Juan 10:24 - Ke meupiya ne tudtul mekeatag ki Hisu Kristu

²⁴ Ne rutun ne miburun ke menge egkeunutan te Hudiyanen diyà te ki Hisus su mid-insaan dan te, “Keenu key pà nikuna edteremi ke entei ka? Embiya maa sikuna en ke Edetuen ne Impasad te Eleteala, ne ikahi nu en kenami.”

Juan 10:24 ပူးပေါင်းရင်းမြစ်များ

Mateo 11:3

Nekeuma ran ne migkahi ran te, “Menu, sikuna ke impesabut ni Juan ne ibpepengkayi te Eleteala etawa ruen duma pà ne egkepenareng dey?”

Marcos 8:32

Mibpeketuenan ni Hisus kandan ke langun ne ibped-ulaula kandin. Nerineg ni Pedro ne impekeriyù din si Hisus ne migkehiyan din te kenà en ebpeisehen te edlalag te iring ketà.

Lucas 3:15

Gewii rut te menge etew ne ebpemineg ki Juan ne mid-ilut se kebpenareng dan su iyan dan pegitungan ne si Juan ini ke Impasad te Eleteala dengan ne Ebperetuen te langun ne ed-ingeranan te Mesiyas.

Juan 1:19

Duen menge etew ne mibpendiyà te ki Juan su riyà sikandin te ripag te wayig ne Hurdan se ebpembunyag te menge etew. Ini se nekeuma ne menge terebpelengesa wey menge inenakan ni Levi su midsuhù dan dut te egkeunutan te menge Hudiyanen te ebpeinsaan dan si Juan te, “Entei ka?”

Juan 10:31

Guna su nerineg te menge Hudiyanen ke lalag ni Hisus ne mibpemurut dan en maa te menge batu su idrumbag dan kandin.

Juan 10:33

“Kenà iyan dey idrumbag keykew te batu,” ke se menge Hudiyanen “ne ayan se meupiya ne ulaula nu, ugaid ne ayan se kedsumpalit nu te Eleteala. Su egkahi ka te Eleteala ka, ugaid ne etew ke rà ma!”

Juan 16:25

“Ini se impesabut ku keniyu ne ralan te sempità,” ke si Hisus. “Ugaid ne ruen hewii ne egkeuma ne kenà ad ebpenempità su iyan ku kebpekidlalag keniyu mekeatag te Amey ku ne metidtu rà ne lalag.

Juan 8:25

“Engkey ke ma iya?” ke se menge Peresiyu. Ne midtavak si Hisus te, “Intarem ku en keniyu ke entei a igenat dut te aney en ne kebpenurù ku taman en gunteani.

Juan 8:53

Ke keep-epuan dey ne si Abraham ne minatey en, ne engkey, muna ke pà bes kandin? Wey ke mibpemelambas te Lalag te Eleteala ne mibpematey ran ded lavew. Engkey ke ma te keykew ne kebpegpegitung?”

Juan 9:22

Ini ke intavak dut te menge lukes din su neandek dan dut te menge egkeunutan te Hudiyanen. Su ruen neumpungan te menge egkeunutan te embiya ruen etew ne ebperetiyaya te si Hisus ke Impasad te Eleteala ne Ebperetuen, ne ibpeawà sikandin dut te baley ne ebpengedian te menge Hudiyanen te penduan dan.

2 Kurintu 3:12

Geina te rekelà te hinawa rey se kedsarig dey dut te behu ne pasad ne warà kegkeawà din, ne kenà dey igkeandek se kebpemesabut dey rut te Meupiya ne Tudtul mekeatag ki Hisus.