, tembù be ini se kedusa kandan se netahù te itungan te Eleteala.