Juan 13:32 - Ke meupiya ne tudtul mekeatag ki Hisu Kristu

³² Ne embiya egkekita ke kerekelà ne gehem te Eleteala kayi te kedtuman te Anak din te kiyug din, ne ibpekita rema te Amey rin ke kerekelà te gehem ku, ne ini ne mehaan en egked-ulaula.

Juan 13:32 ပူးပေါင်းရင်းမြစ်များ

Juan 12:23

Migkahi si Hisus te, “Neuma en ke hewii te ebpekeulì ke Impeanak te Menusiyà diyà te Amey rin su ebeheyan rut te kandin ne bentuhan.

Juan 17:1

Guna su nepasad ni Hisus te egkahi diyà te edumdumaan din, ne midlingakà diyà te langit se ebpengeningeni te, “Amà, ini en ke hewii te kedtumana nu ke kiyug nu. Ipekita nu te menge etew ke raman ne kenà egkeseupama dut te Anak nu apey ku ibpekepekita ke raman nu ne kenà egkeseupama.

1 Pedro 3:22

Ne guntaani ne diyà si Hisus mid-ulì te langit ne ebpinuu diyà te rapit te egkekewanan te Eleteala. Ne langun ne suluhuen te Eleteala wey langun ne ruma pà ne ruen gehem dan ketà ne sikandin se ebayàbayà kandan.

Imperayag 22:1

Ketà ne impekita kediey dut te suluhuen te Eleteala arà se wayig ne ed-ingaranan te Wayig ne Ebpekevehey te Umur ne Warà Edtemanan din. Metmetingew arà se wayig iring te pehelungan ne riyà ebpuun ini te ebpinuuwan te Eleteala ne arà ded ke ebpinuuwan dut te Nati te Bilibili.

Imperayag 22:13

Siaken ke Alpa wey Umiga su siaken se ebpuunan te langun taman ne siaken dema ke ebpeengked dut te langun taman.”

Imperayag 22:3

Warè iya meraat ketà te inged diyà te etuvangan te Eleteala. Ne ketà te inged ke ebpinuuwan te Eleteala ne iyan ded ebpinuuwan dut te Nati te Bilibili, ne ebpengerapan ke Eleteala dut te langun ne menge sakup din.

Imperayag 3:21

“‘Ne piya engkey ne etew ne kenà egkegaga dut te penggeram te datù te pekaid ne ebpepinuuwen ku kayi te uvey ku ketà te edetuan ku su ed-amung kedì te edatù. Iring dema kediey te warà a megaga te penggeram te datù te pekaid ne mibpepinuu a diyà te uvey te Amey ku ne Eleteala su ed-amung a te edetuan din.