Juan 1:39 - Ke meupiya ne tudtul mekeatag ki Hisu Kristu

³⁹ Ne midtavak si Hisus te, “Duma kew en kedì su apey niyu egkekita.” Ne mibpekiduma ran en kandin te ed-inteng dut te ed-ubpaan din. Ne meapun en dutun ne wey ran med-ulì ne merukilem en.

Juan 1:39 ပူးပေါင်းရင်းမြစ်များ

Lucas 24:29

Ugaid ne mibangen dan sikandin se egkahi te, “Kayi kiyu pà su meapun en, ne edsanlep en ayan se andew.” Ne arà dà ne mibpekiduma en si Hisus kandan.

Juan 1:38

Ne midteren si Hisus ne midlilingey ne nekita rin ke deruwa ne etew ne edtundug kandin ne mid-insà te, “Meambe ke edtundug kew kedì?” Ne migkahi ran te “Rabi, (ne iyan din meana ne Meyterù) endei ka ed-ubpà?”

Juan 1:40

Ne senge etew kayi te deruwa se nekerineg te nekahi ni Juan ne miduma ki Hisus ne mid-ingaranan ki Andres, su teleari ran ki Simon Pedro.

Juan 1:46

Ne rutun ne migkahi en si Natanael te, “Maa, ruen bes etew ne riyà ebpuun te Neserit ne ruen egkegaga rin?” Midtavak si Pilipi te, “Iyan tumù se pengkayi ka su intengi nu.”

Juan 4:40

Guna su nekeuma en ini se menge etew te Semeriya ne mibuyù dan ki Hisus te kenà pà bevayà medlaus, ne ketà dema ne mid-ubpà si Hisus te nekederuwa ne hewii.

Juan 6:37

Ke langun ne menge etew ne ibehey kedì te Eleteala ne sikandan ke eduma kedì, ne langun ne eduma kedì ne warà senge etew rà kandan ne kenà ku edtelimaan.

Imperayag 3:20

Pemineha nu, su ed-itindeg a kayi te gumawan te baley nu ne ed-umew a kenikew. Embiya ebpemineg ka kediey ne ebpuwasan a nikuna, ne edlusud a ne ebpetuheney ki te egkaan.