Juan 12:16 - Ke meupiya ne tudtul mekeatag ki Hisu Kristu

¹⁶ Ketà ne hewii ne warà mesebuti ini rut te edumdumaan din. Ugaid ne guna su nevanew en si Hisus wey nevantun en diyà te langit, ne netenuran dan arà se kedlusud ni Hisus diyà te Hirusalim ne netuman ke impesurat ne Lalag te Eleteala rengan.

Juan 12:16 ပူးပေါင်းရင်းမြစ်များ

Marcos 16:19

Guna su nekeipus si Hisus ke Kerenan se edlalag kayi te menge edumdumaan din ne nevatun en diyà te langit, ne mibpinuu en diyà te egkekewanan te Eleteala.

Marcos 9:32

Ne warà dan mesebuti ke meana rut te migkahi ni Hisus kandan, ugaid ne neandek dan te ed-insà kandin.

Lucas 18:34

Ugaid ne ini se edumdumaan din ne warà dan mekesabut te misan deisek dà kayi te migkahi ni Hisus. Su in-eles kandan ke meana rin, ne warà dan metueni ke engkey se edlelehen din.

Lucas 24:25

Ne migkahi en si Hisus kandan te, “Warà bes itungan niyu! Meambe ke warà kew mebperetiyaya rut te langun ne impesurat te menge mibpelambas te Lalag te Eleteala rengan?

Lucas 24:45

Ne arà pà ne mibukaan din ke itungan dan su apey ran ebpekesabut dut te impesurat ne Lalag te Eleteala.

Lucas 9:45

Ugaid ne warà dan mesebuti ke meana rut te migkahi ni Hisus kandan, ne neandek dan te ed-insà.

Juan 12:23

Migkahi si Hisus te, “Neuma en ke hewii te ebpekeulì ke Impeanak te Menusiyà diyà te Amey rin su ebeheyan rut te kandin ne bentuhan.

Juan 14:26

“Ugaid ne misan ed-ewaan ku en sikiyu ne ruen en edsuhuen te Amey ku ne ebpekesambì kediey ne edtavang keniyu. Ini se edtavang keniyu ne ke Kedesenan ne Ebpetuntul te Menusiyà su sikandin se ebpenurù keniyu te langun taman, ne ebpetenuran din dema keniyu ke langun ne migkahi ku.

Juan 16:4

Ugaid ne egkehiyen ku ve ini keniyu neraan,” ke si Hisus, “su embiya egked-ulaula en ini ne egketenuran niyu te ingkekahi ku en keniyu. Ini ne warà ku kehiya keniyu te aney en,” ke si Hisus, “su geina te ebpemekeduma kiyu pà.”

Juan 17:5

Na guntaani, Amà, te ed-ulì ad diyà te etuvangan nu ne iulì nu en kediey ke raman ku ne kenà egkeseupama iring dut te aney en ne raman ku te riyan e pà te keykew te warà pà limbaha ini se dunya.

Juan 2:22

Guna su neuma en ke hewii te nevanew en si Hisus, ne arà pà ne netenuran dut te edumdumaan din ini se nekahi rin. Ne mibperetiyaya ran ke impesurat ne Lalag te Eleteala mekeatag te kegkevanew ni Hisus abpeg dut te nekahi rin mekeatag te sikandin.

Juan 7:39

(Ini se impesabut ni Hisus mekeatag dut te Kedesenan ne Ebpetuntul te Menusiyà ne mehaan en ebpekeubpà diyà te menge etew ne ebperetiyaya kandin. Ugaid ne ketà ne hewii ne warà pà ingkevehey ni Hisus ke Kedesenan ne Ebpetuntul te Menusiyà ne ibpeubpà din kandan su warà pà nevanew si Hisus dut te Amey rin ne Eleteala te kebpekeulì din diyà te langit te kedeyù kandin te Amey rin.)

Nenged-ulaula 2:33

Mibatun te Eleteala si Hisus ne riyà impepinuu te rapit te egkekewanan te Amey rin ne Eleteala, ne imbehey kandin dut te Amey rin ke Kedesenan ne Ebpetuntul te Menusiyà ne impasad kandin. Ne imbehey red kandin lavew ke ketengdanan te ibpepengkayi rin ke Kedesenan ne Ebpetuntul te Menusiyà dut te sikami. Ne ini se nekita niyu wey nerineg niyu ne ini se mekegeyip ne mid-ulaula dut te Kedesenan ne Ebpetuntul te Menusiyà ne imbehey rin kenami.

Nenged-ulaula 2:36

“Tembù be,” ke si Pedro, “langun te sikita ne menge kevuwaran ni Israyil ne iyan iya se edsebuten tew te si Hisus ini ne inlansang niyu diyà te pinebelavag ne kayu ne sikandin ke netendù te Eleteala ne Kerenan tew wey ke Impasad ne Ebperetuen te langun.”

Nenged-ulaula 3:13

Ugaid ne ke Eleteala ne iyan ed-erapen dut te menge keep-epuan tew ne si Abraham, si Isaac wey si Jacob,” ke si Pedro, “ne impepurù din ke sugsuhuen din ne si Hisus su mibatun din. Ugaid te kayi pà sikandin te ampew te dunya, ne impalad niyu sikandin diyà te menge egkeunuten niyu diyà te gubirnu niyu su ebpeimetayan. Ini se mid-ulaula niyu misan ibpeliyu perem sikandin ni Pilatu ke gubinedur, ugaid ne warà kew medtuhut su mid-engkenà kew kandin diyà te etuvangan ni Pilatu.

Hibruhanen 12:2

Ne kenà kiyu ebpenlingìlingì te keduma tew ki Hisus su sikandin ke ed-iringan tew su sikandin ke rudsuan te kedsarig tew wey sikandin ded ke edtemanan. Midtigkeran din en ke keresayen te kinelensanga kandin diyà te pinebelavag ne kayu, ne warà din ingkeyeyai te ked-imetayi ran kandin ketà su netuenan din te ruen igkehalew rin embiya egkeipus din ini se helevek din te ebpeliyu kenitew. Ne guntaani ne ebpepinuuwen en sikandin diyà te egkekewanan ketà te ebpinuuwan te Eleteala ne edatù.

Hibruhanen 8:1

Iyan meana kayi rut te langun ne migkahi ku ne ruen en Mepurù ne Terebpelengesa tew ne ebpeninindeg kenitew diyà te Eleteala. Ne diyan en sikandin ebpinpinuu te dapit te egkekewanan te Eleteala diyà te langit.