Juan 12:38 - Ke meupiya ne tudtul mekeatag ki Hisu Kristu

³⁸ su apey egketuman en ke migkahi ni Isayas ke ebpelambas te lalag te Eleteala rengan ne egkahi te, “Eleteala, warà utew mibperetiyaya te impesabut dey! Warà utew midsabut rut te gehem ne impekita nu kandan!”

Juan 12:38 ပူးပေါင်းရင်းမြစ်များ

Mateo 15:7

Sikiyu ne uvag en kun ne ebperetiyaya! Benar iya ke lalag mekeatag keniyu ne impesurat te Eleteala ki Isayas ne mibpelambas te Lalag te Eleteala rengan su migkahi te,

Mateo 16:17

“Mibpenaub ka, Simon ne anak ni Juan!” ke si Hisus. “Su benar ini se migkahi nu, ugaid ne kenà etew se mibpayag kayi te kenikew su ke Amey ku riyà te langit.

Mateo 27:35

Arà dà ne inlansang dan en si Hisus diyà te pinebelavag ne kayu. Neipus dan ne mibunutbunutan dan ke velegkas din ke entei se ebpekegkemuney kandan.

Juan 12:37

Misan merakel en ne mekegeyip ne mid-ulaula rin ne nekita ran ne warà dan mebperetiyaya kandin,

Juan 12:39

Ne ruen dema ingkahi ni Isayas mekeatag te kenà dan kebpekeperetiyaya, ke sikandin te,

Juan 15:25

Ugaid ne iyan ebpuun te kegkeepes dan kedì ne egketuman ke impesurat diyà te penduan dan ne egkahi te, ‘Neepes dan kedì misan warà puunan din.’ ”

Juan 17:12

Su gewii te ini e pà te kandan ne mid-ipat ku sikandan te ralan te kerekelà te gehem te ngaran nu ne imbehey nu kediey. Uya, mid-ipat ku sikandan su warà seveka rà kandan ne neawà liyu rà ketà te senge etew ne iyan dà nekahi neraan ne ed-ulug kediey. Neawà sikandin su apey egketuman ke impesurat ne Lalag nu.

Juan 19:24

Migkahi ke menge sundaru te, “Kenà tew ini ebpenebtevasen, ugaid ne ebunutbunut ki su apey tew egkekita ke engkey se ebpekegkemuney.” Ini ke mid-ulaula ran su apey egketuman ke impesurat ne Lalag te Eleteala rengan ne egkahi te, “Mibaadbaad dan ke velegkas ku, ne mibunutbunutan dan ke inlelembung ku.” Ne ini iya ke mid-ulaula te menge sundaru.

Ruma 10:16

Ugaid ne guna su impemenudtul en ke Meupiya ne Tudtul ne deisek dà kandan se mibperetiyaya. Su iring dut te lalag te senge etew ne mibpelambas te lalag te Eleteala rengan ne si Isayas ne migkahi te, “Is kerenan, iring te warà utew ebperetiyaya dut te impemenudtul dey.”

Ruma 10:20

Ne mepmepayag nevenar se Lalag te Eleteala ne impenudtul rengan ni Isayas se migkahi te, “Ke menge etew ne warà mebpemengà kediey ne netuen a nikandan. Uya, ke menge etew ne warà a impenginginsà nikandan ne mibpepayag a riyà te kandan.”

1 Kurintu 1:24

Ugaid ne ke menge etew ne miduma rut te kedtawag te Eleteala, misan Hudiyanen etawa kenà, ne nemesmasan dan dut te kinepatey ni Hisu Kristu riyà te pinebelavag ne kayu ne ketà impayag te Eleteala ke gehem din wey ketau rin.

Gelasiya 1:16

Ne guna su neuma en ke hewii te kebpayag kedì dut te Eleteala te si Hisu Kristu ke tuney ne Anak din su apey ku ibpesabut diyà te kenà menge Hudiyanen ke Meupiya ne Tudtul mekeatag ki Hisus, ne warà a mebpendiyà te senge etew rà te ebpemandù kedì.