Juan 10:26 - Ke meupiya ne tudtul mekeatag ki Hisu Kristu

²⁶ ugaid ne warà kew ma mebperetiyaya su warà kew ma mekelusud kayi te tudilan te bilibili ku.

Juan 10:26 ပူးပေါင်းရင်းမြစ်များ

Juan 10:27

Su ke menge etew ku ne timbang te bilibili ku,” ke si Hisus “ne ebpemineg dan kedì su egkekilala ren ma ke suwara ku. Egkekilala ku sikandan ne eduma ran kedì.

Juan 10:4

Ne embiya ve nekelihawang dan en ne ed-una en ke tumetuganur, ne edtundug en ke menge bilibili su egkekilala ran ke kandin ne suwara.

Juan 6:37

Ke langun ne menge etew ne ibehey kedì te Eleteala ne sikandan ke eduma kedì, ne langun ne eduma kedì ne warà senge etew rà kandan ne kenà ku edtelimaan.

Juan 6:65

Ne midsaup maa sikandin migkahi te, “Tembù be migkahi ku keniyu te warà senge etew rà ne ebpekeruma kediey embiya kenà egkepenehana ke hinawa rin dut te Amey ku ne Eleteala.”

Juan 8:47

Arà se etew ne benar ne anak te Eleteala ne ebpemineg te menge lalag te Eleteala. Ugaid ne sikiyu ne kenà din menge anak, tembù kenà kew ebpemineg.”

1 Juan 4:6

Ugaid ne sikitew, nevaluy kiyu en ne menge anak te Eleteala, tembù be ke menge etew ne kiyug ne eduma te Eleteala ne idtaan dan ke telinga ran su ebpemineg dan te penurù ta. Ugaid ke menge etew ne kenà egkiyug ne eduma te Eleteala, ne kenà dan ebpemineg te penurù ta. Ketà be ne egketuusan tew ke menge etew ne eduma rut te penurù ne benar wey ke menge etew ne eduma rut te tarù.