Juan 1:1 - Ke meupiya ne tudtul mekeatag ki Hisu Kristu

¹ Rengan te warà pà limbaha ini se misan engkey en, ne raan en ketà ke mid-ingaranan te Lalag. Ne iyan kineingarani kandin ne Lalag su igkepayag din ke langun ne netahù te itungan te Eleteala. Ne raan sikandin ne ruma te Eleteala su Eleteala red dema sikandin.

Juan 1:1 ပူးပေါင်းရင်းမြစ်များ

Mateo 1:23

“Ebmehingey ini se raha ne warà pà mebeyugi ne ed-anak te meama ne iyan id-ingaran ne si Imanwil” (ne iyan din meana ne “Ke Eleteala ne kayi en te kenitew”).

Lucas 24:53

Ne merukilem meandew ne riyà dan te Nekebpuru ne Valey te Eleteala se edeyù te Eleteala.

Juan 1:14

Ne ke mid-ingaranan te Lalag ne mibpebaluy en ne menusiyà ne mid-ubpà en kayi te keytew. Ne lilimuen nevenar sikandin, wey ke langun ne egkehiyen din ne benar. Nekita rey ke geyip ne gehem din ne imbehey kandin te Eleteala su sikandin ke budtung ne Anak te Amey rin ne Eleteala.

Juan 1:18

Warà senge etew rà ne nekekita te Eleteala, liyu rà dut te budtung ne Anak din ne si Hisu Kristu, su iyan dan layun teleduma. Ne sikandin ke mibpesabut keytew mekeatag dut te Eleteala ne Amey rin.

Juan 1:2

Dut te warà pà melimbag ini se misan engkey en ne duma en sikandin te Eleteala.

Juan 16:28

Uya,” ke si Hisus, “diyan a mebpuun te Amey ku su mibpengkayi a te ampew te dunya, ne guntaani ne ed-ewaan ku en ini se dunya su ed-ulì ad diyà te Amey ku.”

Juan 17:5

Na guntaani, Amà, te ed-ulì ad diyà te etuvangan nu ne iulì nu en kediey ke raman ku ne kenà egkeseupama iring dut te aney en ne raman ku te riyan e pà te keykew te warà pà limbaha ini se dunya.

Juan 20:28

Migkahi si Tomas te, “Sikuna ke Kerenan ku, ne Eleteala ku!”

Juan 8:58

“Sebenarvenar ne ini se egkehiyen ku keniyu,” ke si Hisus, “te warà pà in-anak si Abraham ne raan ad.”

Ruma 9:5

Ne ke kepuun dan ne mibpemilì te Eleteala ne mevantug ne etew rengan. Ne kayi ebpuun te kevuwaran dan ne in-anak si Hisu Kristu ke Eleteala ne ebayàbayà te langun, ne edait ne edeyuen taman te taman.

Ipisu 3:9

Su ke Eleteala ne midlimbag te langun taman, ne insuhù din kedì te ebpesabut dut te langun ne etew ke engkey se ed-ul-ulaan din te edtuman dut te netahù te itungan din ne warà mibpeyahan din dengan

Pilipus 2:6

Misan igenat dà te pehaney ne Eleteala si Hisus, ne warà din pegitunga te intindeg din te sikandin ne Kerenan.

Kulasi 1:15

Nevaluy ne etew si Hisu Kristu apey sikandin se ibpekita keytew te paras dut te Eleteala ne kenà egkekita. Ne raan en si Hisus dut te langun ne nelimbag te Eleteala ne sikandin se mepurù dut te langun ketà,

Kulasi 1:17

Daan en si Hisu Kristu te warà pà melimbag te misan engkey en, ne langun ne nelimbag din ne kemulu pà guntaani su sikandin se mevaher ne egawed.

1 Timoteo 3:16

Netuenan tew langun ne ke kerekelà te penurù te Eleteala ne impayag din keyta ne mibperetiyaya rey en. Egkahi te, Nevaluy si Hisu Kristu ne etew ne mid-ubpà kayi te ampew te dunya, ne ke Kedesenan ne Ebpetuntul te Menusiyà, se iyan midtitihus te tuney sikandin ne Anak te Eleteala, ne nekita sikandin te suluhuen te Eleteala. Ne impemenudtul sikandin diyà te langun ne menge etew kayi te ampew te dunya, ne merakel se nekeperetiyaya kandin ini te lusud te dunya, ne mibpeliendud si Hisus diyà te Amey rin diyà te langit.

Tito 2:13

Ini rà be se ed-ul-ulaan tew te kedtahad tew ketà te meupiya ne Hewii ne ebpenerengen tew ne egkekita ta ke ed-andlag ne raman din dut te kedlived te Eleteala ne mekegehem ne si Hisu Kristu ke ebpeliyu kenitew.

Hibruhanen 13:8

Su ingenat dà te warà pà limbaha ini se dunya taman guntaani en ne warà mebparin si Hisu Kristu, ne iring ded lavew sikandin taman te taman.

