Juan 13:24 - Ke meupiya ne tudtul mekeatag ki Hisu Kristu

²⁴ Arà be ke mid-uyewan ni Simun Pedro te, “Insai nu si Hisus ke entei ini se egkehiyen din.”

Juan 13:24 ပူးပေါင်းရင်းမြစ်များ

Lucas 1:22

Guna su midlihawang en si Zacarias ne kenà en ebpekekahi riyà te menge etew su ebpenguyew-uyew rè be ne ketà ne neemew en sikandin. Ne netuenan dut te menge etew te ruen en impekita kandin te Eleteala diyà te lusud te valey te Eleteala.

Lucas 5:7

Ne nekekapey ran dut te menge ruma ran diyà te senge evangan su ebpeamung dan. Nekeuma ran ne wey ran intahù kayi te deruwa ne avang ini se serà ne neutel dan ne reisek dà ne egkeered dan en su elin nepenùpenù.

Juan 13:23

Ne ruen durug ni Hisus te ebpinuu ne seveka rut te edumdumaan din ne igkelimù din nevenar.

Juan 13:25

Ne midsandig sikandin ki Hisus ne mid-insaen din en te, “Entei ma se ed-ulug keykew, Kerenan?”

Nenged-ulaula 12:17

Ne miguringan kandan te kenà dan pà medlalag, ne mibpenudtul din kandan ke memenu se kinepelihawang kandin te Eleteala diyà te bilengguan. “Penudtula niyu ini,” ke si Pedro, “diyà te ki Santiago wey ke ruma ne menge suled tew te ebperetiyaya.” Ne mid-awà sikandin ketà su mibpendiyà te senge inged.

Nenged-ulaula 13:16

Ketà ne mid-itindeg si Pablo ne mid-uyew te belad din ne migkahi te, “Menge ruma ku ne menge kevuwaran ni Israyil abpeg dut te menge etew ne kenà Hudiyanen ne nevurun kayi su ebpengarap te Eleteala, pemineha niyu ini se egkehiyen ku keniyu.

Nenged-ulaula 21:40

Ne midtuhut kandin ini se mepurù te menge sundaru. Mid-itindeg ketà si Pablo kayi te eheran te baher ne mid-uyew te belad din te mebpeeneng-eneng ke menge etew. Ne guna su neengked dan se mehurub, ne midlalag si Pablo kandan te kinehiyan te Hibruhanen.