Ipisu 6:24 - Ke meupiya ne tudtul mekeatag ki Hisu Kristu

²⁴ Ne ebuyuen ku rema te Eleteala te menu ke peneuva kew nikandin, langun ne sikiyu ne kenà egkeawà ke limù din ki Hisu Kristu ke Kerenan tew. Arà dà taman. Pablo

Ipisu 6:24 ပူးပေါင်းရင်းမြစ်များ

Mateo 22:37

Ne midtavak si Hisus te, “ ‘Iamin nu ke hinawa nu te edlimù te Kerenan ne Eleteala nu, ne iamin nu ke baher nu wey ke itungan nu te ed-ulaula ke engkey se ebpekesuhat te hinawa rin.’

Mateo 28:20

Ne penurua niyu sikandan te kedtuman dut te langun ne impenurù ku keniyu. Ne ini se idtahù niyu te hinawa te layun a eduma keniyu taman te taman.

Mateo 6:13

Ne ipekeriyù key nikuna dut te menge mevaher ne penggeram, ne pekelangi key dut te datù te pekaid.’

Ruma 2:7

Ruen menge etew ne iyan dan ebpeisehen ne ke meupiya ne ed-ul-ulaan, su iyan netahù te itungan dan ne egkeuma ke hewii ne ebpekelusud dan en diyà te ed-ubpaan te Eleteala ne kenà igkeupama se keupiya rin. Ne ketà dan egkekita se nekesuhat dan te hinawa te Eleteala, ne riyà dan en ebpekeubpà taman te taman. Su ketà dan en egketelimà ke umur dan ne warà edtemanan din.

2 Kurintu 13:14

Ne kiyug ku perem ne egkeheram niyu ke tavang ni Hisu Kristu ke Kerenan tew, wey ke limù te Eleteala keniyu, wey ke kebpekidseveka niyu rut te Kedesenan ne Ebpetuntul te Menusiyà ne ed-ubpà diyà te keniyu. Arà dà taman. Pablo

2 Kurintu 8:12

Embiya dekelà se hinawa niyu te kebehey niyu te tavang ne endei rà se taman ne egkegaga ne arà dà ke ibehey niyu ne igkehalew te Eleteala. Su kenà din ebuyuen keniyu ke kenà niyu igkevehey, ugaid ne iyan din ebuyuen ne endei rà se egkegaga niyu te ebehey.

2 Kurintu 8:8

Kenà ku suhù ini keniyu, ugaid ne ebpeketuenan ku rà keniyu te rekelà dema se kiyug dut te ruma ne mibperetiyaya te kebpeketavang dan te ruma ran su apey ku egkekita embiya benar se sarig niyu te Eleteala.

Ipisu 6:23

Menge suled ku, iyan ku ebpengeningeniyen diyà te Eleteala ne Amey tew wey ki Hisu Kristu ne Kerenan tew ne menu ma ke ebeheran dan ke kedsarig niyu kandan su apey niyu egkeheram ke melintad ne itungan wey ke kebpelimlimuey niyu ne riyà ebpuun te kandan.

Pilipus 1:1

Sikami ne si Pablo ki Timoteo ne menge sugsuhuen ni Hisu Kristu se edsurat ini riyà te keniyu te menge ebpeneheewit dut te menge mibperetiyaya keniyan te inged te Pilipus abpeg ke ed-amung kandan wey ke langun niyu ne mibpesakup en te Eleteala sabap te mibperetiyaya kew ki Hisu Kristu.

Kulasi 4:18

Ne siaken imbe ini si Pablo se edsurat dut te ngaran ku kayi te ketepusan, ne ebpenginginsà a dut te langun ne sikiyu. Na kenà niyu lipati se ini a te bilengguan. Iyan ku kiyug ne egkeheram niyu ke tavang ne riyà ebpuun te Eleteala. Arà dà taman. Pablo

2 Timoteo 4:22

Iyan ku kiyug ne layun ka rumai ni Hisu Kristu ke Kerenan tew, ne langun niyu ne ebpekeheram te tavang ne riyà ebpuun te Eleteala. Arà dà se edlelehan ku. Pablo

Tito 2:7

Ne sikuna imbe, Tito, ne ipekita nu se meupiya ne ulaula nu ne egketularan su sikuna se egkeiringan dan. Ne embiya ebpenurù ka, ne tidtu te hinawa nu te kebpenurù su apey ran egkekita se tidtu se keykew ne peretiyaya.

Tito 3:15

Langun te menge ruma ku kayi ne elin ebpenginginsà mekeatag te sikuna keniyan. Ne ebpenginginsà a rema rut te menge ruma tew keniyan ne mibperetiyaya ke engkey en se egketemtemanan dan? Iyan ku kiyug ne langun niyu ne ebpekeheram te tavang te Eleteala. Arà dà taman. Pablo

Hibruhanen 13:25

Iyan ku kiyug ne langun niyu ne ebpekeheram te tavang te Eleteala.