Hibruhanen 7:3

Ne diyà te Lalag te Eleteala ne impesurat din ne warà lalag mekeatag te amey ni Milkisidik etawa ke iney rin etawa ke menge keep-epuan din. Ne warà mekesurat dema mekeatag te kineanaka kandin etawa ke kinepatey rin. Tembù be iring te warà rudsuan din wey warà ketepusan din. Ne ebpekeiring sikandin te Anak te Eleteala ne warà ketepusan se kedterebpelengesa rin.

2 Pedro 1:1

Siaken si Simon Pedro ne edsurat kayi. Sugsuhuen a ni Hisu Kristu wey epustul din dema ne iyan din meana ne kedserihan a nikandin. Edsurat e red maa dut te sikiyu ne menge ruma ta te mibperetiyaya ki Hisus. Ne ini se kebperetiyaya rut te langun tew ne neked-iring su ebpuun ded langun te Eleteala wey si Hisu Kristu ne mibpeliyu keyta. Su sikandin, ne iyan din ed-ul-ulaan ne metidtu, ne warà misan engkey ne etew ne ibpelavi rin.

1 Juan 5:20

Ne netuenan tew rema te ke Anak te Eleteala se mibpengkayi te ampew te dunya su ebperayag te itungan ta su apey egkeheraman te hinawa ta ke tidtu ne Eleteala. Ne mibpekidseveka ki en kandin ne iyan tidtu ne Eleteala su mibpekidseveka ki en dut te Anak din si Hisu Kristu. Sikandin ke tidtu ne Eleteala ne sikandin ke ebpuunan te umur ne warà edtemanan din.

1 Juan 5:7

Ketà ne tetelu ini se ebpesabut keyta te si Hisu Kristu ke Anak iya te Eleteala:

Imperayag 1:11

Ne migkahi te, “Isurat nu ini se egkekita nu ne ibpeewit nu diyà te menge mibperetiyaya diyà te pitu ne menge inged: diyà te inged ne Ipisu, Ismirna, Pirgamu, Tiyetira, Sardis, Piledilpiya wey riyà te inged ne Lewdisiya.”

Imperayag 1:17

Nekita ku rà sikandin, ne midlumpeng ad diyà te sineruwan din iring te minatey. Ugaid ne indampen din kediey ke kewanan ne belad din ne migkahi te, “Kenà ka meandek su siaken ke ebpuunan te langun taman ne siaken dema ke ebpeengked dut te ketepusan te langun taman.

Imperayag 1:2

Ne insurat ni Juan ke langun ne impekita kandin. Ne ini se insurat ni Juan ne ke Lalag te Eleteala wey ke benar ne impekita ni Hisu Kristu.

Imperayag 1:8

Ini se Kerenan tew ne Eleteala ne mekegehem, ne daan en sikandin te warà pà limbaha ke misan engkey en ne kemulu pà sikandin guntaan wey sikandin ded lavew taman te taman. Tembù be migkahi te, “Siaken ke Alpa wey Omega.” Ne ke meana kayi ne warà kurang din su sikandin ke ebpuunan te langun taman ne sikandin dema ke ebpeengked dut te langun.

Imperayag 19:13

Ne ini se belegkas din ne iring te in-ered diyà te lengesa, ne ke ngaran din ne “Lalag te Eleteala.”

Imperayag 2:8

Ne ketà ne migkahi pà maa si Hisus te, “Surati nu red ke suluhuen ne ebantey dut te menge mibperetiyaya diyà te inged ne Ismirna, ne ini se menge lalag ne isurat nu. “‘Ini se menge lalag ku keniyan te keniyu. Siaken ke ebpuunan te langun taman ne siaken rema ke ebpeengked dut te langun. Minatey a ugaid ne nevanew a red.

Imperayag 21:6

Ne migkahi rin ded maa te, “Nepupus en ini se langun. Siaken ke Alpa wey Umiga su siaken se ebpuunan te langun taman ne siaken dema ke ebpeengked dut te langun taman. Piya engkey en ne ebpekeinum, ne ebpeinumen ku te wayig ne kenà egkepemasa ne ebpuun te tuhunan ne ebehey te umur ne warà edtemanan din.

Imperayag 22:13

Siaken ke Alpa wey Umiga su siaken se ebpuunan te langun taman ne siaken dema ke ebpeengked dut te langun taman.”

Imperayag 3:14

Ketà ne migkahi en maa si Hisus te, “Surati nu ke suluhuen ne ebantey rut te menge mibperetiyaya te inged ne Lewdisiya, ne ini se menge lalag ne isurat nu. “‘Ini se menge lalag ku keniyan te keniyu. Siaken ne mid-ingaranan te “Amin” su egkedserihan a wey benar iya ke menge lalag ku. Ne langun taman ne nelimbag te Eleteala ne impepevayà din kayi te kediey.