Juan 11:11 - Ke meupiya ne tudtul mekeatag ki Hisu Kristu

¹¹ Iring ketà se nekahi ni Hisus te sempità din ne migkahi en maa te, “Nekelipereng en arà se sepekat tew ne si Lasaru, ugaid ne ebpendiyan a su apey ku mepukew sikandin.”

Juan 11:11 ပူးပေါင်းရင်းမြစ်များ

Mateo 27:52

Ne ruen menge penlelevengan ne surung ne nengepuwasan, ne merakel ke minatey ne mibperetiyaya ki Hisus ne nengevanew en.

Mateo 9:24

ne migkehiyan din sikandan te, “Awà kew langun! Warà minatey ayan se vatà su nekelipereng dà sikandin!” Nerineg dan dà ini ne mid-engitan dan en sikandin.

Marcos 5:39

Guna su midlusud en si Hisus ketà te valey ne migkehiyan din en sikandan te, “Meambe ini se egkehisaweg kew? Ne meambe ke ebpemenderawit kew? Warà minatey ayan se vatà su nekelipereng dà.”

Juan 11:10

Ugaid ne embiya ed-ipanew ki te merukilem ne ebpekesiud ki su merusirem en ma ne kenà ki en ebpekekita.”

Juan 11:12

Midtavak ke edumdumaan din te, “Embiya nekelipereng dà sikandin ne meupiya su egkeulian ded sikandin.”

Juan 11:13

Iyan meana te migkahi ni Hisus ne minatey en si Lasaru, ugaid ne kunaan dan ke andang dà ne kedlipereng arà se egkehiyen din.

Juan 11:3

Mibpesuhuan kayi te deruwa ne etevey ni Lasaru si Hisus ne iyan dan intelaan se, “Mama, ebpekedaru ini se sepekat nu ne igkelimù nu nevenar.”

Juan 3:29

Embiya idsempità ta,” ke si Juan, “ke ruen egkewingan ne ke meama ne ed-esawa ne ini se ebpekehaked dut te meritan, kenà ke egkuyug dut te egkewingen; ugaid ne ketà dema sikandin te uvey. Ne embiya egkerineg din en ke meama ne neked-esawa en ne ebpekidlalag en dut te esawa rin, ne dekdekelà se kegkehalew rin. Ini ve imbe ke sempità ku,” ke si Juan, “mekeatag ki Hisus wey siaken. Nehalew ad nevenar su nekekuyug a kandin te ebpenehana dut te netandang ku en ke ibayà din te ebpekeuma.

Nenged-ulaula 7:60

Ketà ne mibpenimbuel en sikandin ne mibmerahing se suwara rin se egkahi te, “Ey Kerenan, kenà nu penunduha ke menge salà dan!” Neipus din dà te egkahi ini, ne nepandus en ke hinawa rin.

1 Kurintu 15:18

Ne ruma pà, ne ke langun ne mibperetiyaya ki Hisus ne minatey en ne warà dan mekepeliyu rut te kedusa te salà dan.

1 Kurintu 15:34

Gimerata niyu en ke mata niyu su apey kew ebpekeimaman, ne engkeri niyu en ke ulaula niyu ne meraatey. Migkehiyan ku sikiyu kayi su apey kew egkeyeyai su ruen keniyan te keniyu ne reisek pà se netuenan din mekeatag te Eleteala!

1 Kurintu 15:51

Ne pemineha niyu ve ini se in-eles dengan ugaid ne impesabut en te Eleteala. Ini se egketemanan dut te langun ne mibperetiyaya ki Hisus. Kenà langun ne ebpatey, ugaid ne sikitew langun ne seguguneey se kegkesalin te lawa tew.

Ipisu 5:14

Ne ketà te egkekita ran ke meraat, ne egkepayahan dan te itungan dan ne edtidtuwen dan. Tembù be ruen beseanan ne egkahi te, “Sikew ke iring te edlipereng, imaman kad; Uya, su iring ke en te minatey, ne mevanew kad; Ne edtayawan ni Hisu Kristu ke itungan nu.”

1 Tiselunika 5:10

Su sikandin se mibpeimatey mekeatag keyta su misan minatey ki en etawa biviyag ki pà te arà ne hewii te kedlived din kayi, ne ed-ubpà ki riyà te kandin taman te taman.

Santiago 2:23

Ketà be ne ke lalag te Eleteala ne impesurat din dengan ne netuman en, ke sikandin te, “Mibperetiyaya si Abraham te edtumanen te Eleteala ke impasad din kandin, tembù be nevirang te Eleteala si Abraham ne metidtu.” Ne arà imbe se kineingerani kandin te sepekat te Eleteala.