Juan 11:20 - Ke meupiya ne tudtul mekeatag ki Hisu Kristu

²⁰ Guna su nerineg ni Marta se ebpekeuma en si Hisus ne midsinuhung din en, ugaid ne si Maria ne riya ded te valey.

Juan 11:20 ပူးပေါင်းရင်းမြစ်များ

Mateo 25:1

Ne mibpenempità pà maa si Hisus te, “Ketà te edlived ku kayi te ampew te dunya, ne ke menge etew ne egkiyug ne ebpekiduma dut te menge etew ne Edetuan te Eleteala ne iring kayi. Ruen sepulù ne etew ne menge raha ne ebpengemkem te sulù dan su edtelevuken dan ini se kenakan ne ibpengesawa.

Mateo 25:6

“Ne ketà te edluuk en ke kerukileman ne ruen migkerag te, ‘Ini en ke kenakan ne ibpengesawa! Pengkayi kew en su sinuhunga niyu en sikandin!

Juan 11:30

(Warà pà mekeuma si Hisus kayi te inged dan su diyà pà lavew sikandin te nesinehungan ni Marta.)

Nenged-ulaula 10:25

Guna su edlusud en si Pedro perem dutun te valey, ne midsinuhung en ni Cornelio se mibpenimbuel su ebpengarap kandin.

Nenged-ulaula 28:15

Guna su nerineg dut te menge mibperetiyaya ki Hisus diyà te Ruma te ebpekeuma key en, ne mid-ipanew ran taman te inged ne ed-ingeranan te Pedian ne Apiyu wey inged ne ed-ingeranan te Tetelu ne Valey ne Edlevungan su edtelavuk kenami. Guna su nekita ran ni Pablo, ne mibpeselamat sikandin te Eleteala su mibmeupiya se hinawa rin te eduma kandan diyà te inged ne Ruma.

1 Tiselunika 4:17

Egkeipus arà ne edtawehen ni Hisus ke langun ne mibperetiyaya ne warà pà minatey, ne ebpekeruma ran dut te behu pà ne nevanew en diyà te sehulapun su apey ran ebpeketelavuk dut te Kerenan tew diyà te kewkewangan. Ne diyà ki te kandin taman te taman.