Ipisu 5:9 - Ke meupiya ne tudtul mekeatag ki Hisu Kristu

⁹ Su embiya nereyahan en ke itungan niyu, ne egkekita kayi te ulaula niyu ke langun ne meupiya wey ketidtu wey arà se benar.

Ipisu 5:9 ပူးပေါင်းရင်းမြစ်များ

Mateo 3:8

Embiya benar ne mid-engkeran niyu ke meraat ne ulaula niyu, ne ipekita niyu kayi te ulaula niyu.

Juan 1:47

Guna su nekita ni Hisus si Natanael se ebpelingguma kayi te kandin ne migkahi te, “Ayan be ke tidtu ne inenakan ni Israyil su warà edtelevan din.”

Ruma 15:14

Menge suled ku, kayi te itungan ku ne netuenan ku te layun niyu ed-ul-ulaa ke meupiya. Ne netuenan ku rema se netamat niyu en ke impenurù keniyu, ne ebpekegaga kew en te ebpenurù te menge ruma niyu.

Ruma 2:4

Kalu ke iyan niyu kunaan te geina te metulanged wey mepeseharen ke Eleteala ne warà en kedusai rin keniyu. Su iyan din kebpeketulanged ne apey kew mekepedsendit.

Ipisu 4:15

Ne sikitew ve mulà ne iyan tew ibpekidlalag te menge ruma tew ne ke benar ne penurù su atag dut te kebpelimlimuey tew su apey tew egkeiringi ke ulaula ni Hisu Kristu ne edlingekaan tew,

Ipisu 4:25

Tembù be kenà kew edtarùtarù. Ne iyan niyu rà kehiya te ruma niyu ne ke benar su langun tew te mibperetiyaya en ne nekeamung dut te lawa ni Hisus.

Ipisu 6:14

Ketà be ne layun kew ebpenehana. Iring te sundaru ne insebitan din ke adir te ebpekibunù, ne iyan niyu sebitan ne layun niyu edumai ke benar. Ne ke ed-ul-ulaan niyu ne metidtu ne iyan iring te limbutung ne id-alang te kumeng niyu.

Pilipus 1:11

Su ketà ne langun te ed-ul-ulaan niyu ne metidtu sabap dut te kedtavang ni Hisu Kristu keniyu, su sikandin dà se ebpekegaga te ked-ulaula niyu ketà. Ed-ul-ulaan din ini su apey egkereyù ke Eleteala wey egkeedatan sikandin.

Kulasi 3:18

Sikiyu ne menge meritan, edati niyu ke esawa niyu su ini ke dait ne ulaula te sikiyu ne mibperetiyaya.

1 Timoteo 6:11

Ugaid ne geina te sikuna ini, Timoteo, ne etew ne eduma te Eleteala, ne uram ka apey kenà ka ebpekeiring kayi te menge etew ini. Penamantaman ka te kebmetidtu te ulaula nu wey itungan ne ebpekesuhat te Eleteala. Ilaus nu ke kedsarig nu te Eleteala. Ikelimù nu ke menge ruma nu, ne misan engkey en kerehen din ne tigkeri nu, ne ipekita nu ke ketulengeran nu kandan.

Hibruhanen 1:8

Ugaid ne iyan migkahi te Eleteala dut te Anak din mulà se, “Ke kedatù nu, Eleteala, ne warà edtemanan din. Ne ke kedatù nu dut te menge etew nu ne metidtu rà nevenar.

Hibruhanen 11:33

Su sabap dut te kedsarig dan te Eleteala ne midtevangan dan te Eleteala. Su ruen mibpekibunù te derekelà ne inged ne midtavan dan. Ne ruen mibayàbayà te inged dan ne metidtu se ulaula ran, ne netelimà dan ke impasad kandan te Eleteala. Ne ruen imbehey te Eleteala ne gehem te edtelawà ke mewarew ne erimaung su iring te pinedtiem ke bèbà dut te erimaung su apey ran kenà mekekahat.

1 Juan 2:29

Netuenan ta te metidtu si Hisu Kristu, dutun ne netuenan ta rema te piya engkey ne etew ne metidtu se ed-ul-ulaan din ne nevaluy en sikandin ne anak te Eleteala.

3 Juan 1:11

Na suled ku ne rekelà te hinawa ku, kenà nu dumai ke menge meraat ne ulaula iring ketà, ugaid ne iyan nu dumai ne endei ke ulaula ne meupiya. Su ke etew ne ed-ulaula te iyan ebpekesuhat te hinawa te Eleteala, ne sikandin ke mibpesakup te Eleteala. Ugaid ke etew ne edlaus pà te ini ne ed-ul-ulaan ne meraatey, ne warà diyà te hinawa rin ini se Eleteala.