Ipisu 4:9 - Ke meupiya ne tudtul mekeatag ki Hisu Kristu

⁹ Engkey ve se egkesebutan ta kayi te nekahi se kinevetuna kandin diyà te langit? Iyan din meana ne pehaney ne mid-ewaan din ke ubpaan din diyà te lesang te langit su mibpengkayi sikandin te ampew te dunya.

Ipisu 4:9 ပူးပေါင်းရင်းမြစ်များ

Mateo 12:40

Su mid-iveleng te dekelà ne serà si Jonas ne taman te tetelu ne hewii ne riyà dà sikandin te hetek te rekelà ne serà. Ne engketà ded dema ke Impeanak te Menusiyà ne riyà sikandin te diralem te tanà lusud te tetelu ne hewii.

Juan 20:17

Ne migkahi en si Hisus kandin te, “Kenà a nu pà geweri su warà e pà mekeulì diyà te Amey ku. Ugaid ne beyai nu ke menge suled ku ne penudtuli nu ve sikandan te, ‘Ed-ulì a riyà te Amey ku ne ke Amey nu red dema, ke Eleteala ku ne ke Eleteala nu red rema.’ ”

Juan 3:13

Su warà pà duma ne nekependiyà te langit liyu rà dut te sikandin arà ne riyà ebpuun te langit ne mibpepengkayi ne Impeanak te Menusiyà.

Juan 6:33

Su ke egkeenen ne ibehey te Eleteala, ne sikandin arà se mibpengkayi te ampew te dunya su ebehey te menge etew te umur ne warà edtemanen din.”

Juan 6:38

Su mid-ewaan ku ke langit ne mibpengkayi a te ampew te dunya su apey ku egketuman ke kiyug dut te midsuhù kedì, kenà kedì ne kiyug.

Juan 6:41

Arà be ne neepes ke menge egkeunutan te Hudiyanen dut te nelalag ni Hisus te, “Siaken ke egkeenen ne riyà ebpuun te langit.”

Juan 6:51

Siaken ke tidtu ne egkeenen ne riyà ebpuun te langit ne ebpekevehey te umur. Ke etew ne egkaan kayi ne warà kemetayen te himukud din. Su ke egkeenen ne ibehey ku ne ini en iya se lawa ku su apey ebpeketelimà ke langun ne etew kayi te ampew te dunya te umur ne warà edtemanan din.”

Juan 6:58

Ini ve ke egkeenen ne riyà ebpuun te langit, ne kenà ini iring dut te egkeenen ne ed-ingaranan te mana ne nekaan dut te keep-epuan niyu su mibpematey ran. Su ke etew ne egkaan kayi te egkehiyen ku ne egkeenen ne egkeuyag sabap kedì.”

Juan 6:62

Upama ke embiya egkekita niyu ke Impeanak te Menusiyà ne ebpekelesed su ed-ulì diyà te ebpuunan din, ne engkey ve se pegitungan niyu, muna pà buwa se kegkelugkai te hinawa niyu?

Juan 8:14

Ne migkahi si Hisus kandan te, “Piya edtitihusan ku ke kedì ne hinawa ne egkedserihan niyu ke lalag ku ne benar. Su netuenan ku ke endei a ebpuun ne endei a ebpesinaru, ugaid ne sikiyu mulà ne kenà niyu egketuenan ke endei a ebpuun etawa ke endei a ebpesinaru.

Hibruhanen 2:7

Su pehaney ne mibeelan nu sikandan ne mevavà pà dut te menge suluhuen. Ugaid ne mehaan dà ini; su ibpepurù nu en sikandan te egkereyù wey egkeedatan

Hibruhanen 2:9

Ugaid ne iyan tew netuenan ne ke kinedatù en ni Hisus, misan mehaan dà ne hewii se kinepeembavà kandin rut te menge suluhuen te Eleteala. Su egenat dut te dekelà ne tavang te Eleteala dut te sikitew ne menge etew, ne mibpebaluy si Hisus ne etew ne mibpebpatey su imbeliwas din te langun tew ne menge etew. Na guntaani ne sikandin en se egkereyù wey egkeedatan su ke kinekerasey rin te kebpatey rin atag dut te langun ne menge etew.