Juan 11:41 - Ke meupiya ne tudtul mekeatag ki Hisu Kristu

⁴¹ Ketà ne midlilid dan en ke batu ne in-alang ne midlingakà en si Hisus diyà te langit se ebpengeningeni te, “Dekelà se kegkereyù ku keykew, Amey ku, su ebpeminehen nu ini se ebuyuen ku.

Juan 11:41 ပူးပေါင်းရင်းမြစ်များ

Mateo 11:25

Ne ketà ne mibpengeningeni si Hisus se egkahi te, “Ew Amà, sikuna ke Kerenan diyà te langit wey kayi rema te ampew te dunya. Dekelà se kebpeselamat ku kenikew su impayag nu ke ketau nu rut te menge etew ne warà egketùtuenan din, ne in-eles nu ini se ketau nu rut te menge etew ne dekelà se netuenan din.

Mateo 11:26

Uya, dekelà se kebpeselamat ku kenikew, Amà, su ini se mid-ulaula nu ne ini ke kiyug nu.”

Mateo 27:60

ne in-awuk din en ketà te behu pà ne leveng ne imbangbang diyà te dempilas ne intail ne kandin ne leveng. Ne ruen dekelà ne batu ne midlilid din ne inlekeb ketà te bengawan te leveng ne mid-ewaan din en.

Marcos 15:46

Arà dà ne mid-ipanew en si Jose su ebpemasa te meputì ne saput ne ibukus dut te bangkey ni Hisus te kedleveng kandin, ne migkuwa rin en ke vangkey ne mibukusan din en ketà te saput. Nepasad din ne inleveng din en ketà te imbangbang ne leveng diyà te dempilas. Dutun ne ruen dekelà ne vatu ne midlilid din ne inlekeb ketà te bengawan te leveng.

Lucas 10:21

Ketà ne hewii ne mibpehalew si Hisus dut te kedlumun te Kedesenan ne Ebpetuntul te menusiyà ne mideyù din ke Eleteala se egkahi te, “Ew Amà, sikuna ke Kerenan diyà te langit wey kayi rema te ampew te dunya. Dekelà se kebpeselamat ku kenikew su impayag nu ke ketau nu rut te menge etew ne warà egketùtuenan dan, ne in-eles nu ini se ketau nu rut te menge etew ne dekelà se netuenan dan. Uya, dekelà se kedeyù ku keykew, Amà, te ini se mid-ulaula nu su ini ke kiyug nu.”

Lucas 18:13

“Ugaid ne ini se etew ne ebpevayad te buwis ne mibpekeriyù sikandin ne midurungul ne mibpenempak din se kumeng din te kegkebmutu rin ne mibpengeningeni se egkahi te, ‘Is Eleteala, ikeyru a nevenar nikuna su mekesesalà a.’

Lucas 24:2

Nekeuma ran ne nekita ran te nelilid en ke vatu ketà.

Juan 11:22

Ugaid ne netuenan ku te misan guntaani ke ruen ebuyuen nu te Eleteala ne ibehey rin keykew.”

Juan 17:1

Guna su nepasad ni Hisus te egkahi diyà te edumdumaan din, ne midlingakà diyà te langit se ebpengeningeni te, “Amà, ini en ke hewii te kedtumana nu ke kiyug nu. Ipekita nu te menge etew ke raman ne kenà egkeseupama dut te Anak nu apey ku ibpekepekita ke raman nu ne kenà egkeseupama.

Juan 20:1

Guna su mesmeselem te Akad ne mibpendiyà si Maria Megdelina te midlevengan ki Hisus te merusirem pà. Nekeuma ketà sikandin ne nekita rin te neawè en ke vatu ne inlekeb dut te gumawan te leveng.

Nenged-ulaula 7:55

Ugaid ne si Esteban ini, ne midlumun en kandin ke Kedesenan ne Ebpetuntul te Menusiyà ne midlingakà sikandin diyà te langit ne nekita rin ke daman dut te Eleteala ne ketà ne nekita rin dema si Hisus ne mid-itindeg diyà te egkekewanan te Eleteala.

Pilipus 4:6

Kenà kew egkeuru te misan engkey en, ugaid ne ipengeningeni niyu riyà te Eleteala mekeatag te langun ne egketemanan niyu. Buyua niyu diyà te kandin te langun ne kurang niyu, ne peselemati niyu sikandin dut te ibehey rin.