Ipisu 5:28 - Ke meupiya ne tudtul mekeatag ki Hisu Kristu

²⁸ Ketà be ne sikiyu ne menge meama, na iyan iya se limui niyu ke esawa niyu iring te kegkelimù niyu te lawa niyu, su ke esawa nu ne iring ded te lawa nu.

Ipisu 5:28 ပူးပေါင်းရင်းမြစ်များ

Mateo 19:5

ne migkahi ke Eleteala te, ‘Tembù ed-ewaan dut te meama ke amey rin wey iney rin su riyà ebpekidseveka sikandin te esawa rin, ne ini se teled-esawa ne nevaluy ne seveka.’

Ipisu 5:25

Sikiyu ne menge meama, ne iyan iya se limui niyu ke esawa niyu iring dut te kegkelimù ni Hisu Kristu te menge etew rin. Su imbeliwas din ke umur din te kebpeliyu rin keytew.

Ipisu 5:29

Su warà etew ne kenà din ebpedtumuen ke lawa rin su edtugenuren din. Engketà be imbe ke kedtugenura ni Hisu Kristu dut te langun ne sikitew ne mibperetiyaya kandin,

Ipisu 5:31

Su iring dut te impesurat ne Lalag te Eleteala ne egkahi te, “Embiya ed-esawa ke meama, ne ed-ewaan din ke amey rin wey ke iney rin ne ebpekidtampung sikandin dut te esawa rin su ebpekidseveka sikandin.”

Ipisu 5:33

Ne kenà arà dà se meana rin su ebpenurù dema te sikiyu ne tiwaley. Tembù be sikiyu ne menge meama ne iamin niyu ke hinawa niyu te edlimù te esawa niyu iring te kedlimù nu te hinawa nu. Ne engketà dema ke meritan, edati niyu rema ke esawa niyu.

1 Pedro 3:7

Ne iring din ded dema ke sikiyu ne menge meama, ne upiani niyu ke kebpeneheewit niyu te esawa niyu. Tugenura niyu sikandan ne edati niyu rema su kenà mevaher sikandan iring te meama. Ne tentenuri niyu te sikandan ne ebpeketelimà dema te limù te Eleteala ne ini se umur ne warà edtemanan din iring te sikiyu. Tembù be edati niyu sikandan su apey warà ebpekealang te kebpengeningi niyu.