Juan 13:14 - Ke meupiya ne tudtul mekeatag ki Hisu Kristu

¹⁴ Su embiya siaken ke Kerenan niyu wey ke Meyterù niyu se mibpenlùlù te paa niyu ne dait ne pelùlùluey kew rema te menge paa niyu.

Juan 13:14 ပူးပေါင်းရင်းမြစ်များ

Juan 11:2

(Si Maria ini ke meritan ne mibùbù te periyemut diyà te paa ni Hisus ne mibpunas din te bulvul din. Ne meeman din arà se ederaru ne si Lasaru.)

Nenged-ulaula 20:35

Arà se mevaher ne migelevek ku,” ke si Pablo, “ne impekita ku keniyu se mebpegelep kew rema su apey ruen ibpeketavang tew te menge ayuayu su edtentenuran tew ke menge lalag te Kerenan tew ne si Hisus ne migkahi te, ‘Ke etew ne ebehey te tavang, ne dekelà pà se kegkehalew rin dut te etew ne edtelimà te tavang.’ ”

Ruma 12:10

Ne sikitew se mibperetiyaya en ki Hisu Kristu, ne iyan iya se ebpelimlimuey ki iring te edtutunayà ne ebpenusuled. Ne ebpeed-edatey ki nevenar te menge ruma tew.

Ruma 12:16

Ne langun tew ne mibperetiyaya ki Hisu Kristu, ne iyan iya se egkeseveka ki su apey kiyu kenà ebpemekedlewanà. Ne kenà ki ebpebperayù, ne kenà tew igkeyeyai se kebpekiduma tew rut te malù mevavà keytew. Ne kenà tew ebpegitungen te iyan ki pà bereitungan kandan.

1 Kurintu 12:3

Ugaid ne ketà te ebperetiyaya kew en te Eleteala ne egketuenan niyu embiya ke egkehiyen dut te etew ne ebpuun te Kedesenan ne Ebpetuntul te Menusiyà etawa kenà. Su ke etew ne mid-ulinan dut te Kedesenan ne Ebpetuntul te Menusiyà ne kenà egkepakey ne edlalag te meraat mekeatag ki Hisus. Ne engketà ded dema warà etew ne egkepakey ne egkahi te si Hisu Kristu ke Kerenan din embiya kenà ebpesebuten sikandin dut te Kedesenan ne Ebpetuntul te Menusiyà.

1 Kurintu 8:13

Engketà be ne embiya iyan dà kebpekedsalà te ruma ku se egkeenen ku, ne kenà ku en egkeenen arà se egkeenen ne indrenà ne siparat diyà te kenà tidtu ne ebpengerapan su apey ku kenà egkepeneheewit te ebpekedsalà arà se ruma ku ne mibperetiyaya ki Hisus.

2 Kurintu 10:1

Na siaken ini si Pablo ne ruen suhù ku keniyu. Su siaken kun ne telawen ke embiya riyan a te keniyu, ugaid ne meharang kun ke menge lalag ku keniyu embiya riyan a te meriyù ne iyan ku kebpekidlalag keniyu ne kayi te surat. Ne ini se suhù ku guntaani ne iyan ku ed-iringan se kebpekidlalag ni Hisu Kristu ne kenà meharang su menanew,

2 Kurintu 8:9

Netuenan niyu te rekelà ke tavang ni Hisu Kristu ke Kerenan tew su ketà te ked-ubpà din diyà te langit ne sikandin ke kemuney te langun taman, ugaid ne mid-awà sikandin ketà su mibpengkayi te ampew te dunya ne mibpevaluy sikandin ne etew su atag dut te limù din keytew. Ned-ulaula arà su apey ruen dalan te ebpekeamung ki kandin te egkemuney dut te keupianan diyà te langit.

Gelasiya 5:13

Menge suled ku, mibpemilì kew te Eleteala su apey kew ebpekeliyu rut te keduma niyu te penduan ni Moises. Ne misan nekeliyu kew en ketà, ne kenà niyu iyan idtahù te hinawa te egkepakey ne eduma kew rut te misan engkey ne egkiyuhan niyu. Iyan pà mentag se iyan niyu ipeiseg ke kebpetebtevangey niyu su sabap dut te kebpelimlimuey niyu.

Pilipus 2:11

Ke langun ne edsamasama egkahi te si Hisu Kristu ke Kerenan dut te langun ne ketà ne egkereyù dan ke Eleteala ne Amey tew.

1 Timoteo 5:10

Iyan dà egkepakey ne valu ne ke ed-edatan su meupiya ke helevek din iring be te kinepeneheewit din te meupiya te menge anak din, kinetirapan din te ebpekaan dut te menge etew ne sumeseharey, kinetavang din te menge etew ne mibperetiyaya te Eleteala, labi en ke menge etew ne ebpekeanuyanuy te kerehenan wey misan engkey en ne ketulengeran din ne impekita rin diyà te menge ruma rin.

Hibruhanen 12:2

Ne kenà kiyu ebpenlingìlingì te keduma tew ki Hisus su sikandin ke ed-iringan tew su sikandin ke rudsuan te kedsarig tew wey sikandin ded ke edtemanan. Midtigkeran din en ke keresayen te kinelensanga kandin diyà te pinebelavag ne kayu, ne warà din ingkeyeyai te ked-imetayi ran kandin ketà su netuenan din te ruen igkehalew rin embiya egkeipus din ini se helevek din te ebpeliyu kenitew. Ne guntaani ne ebpepinuuwen en sikandin diyà te egkekewanan ketà te ebpinuuwan te Eleteala ne edatù.

1 Pedro 4:1

Ne netuenan ta te nerasey si Hisu Kristu gewii te kayi pà sikandin te ampew te dunya, ne iyan iya se ed-andam ki te edtigker te keresayan iring kandin. Su ke etew ne edtigkeran din te keresayan ne iring te egkeawà ke kiyug din te ed-ulaula te meraat.

1 Pedro 5:5

Ne sikiyu ne menge menguwed, ne iyan iya se pevayàbayà kew rut te pekilukesen. Su iyan meupiya ne langun tew ne mebpeembavà te hinawa ta ne ebpesugsuhuey ki rut te menge ruma ta. Su ruen impesurat ne Lalag te Eleteala ne egkahi te, “Egkunteraan te Eleteala ke menge etew ne mepereyù, ugaid ne edtevangan din te rekelà ke menge etew ne mebpeembavà te hinawa ran.”