Juan 10:34 - Ke meupiya ne tudtul mekeatag ki Hisu Kristu

³⁴ Ne migkahi si Hisus kandan te, “Ruen impesurat diyà te keniyu ne penduan te migkahi ke Eleteala, ‘Ragid kew kedì ne Eleteala.’

Juan 10:34 ပူးပေါင်းရင်းမြစ်များ

Juan 10:35

Netuenan tew,” ke si Hisus, “ke impesurat ne Lalag te Eleteala ne benar ne warà kegkesembii rin taman te taman su migkahi rin te imperagid dan te Eleteala ke menge keep-epuan tew ne mibehayan din dut te lalag din.

Juan 12:34

Migkahi ke merakel ne etew te, “Iyan tew nesebutan kayi te impesurat ne Lalag te Eleteala ne kenà ebpatey ke Impasad te Eleteala ne Ebperetuen din. Ne meambe maa ke migkahi ka te sikuna ke Impeanak te Menusiyà ne idtunggul ka riyà te pinebelavag ne kayu? Embiya iring ketà, ne engkey ma ini se Impeanak te Menusiyà?”

Juan 15:25

Ugaid ne iyan ebpuun te kegkeepes dan kedì ne egketuman ke impesurat diyà te penduan dan ne egkahi te, ‘Neepes dan kedì misan warà puunan din.’ ”

Juan 8:17

Su ruen nekesurat te penduan niyu ne egkahi te, ‘Embiya egkeseveka se bitiyara rut te deruwa ne etew ne edtitihus, ne benar se lalag dan.’

1 Kurintu 14:21

Su ruen impesurat ne Lalag te Eleteala rengan ne egkahi te, “Ruen edsuhuen ku ne menge etew ne senge bias se kinehiyan dan su apey ku ibpepenudtul dut te menge etew ne mibpemilì ku ke engkey se ebpesebutan ku kandan. Ugaid ne misan engketà se ed-ul-ulaan ku, ne kenà dan ebpemineg.”