Juan 12:13 - Ke meupiya ne tudtul mekeatag ki Hisu Kristu

¹³ Ne mibpenguwa ran te dawun te menge niyug ne midsinuhung dan si Hisus se egkerag te, “Edeyuen tew ke Eleteala! Ne menu ma ke ebpeneuven te Eleteala ini se ebpekeuma, su midsuhù din te ralan te ketengdanan din. Menu ebpeneuven te Eleteala ini se nepemilì ne Ebperetuen te menge kevuwaran ni Israyil!”

Juan 12:13 ပူးပေါင်းရင်းမြစ်များ

Mateo 23:39

Ne ini se igkahi ku keniyu, igenat guntaani ne kenà a niyu en egkekita taman te egkeuma arà se hewii ne ebpekekahi kew te, ‘Edeyuen tew ini se nekeuma, ne midsuhù te Eleteala ke Kerenan tew.’ ”

Mateo 27:42

“Nekepelihaun kun sikandin te menge ruma rin, ugaid ne ke kandin ne hinawa ne kenà din egkegaga. Menu, kenà sikandin ke ratù te menge Hudiyanen? Embiya ebpekepemenaug sikandin keniyan te midlensangan kandin, ne ebpekeperetiyaya ki te sikandin ke Impasad te Eleteala ne Ebperetuen te langun.

Juan 1:49

“Meyterù,” ke si Natanael, “sikuna ves iya ke Anak te Eleteala! Sikuna en iya ke Edatù keytew ne menge kevuwaran ni Israyil!”

Juan 12:14

Ne migkuwa ni Hisus se nati ne kudà ne mid-untud sikandin iring dut te impesurat ne Lalag te Eleteala ne egkahi te,

Juan 12:15

“Sikiyu ne mehinged te Hirusalim, kenà kew meandek! Su ebpekeuma en ini ke ratù niyu ne ed-untud te nati te kudà.”

Juan 19:15

Ne mibpemensag ke menge Hudiyanen te, “Id-awà su ed-imetayan! Ibpelansang nu sikandin diyà te kayu!” Migkahi si Pilatu te, “Maa, ibpelansang ku ve ini se ratù niyu riyà te pinebelavag ne kayu?” Ne mibpemensag ke menge mepurù te terebpelengesa te, “Seveka rà se ratù dey ne si Cesar dà.”

Imperayag 15:3

Ne egkanta ran te bayuk ni Moises ini se miduma te Eleteala rengan, wey ke bayuk dut te Nati te Bilibili, ke sikandan te, “Is Eleteala ne Kerenan dey ne rekelà se kebayàbayà nu. Langun ne ed-ul-ulaan nu ne rekdekelà wey mekegeyip. Sikuna se edatù dut te langun ne menge inged, ne metidtu wey nekesuhat ke langun ne ed-ul-ulaan nu.

Imperayag 19:16

Iyan insurat diyà te kumbalà din wey diyà te buvun din ne, “Datu dut te langun ne menge datù wey Mepurù dut te langun ne ruen bayàbayà din.”

Imperayag 7:9

“Neipus arà ne ruen nekita ku ne denda ne menge etew ne kenà egkevirang. Riyà dan ebpuun te langun ne edsusunan te menge etew, diyà te langun ne bansa, diyà te langun ne inged wey langun ne kinehiyan te menge etew. Mid-itindeg dan diyà te etuvangan te ebpinuuwan dut te edatù wey riyà te etuvangan dut te Nati te Bilibili. Ne mibevelegkas dan te melayat ne meputì ne kumbalà ne mid-ewit dan te dawun te niyug.