Juan 12:36 - Ke meupiya ne tudtul mekeatag ki Hisu Kristu

³⁶ Taman te kayi pà te keniyu ke sulù, ne serihi niyu su apey kew ebpekehemew te kerayahan.” Neipus ni Hisus se kinelalag din ketà ne mid-awà en ne mid-eles kandan.

Juan 12:36 ပူးပေါင်းရင်းမြစ်များ

Mateo 21:17

Ketà ne mid-awà en si Hisus se ebpependiyà te inged ne Bitanya ne dutun en mid-irehà.

Mateo 5:14

“Ne iring kew te sulù ne ebpeketeyew diyà te langun ne menusiyà. Su ruen beseanan ne egkahi te, ‘Ke inged ne riyà meketahù te puntur te buvungan ne kenà ebpekeeles.’

Lucas 16:8

“Guna su nerineg kayi te mepurù te kedserihan ne nekekahi sikandin te, ‘Hey, metautau sikandin ne ebpenehana te keuyahan din keuremà!’” Ne migkahi en maa si Hisus te, “Ke menge etew ne kayi rà te ampew te dunya ne kenà sakup te Eleteala ne metau ne ebpekiduma rut te ruma ran su apey ruen egkekuwa ran. Ugaid,” ke si Hisus, “ke menge etew ne sakup te Eleteala ne kenà dan bes metau ne ebpenehana te akir din ne hewii riyà te langit.

Juan 1:7

Iyan din kinesuhua ki Juan ne ebpepemenduen din mekeatag dut te kerayag ne si Hisus su apey ke langun ne ebpekerineg dut te penduan ne ebpekeperetiyaya.

Juan 11:54

Tembù be warà en mebpekitakita si Hisus dut te merakel ne etew ketà te inged ne Hudiya, ugaid ne mibpendiyà sikandin te inged ne ed-ingaranan te Ipraim uvey te tanà ne kenà egkeubpaan te etew. Ne ketà sikandin med-ubpà wey ke edumdumaan din.

Juan 12:37

Misan merakel en ne mekegeyip ne mid-ulaula rin ne nekita ran ne warà dan mebperetiyaya kandin,

Juan 12:46

Mibpengkayi a ne kerayag kayi te ampew te dunya su apey ku egkereyahi ke itungan dut te menge etew su apey ke langun ne ebperetiyaya kedì ne kenè en egkerusireman ke itungan dan.

Juan 3:21

Ugaid ke etew ne metidtu se ulaula rin ne ed-uvey dut te merayag su apey egkepayahi ke ulaula rin, su apey egkekita ke ulaula rin ne riyà ebpuun te gehem te Eleteala.”

Juan 8:12

Ne migkahi pà maa si Hisus diyà te menge etew te, “Siaken ke sulù ne ebpekerayag te itungan te langun ne menge etew kayi te ampew te dunya. Piya engkey ne eduma kedì ne kenà en ed-ipanew diyà te kerusireman su egkereyahan en ke itungan dan kayi te rayag te sulù ne ebehey te umur ne warà edtemanan din.”

Juan 8:59

Arà dà ne mibpurut en ke menge Hudiyanen te vatu su idrumbag dan ki Hisus, ugaid ne mibpeniyuksiyuk si Hisus ne mid-awà ketà te Nekebpuru ne Valey ne te Eleteala.

Ipisu 5:8

Su rengan ne iring te ke itungan niyu ne merusirem, su warà niyu pà metueni ke ralan te Eleteala. Ugaid ne guntaani ve ne ke itungan niyu ne nereyahan en su midsarig kew en ki Hisu Kristu ke Kerenan tew. Tembù be iyan niyu ul-ulaa ne dait ne ulaula rut te etew ne kayi en te kerayahan.

1 Tiselunika 5:5

Su langun te sikita ne mibmerayag en ke itungan ta ne kenà iring dut te merusirem ne itungan te menge etew ne kenà ebperetiyaya ki Hisus.

1 Tiselunika 5:8

Ugaid ne nekevira en ke sikita ne mibperetiyaya ki Hisus su mibmerayag en ke itungan ta. Tembù be ed-uram ki su apey ke kedsarig ta ki Hisus wey ke kebpelimlimuey ta ne arà ke iring limbutung ta ne ebpekealang keyta dut te kebpenggeram keyta te datù te pekaid. Ne ke penerengen ta te kebpekeliyu ta rut te kedusa te Eleteala ne arà ke iring sepiyu ta ne putew ne ebmelinew ke itungan ta wey ebpekeiseg ke kebperetiyaya ta.