Ipisu 5:29 - Ke meupiya ne tudtul mekeatag ki Hisu Kristu

²⁹ Su warà etew ne kenà din ebpedtumuen ke lawa rin su edtugenuren din. Engketà be imbe ke kedtugenura ni Hisu Kristu dut te langun ne sikitew ne mibperetiyaya kandin,

Ipisu 5:29 ပူးပေါင်းရင်းမြစ်များ

Mateo 23:37

“Ey, igkerurunù ku sikiyu ne menge mehinged te Hirusalim! Su sikiyu ke mibpengimatey te menge etew ne mibpelambas te Lalag te Eleteala, wey mibpenrumbag niyu te batu ke menge etew ne midsuhù te Eleteala keniyan te keniyu! Kenà kepipira ku rà perem eburuna sikiyu su edtugenuren ku sikiyu ebpekeiring te upa ne edlekup te anak din, ugaid ne kenà kew ebpelekup kediey!

Mateo 6:26

Keniyan niyu rè ma te menge uwak, warà kebpemula ran, ne warà ked-ehani ran, ne warà edtehuan dan te egkekaan dan, ugaid ne ke Amey nu ne riyà te langit se ebpesavud kandan! Ne meambe, kenà belielehà kew pà dut te menge pepenuk?

Ruma 1:31

Warà dan sebuta te misan engkey ne meupiya ne ulaula. Kenà dan edtuman te pasad dan, ne warè en iya kegkelimù dan wey kegkeyru ran dut te ruma ran.

Ipisu 5:28

Ketà be ne sikiyu ne menge meama, na iyan iya se limui niyu ke esawa niyu iring te kegkelimù niyu te lawa niyu, su ke esawa nu ne iring ded te lawa nu.

Ipisu 5:30

su sikitew ini ne nevaluy ne iring te pepatà te lawa rin.

Ipisu 5:31

Su iring dut te impesurat ne Lalag te Eleteala ne egkahi te, “Embiya ed-esawa ke meama, ne ed-ewaan din ke amey rin wey ke iney rin ne ebpekidtampung sikandin dut te esawa rin su ebpekidseveka sikandin.”