Juan 10:11 - Ke meupiya ne tudtul mekeatag ki Hisu Kristu

¹¹ “Siak ke meupiya ne tumetuganur,” ke si Hisus, “su andam a ne ebpebpatey apey kenà mekeiri ini se menge bilibili ku.

Juan 10:11 ပူးပေါင်းရင်းမြစ်များ

Mateo 20:28

Med-iring sikandin dut te Impeanak te Menusiyà te kenà iyan din kinepengkayi te ampew te dunya ne apey metevangi te menusiyà. Ugaid ne iyan din kinepengkayi ne apey rin metevangi sikandan, ne egkeimetayan su apey merakel se egkevelukasan.”

Juan 10:2

Ugaid ke etew ne edlusud te humawan, ne sikandin ke tumetuganur dut te bilibili.

Juan 15:13

Embiya ruen etew ne ebpebpatey su limù din dut te ruma rin, ne arà en imbe ke punggus te limù.

Ipisu 5:2

Ne pelimlimuey kew iring dut te limù ni Hisus kenitew. Su ke limù din kenitew ne impekita rin ketà te imbeliwas din ke umur din su apey ke Eleteala se ebpeliyu kenitew te kedusa rin te menge salà tew. Ne ini se kinebeliwas din te umur din ne iring te indrenà ne ibehey te Eleteala ne nekesuhat te hinawa te Eleteala.

Tito 2:14

Ne imbeliwas din ke lawa rin ketà te kinepatey rin su apey mekeliyu kiyu te kinekeuripen te salà tew wey apey ebmetilak ke hinawa tew. Ne insivey ki nikandin ne kandin ne sakup ne mibehayan ki nikandin te kiyug te ed-ulaula te meupiya.

Hibruhanen 13:20

Ne ke Eleteala ke mibanew ki Hisu Kristu rut te kinepatey rin, ne sikandin en ke pinekemepurù ne egkeunutan tew ne iring sikandin te tumetuganur dut te sikitew ne bilibili rin. Su ke lengesa rin ne impetudà ketà te kinepatey rin diyà te pinebelavag ne kayu ne arà ke tuus dut te behu ne pasad te Eleteala keytew, ini se pasad din ne warà kegkesembii rin taman te taman. Ne ibpengeningeni ku te Eleteala ne ebehey te melintad ne hinawa, ne ibehey rin kenitew ke langun ne ebpeketavang kenitew te kebpekeiseg te kedtumana tew te kandin ne kiyug. Ne ibpengeningeni ku red dema te sikandin se edtavang keniyu su apey kew ed-ulaula te ebpekesuhat te hinawa rin ibpepevayà dut te tavang ni Hisu Kristu keniyu. Ketà be ne edeyù kiyu ki Hisu Kristu taman te taman. Ne metuman be ini!

1 Pedro 5:4

Su ketà te kedlived ni Hisu Kristu kayi, ne iyan mepurù ne tumetuganur, ne ebpekeamung ki dut te ed-andlag ne raman te kebpepurù kandin ne kenà egkurang ke raman din.

1 Juan 3:16

Iyan tuus te tidtu ne limù ne ke kinepebpatey ni Hisu Kristu su apey ebpeliyu keytew dut te salà tew. Tembù be iyan iya se ruen limù tew rut te menge ruma tew misan ibpatey ta sabap te tavang ta kandan.

Imperayag 7:17

Su ini se Nati te Bilibili ne kayi te etuvangan te ebpinuuwan dut te edatù, ne sikandin se edtuganur kandan, wey ebpeneheewit kandan diyà te ebpuunan te menge wayig ne ebpekevehey te umur ne warà edtemanan din. Ne ke Eleteala ne id-awà din ke kemutuwan dan ne kenà dan en ebpekesinehew.”