Ipisu 6:17 - Ke meupiya ne tudtul mekeatag ki Hisu Kristu

¹⁷ Ne ke sarig niyu te si Hisu Kristu ke mibpeliyu keniyu rut te kedusa te salà niyu ne iyan iring te putew ne sepiyu ne id-alang te ulu niyu. Ne ke Lalag te Eleteala ne imbehey keniyu dut te Kedesenan ne Ebpetuntul te Menusiyà ne iyan iring te sundang niyu.

Ipisu 6:17 ပူးပေါင်းရင်းမြစ်များ

Mateo 4:4

Ne migkahi si Hisus te, “Iyan insurat ne Lalag te Eleteala ne egkahi te, ‘Kenà egkeenen dà se igkeuyag te etew, ugaid ne iyan ebpekeuyag kandin ne uman senge tahà ne lalag te Eleteala.’ ”

Mateo 4:7

Ne migkahi si Hisus te, “Ugaid ne ruen dema Lalag ne impesurat te Eleteala ne egkahi te, ‘Kenà kew baal te ralan ne ibpenggeram te gehem dut te Kerenan ne Eleteala niyu.’ ”

Ipisu 5:26

Mid-ulaula rin ini su apey kiyu ebmetilak dut te langun ne salà tew. Su iring te midlùluan din ke menge salà tew, ne ke tuus te midtilak kiyu en ne arà se kinebunyahi kenitew wey ke Lalag te Eleteala ne edumaan tew.

1 Tiselunika 5:8

Ugaid ne nekevira en ke sikita ne mibperetiyaya ki Hisus su mibmerayag en ke itungan ta. Tembù be ed-uram ki su apey ke kedsarig ta ki Hisus wey ke kebpelimlimuey ta ne arà ke iring limbutung ta ne ebpekealang keyta dut te kebpenggeram keyta te datù te pekaid. Ne ke penerengen ta te kebpekeliyu ta rut te kedusa te Eleteala ne arà ke iring sepiyu ta ne putew ne ebmelinew ke itungan ta wey ebpekeiseg ke kebperetiyaya ta.

Hibruhanen 4:12

Ke Lalag te Eleteala ne ebpekeiring te biviyag su mekegehem. Ne lavi pà se keharang te Lalag te Eleteala dut te memeharang ne sundang ne idtibas te etew ne medmeralem se id-uteng din. Ebpekeiring ketà su idtempayar din ke itungan wey ke kiyug dut te menge etew ne ed-eles te hinawa rin.

Hibruhanen 6:5

Su embiya neheraman dan en nevenar ke keupiya dut te lalag te Eleteala, ne neheraman dan en dema ke gehem te Eleteala iring dut te ibpayag din ketà te ketepusan ne hewii

Imperayag 1:16

Kayi te kewanan ne belad din ne ruen migeweran din ne pitu ne bituen, ne ruen migemew te bèbà din ne sundang ne meharang. Ne ke buked din ne ebpekesirang iring te rayag te neudtu ne andew.

Imperayag 12:11

Ugaid ne ke menge mibperetiyaya te Eleteala ne midtevanan dan arà se edsumbung kandan impepevayà dut te lengesa ni Hisus ke ed-ingaranan te Nati te Bilibili ne mid-imetayan diyà te pinebelavag ne kayu. Uya, midtevanan dan si Setanas impepevayà dut te benar ne penurù ne ibpemenudtul dan. Ne warà dan menuhuni ke umur dan misan ibpatey ran su atag dut te kebperetiyaya ran.

Imperayag 19:15

Ne ini se edtunduhen dan ne ruen migemew te bèbà din ne meharang ne sundang, ne arà se metarem din su apey edtavan sikandin dut te etew diyà te langun ne menge inged te ampew te dunya ne egkunterà kandin. Ne ini se kebayàbayà din kandan ne mevaher su kenà egkepakey ne kenà edumaan ke langun ne menge lalag din. Ne ini se egkunterà kandin ne edusaan din iring dut te etew ne egkeres te paras su ebaal te binu, su ibpekita rin ke rekelà ne kegkeepes te Eleteala ne iyan ke rekelà se kebayàbayà din.

Imperayag 2:16

Engkeri niyu ini se meraat ne ed-ul-ulaan niyu, su embiya kenà ne mehaan ku ebeyai sikiyu ne edusaan ku ini se menge etew kayi te sundang ne egemew te bèbà ku.