Ipisu 6:4 - Ke meupiya ne tudtul mekeatag ki Hisu Kristu

⁴ Sikiyu ne menge lukes, kenà niyu layun igkeepesi ke menge anak niyu; ugaid ne ipetidtu niyu sikandan te edait ne ulaula rut te menge etew ne mibperetiyaya en ki Hisu Kristu ke Kerenan, ne penurua niyu sikandan dut te kiyug din kandan.

Ipisu 6:4 ပူးပေါင်းရင်းမြစ်များ

Ipisu 6:3

Su egkahi ketà te, “Embiya edtumanen niyu ini, ne meupiya se egketemanan niyu wey ebereumur kew kayi te ampew te dunya.”

Kulasi 3:21

Sikiyu rema ne menge lukes, kenà niyu ebpengunuti se ked-ehet niyu te menge anak niyu, su kema ke edereha ke hinawa ran.

2 Timoteo 1:5

Ne warà ku melipati ke tidtu ne sarig nu ki Hisu Kristu iring ded iya dut te kedsarig te apù nu ne si Loida wey ke iney nu ne si Eunice. Ne netuenan ku te ruen dema sarig nu iring dut te kandan ne sarig.

2 Timoteo 3:15

Ne netuenan nu te reisek ke pà taman te rekelà ke en ne nepenurù ke en dut te impesurat te Eleteala ne lalag din. Ini ve imbe se impesurat te Eleteala se nekevehey keykew te itungan su apey ka ebpekehaked ketà te umur ne wara edtemanan din embiya si Hisu Kristu se mibperetiyaya nu.