Juan 12:49 - Ke meupiya ne tudtul mekeatag ki Hisu Kristu

⁴⁹ Uya, su ini se menge lalag ku ne kenà kayi ebpuun te kediey rà,” ke si Hisus, “ugaid ne insuhù kedì te ibpelalag dut te Amey ku ne Eleteala ne iyan midsuhù kedì.

Juan 12:49 ပူးပေါင်းရင်းမြစ်များ

Juan 14:10

Meambe Felipe, warà ke pè bes mebperetiyaya te ini te kedì ke Amey ku, ne siaken ne riyan a te kandin? Ini se menge lalag ku keniyu ne kenà kayi rà ebpuun te kedì ne itungan su ke Amey ku ne ini med-ubpà te kedì ne kandin ne vaal ini.

Juan 14:24

Ugaid ne ke etew ne kenà egkelimù kediey, ne kenà din dema edtumanen ke menge suhù ku. Ini se lalag ku ne imperineg ku keniyu ne kenà kayi rà ebpuun te itungan ku, ugaid ne riyà ebpuun te Amey ku ke midsuhù kediey.

Juan 14:31

ugaid su apey metueni te menge etew kayi te ampew te dunya te igkelimù ku ke Amey ku ne tembù be edtumanen ku ke langun ne insuhù kediey te Amey ku. Na, kuwa kiyu en su ed-awà ki en kayi.”

Juan 15:15

Kenà en be edsugsuhuen ke id-umew ku keniyu su kenà egketuenan dut te edsugsuhuen ke ebeelan dut te edsuhùsuhù kandin. Ugaid ne iyan ku en mulà id-umew keniyu ne menge sepekat ku su langun te nerineg ku riyà te Amey ku ne Eleteala ne impayag ku keniyu.

Juan 17:8

Su impenudtul ku en kandan ke impesabut nu kediey ne mibperetiyaya ran en ini. Su netuenan dan te riyà a iya ebpuun te keykew, ne mibperetiyaya ran te sikuna ke midsuhù kedì.

Juan 3:11

Benar iya ini se egkehiyen ku su netuenan dey te benar ini se impesabut dey keniyu, ne netitihusan dey ke nekita rey en, ugaid ne warà niyu peretiyayaa ke migkahi rey.

Juan 3:32

Iyan din edlelahen ne ke nekita rin wey ke nerineg din diyà, ugaid ne warà utew etew ne ebpemineg kandin.

Juan 5:19

Ketà ne migkahi si Hisus kandan te, “Sebenarvenar ini se egkehiyen ku te siak ke Anak te Eleteala ne warà egkeveelan ku te kediey rà ne kiyug. Iyan dà ebeelan ku ne arà se nekita ku riyà te ulaula te Amey ku, su ini se ebeelan din ne iyan dema se edumaan ku.

Juan 5:30

Ne migkahi manen si Hisus te, “Embiya kenà ke gehem te Eleteala ne imbehey rin kedì ne warà egkeveelan ku, su iyan ku rà kegkukum ne endei se igkahi rin kedì ne arà se edumaan ku te kegkukum. Tembù be ke kegkukum ku ne metidtu. Su kenà kedì ne kiyug se edtumanen ku, ugaid ne ke kiyug dut te midsuhù kedì se edtumanen ku.

Juan 6:68

Migkahi si Simon ke mid-ingaranan ki Pedro te, “Sikuna ke Kerenan dey ne endei key pè be ebpesinaru? Su sikuna rè ma ke ebpenurù te ralan te kebpeketelimà te umur ne warà edtemanan din.

Juan 7:16

Nerineg ni Hisus ke migkahi ran ne migkahi en kandan te, “Ini se ibpenurù ku ne kenà kayi ebpuun te ketau ku su riyà ebpuun te Eleteala ne midsuhù kedì.

Juan 8:26

Merakel pà se igkekahi ku wey igkeisuhat ku mekeatag te menge ulaula niyu. Ugaid ne iyan ku rà ibpesabut te menusiyà ne endei rà ke nerineg ku rut te midsuhù kedì, ne egkedserihan nevenar sikandin.”

Juan 8:28

Ne geina te warà dan mesebuti ne migkahi en maa si Hisus te, “Ketà te hewii ne kedlensanga niyu ke Impeanak te Menusiyà diyà te pinebelevag ne kayu ne ketà niyu egkesebuti te siaken arà se intarem ku keniyu ne riyà ebpuun te Eleteala. Ne ketà ne egketuenan niyu rema te warà ebeelan ku te kedì dà ne hinawa, ugaid ne iyan ku rà igkahi ne endei rà ke ibpekahi kedì dut te Amey ku ne Eleteala.

Juan 8:42

“Na,” ke si Hisus “embiya ke Eleteala iya maa ke amey niyu, ne igkelimù a nikiyu su diyan a mibpuun te kandin. Ne kenà kedì ne kiyug se kinepengkayi ku su sikandin ke midsuhù kedì.

Imperayag 1:1

Ini se insurat ne imperayag ni Hisu Kristu. Imbehey ini kandin dut te Eleteala su apey igkepesabut diyà te menge mibperetiyaya te Eleteala ke engkey se mehaan ne egkenged-ulaula. Impayag ini ni Hisu Kristu diyà te ki Juan ne sugsuhuen din ibpepevayà te suluhuen din ne midsuhù din diyà te kandin.