Juan 1:44 - Ke meupiya ne tudtul mekeatag ki Hisu Kristu

⁴⁴ Si Felipe ne etew ne riyà ebpuun te inged ne Bitsaida, ke inged en ni Andres wey si Pedro.

Juan 1:44 ပူးပေါင်းရင်းမြစ်များ

Mateo 10:3

Si Felipe wey si Bartolome; si Tomas wey si Mateo ke ebpevayad te buwis; si Santiago ke anak ni Alpiyu, wey si Tediyu;

Mateo 11:21

“Sikiyu ne menge etew riyà te inged ne Kurasin,” ke si Hisus, “mekeandek-andek se egketemanan niyu! Ne sikiyu riyà te inged ne Bitsaida, mekeandek-andek dema se egketemanan niyu! Su embiya ke menge etew rà diyà te menge inged ne Tiru wey Sidun se nekekita kayi te menge mekegeyip ne mid-ulaula ku riyà te keniyu, ne neuhet dà ne mid-ewaan dan en ke meraat ne ulaula ran ne mibevelegkas dan en te sakù ne mid-evuwan dan ke ulu ran su tuus te nekedsendit dan.

Marcos 3:18

Ne elin dema si Andres, si Felipe, si Bartolome, si Mateo, si Tomas, si Santiago ke anak ni Alpiyu, si Tediyu, si Simon ke Patriat ne iyan din meana ne diralem se lengesa rin dut te inged din,

Marcos 6:45

Nekeipus dan dà ketà, ne impeuntud en ni Hisus te avang ke menge edumdumaan din su ibpeuna rin en sikandan te ed-apet te ranew riyà te inged ne Bitsaida, su ibpepeulì din pà ke menge etew.

Marcos 8:22

Nekerunggù dan kayi te inged ne Betsaida, ne ruen menge etew ne mibpeneheewit te pisek kayi te ki Hisus ne mibpemuyù dan te ibperampen kandin su apey meulii.

Lucas 10:13

Ne migkahi maa si Hisus te, “Sikiyu ne menge etew riyà te inged ne Kurasin, mekeandek-andek se egketemanan niyu! Ne sikiyu te inged ne Bitsaida, mekeandek-andek dema se egketemanan niyu! Su embiya ke menge etew rà diyà te menge inged ne Tiru wey Sudum se nekekita kayi te mekegeyip ne mid-ulaula ku riyà te keniyu ne neuhet dà ne mid-ewaan dan en ke meraat ne ulaula ran ne mibevelegkas dan en te sakù ne mid-evuwan dan ke ulu ran su tuus te nekedsendit dan.

Lucas 6:14

Iyan dan ngaran ini se nepemilì din ne si Simon (ke ed-ingaranan dema ki Pedro) wey ke ari rin ne si Andres, si Santiago wey si Juan, si Felipe wey si Bartolome,

Lucas 9:10

Guna su mibpengulì ke sepulù wey deruwa ne edumdumaan ni Hisus ne mibpenudtul dan kandin ke langun ne mid-ulaula ran. Ne pineruma rin ke edumdumaan din te sikandan dà diyà te inged ne ed-ingaranan te Betsaida.

Juan 1:43

Ne ke neketundug ne hewii ne nepegitung ni Hisus ne ebpendiyà te pruvinsiya ne Geliliya. Ketà ne nevalak din si Felipe ne migkehiyan din en te, “Duma ka kedì.”

Juan 1:45

Ketà ne mibeyaan ni Felipe si Natanael ne migkehiyan din en te, “Nekita rey en ke etew ne ingkesurat ni Moises diyà te riberù te menge penduan te Eleteala, wey ingkesurat ded dema dut te menge etew ne mibpelembas te Lalag te Eleteala rengan. Si Hisus ke ngaran din, ke anak ni Husi ne riyà ebpuun te Neserit.”

Juan 1:46

Ne rutun ne migkahi en si Natanael te, “Maa, ruen bes etew ne riyà ebpuun te Neserit ne ruen egkegaga rin?” Midtavak si Pilipi te, “Iyan tumù se pengkayi ka su intengi nu.”

Juan 1:48

Mid-insà si Natanael te, “Meambe ke egkekilala a nikuna?” Midtavak si Hisus te, “Nekita ku sikuna ketà te levut te kayu ne ed-ingaran te igira te warà pà med-ipanew si Felipe te edtawag keykew.”

Juan 12:21

Mibpendiyà dan te ki Felipe, senge etew ne ruma ni Hisus ne riyà ebpuun te inged ne Bitsaida lusud te inged ne Geliliya, ke sikandan te, “Egkesuat key ne ebpekibalak ki Hisus.”

Juan 12:22

Ne intarem ini ni Felipe riyà te ki Andres. Ne rutun ne mibperumeey ran en se ebpendiyà te ki Hisus ne mibpenudtul dan kandin.

Juan 6:5

Midsandeng si Hisus ne nekita rin ke denda ne menge etew ne ebpelingguma, ne migkehiyan din si Felipe te, “Endei kiyu ebpekekuwa te egkekaan ne ibpekaan tew keniyan te renda ne menge etew?”

Juan 6:7

Midtavak en si Felipe te, “Misan pipira pà ne hatus ne pirak se ibpemasa ta te egkeenen te iring keniyan se kerakel dan ne kenà pà ebpeketukid kandan misan idsenge sungit dà.”

Nenged-ulaula 1:13

Nekeuma ran diyà te Hirusalim ne mid-ulì dan diyà te sungkù dan diyà te divavew ne mid-ubpaan dan. Mesì dan ini ne si Pedro, si Juan, si Santiago, si Andres, si Felipe, si Tomas, si Bartolome, si Mateo, si Santiago ke anak ni Alfeo, si Simon ke Patriat (ne iyan din meana ne diralem se lengesa rin dut te inged din), wey si Hudas ke anak ni Santiago.