Juan 1:50 - Ke meupiya ne tudtul mekeatag ki Hisu Kristu

⁵⁰ Migkehiyan ni Hisus si Natanael te, “Maa iyan nu rè bes kebperetiyaya kediey, Natanael, se nekahi ku te nekita ku sikuna se riyà te medmeriyù ne levut te kayu ne igira? Ugaid ne muna pà se kebpekeperetiyaya nu ke egkekita nu en ke mekegeyip ne ed-ul-ulaan ku.”

Juan 1:50 ပူးပေါင်းရင်းမြစ်များ

Mateo 13:12

Su ke etew ne idtahù din te hinawa ke ibpesabut kandin te Eleteala, ne ed-umanan pà te Eleteala ini se kebpekesabut din su apey mehaked din ke muna pà dut te ebpegingewaan din. Ugaid ke etew ne kenà din idtahù te hinawa ke ibpesabut kandin te Eleteala ne egkeawà arà se reisek ne nesebutan din.

Mateo 21:19

Ne nekekita sikandin te kayu ne igira uvey te ibpevayà dan. Mid-uvey rin su ed-inteng sikandin ke ruen bahas din, ugaid ne warà nekita rin su tibal rawun. Ne migkehiyan ni Hisus ke kayu te, “Igenat guntaani ne kenà ke en imbe ebpekevahas!” Arà dà ne nehangu en ke kayu.

Mateo 25:29

Su ke etew,’ ke si Hisus, ‘ne egkeserihan dut te insarig kandin, ne ed-umanan pà apey edsawadsawad pà ke kandin. Ugaid ke etew ne kenà egkeserihan, ne ed-ewien pà misan ke reisek ne insarig kandin.

Lucas 1:45

Tembù be midtuvaran ka, Maria,” ke si Elisabet, “su mibperetiyaya ka te egketuman iya ke impesabut kenikew dut te suluhuen te Eleteala.”

Lucas 7:9

Nerineg ni Hisus ini, ne neinuinu nevenar sikandin. Ne mibengkiring sikandin dut te merakel ne etew ne ed-eguyut kandin ne migkahi en te, “Igkahi ku ini te warà pà mekeuma te etew ne iring kayi kerekelà se sarig din kediey misan kayi te langun ne kevuwaran ni Israyil!”

Juan 1:49

“Meyterù,” ke si Natanael, “sikuna ves iya ke Anak te Eleteala! Sikuna en iya ke Edatù keytew ne menge kevuwaran ni Israyil!”

Juan 1:51

Ne migkahi en si Hisus kandan te, “Benar ini se egkehiyen ku keniyu te egkekita niyu ke lesang te langit ne egkevukaan, ne ke suluhuen te Eleteala ne egkekita niyu se mekepemenayik ne mekepemenaug se ebpengkayi te ke Impeanak te Menusiyà.”

Juan 11:40

“Migkahi ku en keykew te embiya ebperetiyaya ka ne egkekita nu arà se ebpekereyù te Eleteala,” ke si Hisus.

Juan 20:29

Migkahi si Hisus kandin te, “Maa, arà pè be ne mibperetiyaya ka su nekita ad nikuna! Ugaid ne idtarem ku ini, egkehalew nevenar ke menge etew ne ebperetiyaya kedì misan warà dan mekekita kediey!”