Juan 1:9 - Ke meupiya ne tudtul mekeatag ki Hisu Kristu

⁹ Su ini ke benar ne kerayag ne mibpebaluy ne etew, ne nekeuma en kayi te ampew te dunya su edrayag dut te itungan te langun ne menusiyà.

Juan 1:9 ပူးပေါင်းရင်းမြစ်များ

Mateo 6:23

Ugaid ne embiya edsehulepunen se kedtengteng din ne iyan din meana ne mereatey se ulaula rin, ne iring te egkerusireman ke langun ne lawa rin!”

Lucas 11:36

Su embiya egkerayahan ke langun ne lawa nu ne warà misan deisek dà ne kerusireman, ne medmerayag nevenar ke lawa nu iring te egketeyawan ka te sulù.”

Juan 1:4

Sikandin ke ebpuunan te umur te menusiyà, ne ke umur din se ebpekerayag te itungan te langun ne menusiyà.

Juan 1:7

Iyan din kinesuhua ki Juan ne ebpepemenduen din mekeatag dut te kerayag ne si Hisus su apey ke langun ne ebpekerineg dut te penduan ne ebpekeperetiyaya.

Juan 12:46

Mibpengkayi a ne kerayag kayi te ampew te dunya su apey ku egkereyahi ke itungan dut te menge etew su apey ke langun ne ebperetiyaya kedì ne kenè en egkerusireman ke itungan dan.

Juan 14:6

Midtavak si Hisus te, “Siaken ke ralan te Eleteala, siaken ke ebpuunan te benar, ne siaken ded ke ebpuunan te umur ne warà edtemanan din. Warà etew ne ebpekependiyà te Amey ku embiya kenà kayi ebpevayà te kediey.

Juan 15:1

Ne mibpenempità si Hisus dut te edumdumaan din te, “Siaken ke benar ne lawa te pinemula ne iyan be edtuganur dut te pinemula ne ke Amey ku ne Eleteala.

Juan 6:32

“Sebenarvenar ini se egkehiyen ku,” ke si Hisus, “ke egkeenen ne imbehey ni Moises te keep-epuan niyu ne kenà ke tidtu ne egkeenen ne riyà ebpuun te langit, su ke Amey ku ne Eleteala se ebehey te tidtu ne egkeenen ne riyà ebpuun te langit.

Juan 7:12

Duen merakel ne ebpevutbutehey mekeatag kandin ketà te menge etew ne nevurun. Ruen egkahi te, “Si Hisus ne meupiya ne etew.” Ne ruen ruma pà ne egkahi te, “Kenà, su ibpesuwey rin ke menge etew.”

1 Juan 1:8

Embiya egkahi ki te warà salà ta, ne edlimbungan ta ini se hinawa ta ne ke benar ne tuluuwen ne kenà kayi te hinawa ta.

1 Juan 2:8

Ne misan daan en ini se suhù ne iring te behu pà su iyan nesebutan ta mekeatag te ini se suhù ne neumanan pà maa te impekita ni Hisus ini kayi te kinepatey rin ne ini se suhù se edumaan niyu rema. Su egkeawà en ke kerusirem kayi te keyta, ne egkerayahan ki rut te tidtu ne tuluuwen.

1 Juan 5:20

Ne netuenan tew rema te ke Anak te Eleteala se mibpengkayi te ampew te dunya su ebperayag te itungan ta su apey egkeheraman te hinawa ta ke tidtu ne Eleteala. Ne mibpekidseveka ki en kandin ne iyan tidtu ne Eleteala su mibpekidseveka ki en dut te Anak din si Hisu Kristu. Sikandin ke tidtu ne Eleteala ne sikandin ke ebpuunan te umur ne warà edtemanan din.