Juan 14:18 - Ke meupiya ne tudtul mekeatag ki Hisu Kristu

¹⁸ “Ne kenà ku sikiyu ed-ewaan,” ke si Hisus, “iring te menge ilu su edliveran ku red sikiyu.

Juan 14:18 ပူးပေါင်းရင်းမြစ်များ

Mateo 18:20

Su embiya ruen deruwa etawa tetelu ne etew ne egkevurun su atag dut te kedsarig dan kediey, ne ketà a red dema te kandan.”

Mateo 28:20

Ne penurua niyu sikandan te kedtuman dut te langun ne impenurù ku keniyu. Ne ini se idtahù niyu te hinawa te layun a eduma keniyu taman te taman.

Juan 14:16

Ne ebuyù a riyà te Amey ku su apey rin igkevehey keniyu ke Edtavang keniyu ne ebpekesambì kedì, ne kenà edsuwey keniyu taman te taman.

Juan 14:3

Ne embiya ebpekependiyan ad,” ke si Hisus, “ne egkepenehenaan ku en sikiyu te ubpaan niyu, ne edlived a kayi su ebpeneheewiten ku sikiyu su apey misan endei a ne ketà kew red dema.

Juan 16:16

“Kenè en utew meuhet ne id-anew a niyu te mata, ugaid ne iseg-iseg ne egkekita a niyu red,” ke si Hisus.

Juan 16:33

“Langun kayi ne migkahi ku keniyu,” ke si Hisus, “su apey ebmelintad ke hinawa niyu te kebpekidseveka niyu kediey. Su kayi te ampew te dunya ne edresayen kew te menge etew ne ed-engkenà kediey. Ugaid ne misan iring ketà ne kenà niyu ebpilaya ke hinawa niyu, su netalew ku en ke datù te pekaid ne migkamal kayi te ampew te dunya!”

2 Tiselunika 2:16

Iyan dey egkiyuhan ne ke Kerenan tew ne si Hisu Kristu wey ke Eleteala ne Amey tew se ebag-et dut te hinawa niyu wey ebaher keniyu su apey langun ne ed-ul-ulaan niyu wey langun ne egkehiyen niyu ne ebmeupiya su dekelà se limù te Eleteala keytew. Ne egenat dut te limù din wey ke kebpenaub din ne ibehey rin ke kevag-et dut te itungan tew wey ke keupiya ne ebpenerengen tew ne egketuman.

Hibruhanen 2:18

Engketà be ne netuenan din en se kedtavang din nevenar dut te menge etew ne ebpenggeraman, su sikandin dema se mibpenggeraman wey midrasey.