Ipisu 4:29 - Ke meupiya ne tudtul mekeatag ki Hisu Kristu

²⁹ Wey kenà kew rema edlalag te meraat su iyan niyu rà leleha se ebpeketavang dut te ebpemineg su apey egkevaher wey ebpeketuntul ke itungan dan dut te lalag niyu.

Ipisu 4:29 ပူးပေါင်းရင်းမြစ်များ

Mateo 5:16

Ne iring ded te sulù ne impeluukluuk te saag ne ebpekerayag te langun ne menge etew ketà te lusud te baley, ne pekereyaha niyu ke sulù niyu riyà te menge etew su apey ran mekita ke meupiya ne ed-ul-ulaan niyu ne ebpekereyù dan dut te Amey niyu ne Eleteala diyà te langit.”

Lucas 4:22

Langun dut te nevurun ketà ne nevenaran dut te kebpenurù din, ne negeyip dan dut te keupiya te kedlalag din, ke sikandan te, “Maa, kenà anak ni Jose ayan?”

Juan 1:37

Ne wey merineg dut te deruwa ne edumdumaan din ke lalag ni Juan ne midtundug dan en ki Hisus.

Ruma 14:19

Ketà be ne iyan tew ed-ul-ulaan ke endei se kegkeseveka rut te langun tew ne mibperetiyaya, ne ebpekepeiseg te kebperetiyaya tew te keduma tew ki Hisus.

Ruma 15:2

Ugaid ne iyan tew ibpeuna te hinawa tew ne endei se ebpekevehey rut te ruma tew te keupianan su apey ebpekeiseg ke sarig dan.

1 Kurintu 14:19

Ugaid ne embiya riyan a te egkevurunan te menge mibperetiyaya ki Hisus ne iyan dà tumù ne egkekahi ku keniyu se lelima ne tahà ne ebpeketavang keniyu su nesebutan niyu tumin dut te ngivungivuwan ne lalag ne warà seveka ketà ne egkepurut niyu ne ebpeketavang keniyu.

Ipisu 4:12

Iyan din kinevehey kayi te menge ketau ne apey langun tew te mibperetiyaya en ne ruen sangkap din te edtuman te piya engkey ne kiyug te Eleteala ne ed-ul-ulaan tew, su apey ke kebperetiyaya rut te langun ne sakup din ne iring te lawa rin ne ebpekeiseg.

Ipisu 4:16

ne sikitew ke mibperetiyaya en ne iring te lawa rin. Su langun dut te pepatà te lawa ne nekebpikit, tembù be piya endei dapit kayi te lawa ne ruen gelevek din ne embiya egkeseveka ran se eduma rut te kiyug te ulu ne ebpekeiseg se kebmevaher dut te lawa. Ne iring din ded dema kayi te kenitew su embiya uman senge etew ne edtuman dut te kandin ne helevek ne ed-iseg ke kebmevaher dut te langun kayi te lawa su atag dut te kebpelimlimuey tew.

Kulasi 4:6

Pegpegitunga niyu kayi te lalag niyu su apey ed-iseg ke inesa ran te ebpemineg. Ne pegpegitunga niyu rema ke engkey se idtavak niyu ke ruen id-insà dan mekeatag te keniyu ne peretiyaya.

1 Tiselunika 5:11

Na geina te ini se edtaharan ta, ne beg-eta niyu ke hinawa dut te menge ruma niyu wey petebtevangey kew.

1 Pedro 2:12

Iyan iya se meupiya ke ed-ul-ulaan niyu su apey egkekita dut te menge etew ne warà pà mibperetiyaya. Su misan ke egkehiyen dan ne meraat se ed-ul-ulaan niyu, ne egkekita ran ded te ini se ed-ul-ulaan niyu ne meupiya ne ketà te hewii ne edlived si Hisus kayi te ampew te dunya ne edeyù dan te Eleteala su atag dut te meupiya ne ed-ul-ulaan niyu.

1 Pedro 3:1

Ne sikiyu rema ne menge meritan, iyan iya se ebpesakup kew rut te esawa niyu. Su embiya ruen warà pà mibperetiyaya te Lalag te Eleteala ne kalu ke ebpekeperetiyaya ran dema ke egkekita ran ini se ed-ul-ulaan niyu ne meupiya. Misan warà en egkehiyen niyu ne ebpeneheewit kandan,

2 Pedro 2:18

Engkungkun te sikandan ne meralem se lalag dan, ugaid ne warà benar dutun. Ne ebpehuyatan dan ke menge etew ne behu pà ne mid-engked dut te raan ne ulaula ran ne meraat ketà te mibperetiyaya ran. Su egkahi ini se ebpenurù te tarù te kenà kun meraat ke eduma dut te egkiyuhan te lawa ta. Tembù be egkepeneheewit maa ke menge etew te Ebpekedsalà.