Ipisu 5:23 - Ke meupiya ne tudtul mekeatag ki Hisu Kristu

²³ Su ke meama ne iyan ebayàbayà dut te esawa rin iring ki Hisu Kristu ne iyan ebayàbayà te langun tew ne mibperetiyaya en. Su ke langun tew ne mibperetiyaya en ne iring te lawa rin ne sikandin en ke mibpeliyu keytew.

Ipisu 5:23 ပူးပေါင်းရင်းမြစ်များ

Nenged-ulaula 20:28

Bentayi niyu,” ke si Pablo, “ini se ed-ul-ulaan niyu wey tugenura niyu ke langun ne menge etew ne mibperetiyaya ki Hisus ne insarig keniyu dut te Kedesenan ne Ebpetuntul te Menusiyà. Ed-iring kew te tumetuganur te menge bilbili ne edtugenuren niyu ke menge etew ne mibperetiyaya te Eleteala su sakup dan te Eleteala egenat te kebpebpatey te Anak din su sabap dut te menge salà dan.

1 Kurintu 6:13

Ne kalu ke ruen ruma ne egkahi te, “Iyan egkeetahan te egkeenen ne ebpeketahù kayi te hetek ta, ne iyan kineveeli te hetek ta su edtehuan te egkeenen.” Ne benar arà. Ugaid ne kenà meupiya ne egkeeram-am te egkeenen su ruen hewii ne ebpetedtavan te Eleteala ke hetek ta abpeg ke egkeenen. Ne iring ketà ke lawa ta, su kenà dait ne ebpeetahan te lawa ta te keduma te kiyug dà te lawa ta. Ugaid ne iyan dait ne egkeetahan ked-usar te lawa ta ne egelevek te Kerenan tew si Hisu Kristu, ne si Hisu Kristu dema se edtuganur te lawa ta.

Ipisu 4:15

Ne sikitew ve mulà ne iyan tew ibpekidlalag te menge ruma tew ne ke benar ne penurù su atag dut te kebpelimlimuey tew su apey tew egkeiringi ke ulaula ni Hisu Kristu ne edlingekaan tew,

Ipisu 5:24

Ketà be ne ke menge meritan ne ebperumaruma dut te esawa ran iring dut te langun tew ne mibperetiyaya ki Hisu Kristu ne ebperumaruma kandin.

Kulasi 1:18

Sikandin ke ulu rut te langun tew ne mibperetiyaya, ne sikitew ne iring dut te lawa rin. Su sikandin ke Anak te Eleteala ne ebpuunan dut te behu ne umur ta su nevanew rin ded maa te minatey, ketà ne langun ne mibperetiyaya kandin ne egkevehayan te umur ne warà edtemanan din. Na kayi ve imbe ne netuenan tew te sikandin ke mepurù te langun taman.

1 Tiselunika 1:10

Ne ebpemenudtul dan dema mekeatag dut te kebpenareng niyu te kedlived te Anak din ne si Hisu Kristu ne egenat diyà te langit. Su si Hisus ini ke mibanew rin, ne sikandin ke ebpeliyu keyta su apey kenà kiyu edusaan te Eleteala ketà te hewii ne egkukumen din en ke kelibutan.

Imperayag 19:7

Egkehalew ki ne edeyuen tew ke Eleteala, su ke kewingan te Nati te Bilibili ne nekeuma en. Ne ini se raha ne ebpengesawaan ne ini ke menge etew ne mibperetiyaya kandin ne mibpegadir en.

Imperayag 5:9

Ne migkanta ran te behu pà ne kanta, ke se bayuk dan te, “Sikuna rà ke ebpekegaga ne ebpekekuwa te midlulun ne kelatas ne ebpekeawà dut te menge tuus ne impereket ketà. Su mid-imetayan ka rengan ne sabap dut te kedtudà te lengesa nu ketà te kineimetayi keykew, ne mid-awun nu ke menge etew ne meraat se ed-ul-ulaan din dut te langun ne menge inged, bansa wey kinehiyan su apey sikandan ne egkevaluy ne sakup te Eleteala.