Ipisu 4:3 - Ke meupiya ne tudtul mekeatag ki Hisu Kristu

³ Su Ke kedesenan ne Ebpetuntul te Menusiyà, ne sikandin se kegkeseveka tew, ne arà be ne iluta niyu se keduma kandin su apey niyu kenà egkereeti arà se kegkeseveka niyu.

Ipisu 4:3 ပူးပေါင်းရင်းမြစ်များ

Marcos 3:24

Su upama ruen datù te senge inged ne ed-uney ebpevuneey ke menge sakup din ne egketunggad arà se inged din.

Juan 13:34

“Na, ruen behu ne suhù ne ibpetuman ku keniyu te iyan iya se pelimlimuey kew. Iring dut te kegkelimù ku keniyu ne arà se iringi niyu te kebpelimlimuey niyu.

1 Kurintu 1:10

Menge suled ku te ebperetiyaya, ruen ebuyuen ku keniyu ne ebperumdumaan niyu su suhù a ni Hisu Kristu ke Kerenan tew. Iyan ku ebuyuen ne egkeseveka kew su apey warà kebpemekedlewanà diyà te keniyu. Uya, egkeseveka ke itungan niyu wey ke hinawa niyu.

2 Kurintu 13:11

Na menge suled ku, ini se egkehiyen ku kayi te ketepusan te surat ku. Ibpeiseg niyu pà ke meupiya ne ulaula niyu, ne pemineha niyu ke insuhù ku kayi. Ne medseveka kew te hinawa niyu su apey kew mebmelintad. Su embiya ini se ed-ul-ulaan niyu ne ke Eleteala ne egkelimù keniyu wey ebehey te kebmelintad te hinawa niyu se ebpekiduma keniyu.

Ipisu 4:13

Su ibpepevayà ketà ne arà se nesebutan tew mekeatag dut te Anak te Eleteala ne si Hisu Kristu ne egkeum-umanan taman te ini se kebperetiyaya tew ne egkeseveka rut te netuenan tew. Ketà be ne ke sarig tew ki Hisu Kristu ne metua en, ne metua rema ke ulaula tew su ed-iseg ebpekeiring te ulaula ni Hisu Kristu.

Ipisu 4:4

Su sikitew ke langun ne mibperetiyaya en ki Hisu Kristu ne iring kiyu en te seveka rà ne lawa, ne seveka rà dema se Kedesenan ne Ebpetuntul te Menusiyà ne ed-ubpà kayi te keytew. Ne seveka rà dema arà se keupiyanan ne ebpenerengen tew su sabap dut te ke Eleteala se mibpemilì keytew.

1 Tiselunika 5:13

Ipekita niyu ke limù niyu kandan wey edati niyu su atag dut te helevek dan. Ne ruma pà ne ebuyuen ku ne petultulengerey kew.

Hibruhanen 12:14

Ne uram kew te kenà kew ebpekevaal te kewahaan su apey ke itungan niyu dut te langun ne menge etew ne ebmelintad. Ne heleveka niyu te mevaher se kebmetidtu te ulaula niyu ne ebpekesuhat te hinawa te Eleteala, su embiya kenà iring ketà se ulaula tew ne kenà ki egkekita te Eleteala.