Ipisu 4:22 - Ke meupiya ne tudtul mekeatag ki Hisu Kristu

²² Tembù be ewai niyu en ke neuna ne perangey niyu ne iyan puunan te ulaula niyu ne meraat. Su ini ne edlimbung keniyu te keduma rut te kiyug dà te hinawa niyu ne ederaat keniyu.

Ipisu 4:22 ပူးပေါင်းရင်းမြစ်များ

Ruma 6:6

Su netuenan tew te andang ki en ne etew ne mekesesalà, ugaid ne ke daan ne ke eetawi tew ne meraat ne nekeunung en ketà te kinelensanga ki Hisus diyà te pinebelavag ne kayu su apey ke kiyug tew te ed-ulaula te meraat ne egkeengked en su apey kenà ki en egkeuripen dut te betasan tew ne meraat.

Ruma 7:11

Iring te mid-ekalan a rut te salà ku su in-iseg ku pà ke meraat ne ulaula ku ne imbandu dut te penduan te kenà ku kebpeketuman. Ne arà se igkukuma kediey te kepepatey ne warà edtemanan din su nekesurang a te insuhù te Eleteala dut te penduan.

2 Kurintu 11:3

Ne egkeipeng a keniyu su kema ke edsuwey ke hinawa niyu te keduma ki Hisu Kristu, ne kenà egkeseveka ke hinawa niyu kandin. Iring te ned-ulaula rengan ki Eba ne mid-ekalan dut te uled ne metau ne edliyuk ne si Setanas.

Gelasiya 1:13

Nerineg niyu red ke pehaney ne ulaula ku gewii te meilut se keduma ku ketà te penduan te Hudiyanen. Su langun ne menge etew te Eleteala ne mibperetiyaya en ki Hisus ne mibpekesekitan ku te warà kegkeyru ku kandan, su kiyug ku ne ebpekeengked dan te keduma ran ki Hisus.

Ipisu 2:3

Ne langun tew ne neked-iring ded pehaney, su iyan tew rà edumaan te kiyug tew. Iyan ebayàbayà kenitew ke kebpatà te nanam tew wey piya engkey ne meraat ne ebpekepemula te itungan tew ne arà se edtumanen tew. Ne ketà ne warà ded mibiraan tew dut te ruma, su warà duma ne ebpesineruwan tew ke kenà edusaan kiyu te Eleteala iring dut te langun ne menge etew ne kenà eduma kandin.

Ipisu 4:17

Geina ne iring kayi te langun tew ne iring te lawa ni Hisu Kristu, ne ruen be ini ebperumaan ku keniyu su riyà ebpuun ki Hisus ke Kerenan tew. Kenà niyu ul-ulaa ke perangey dut te menge etew ne kenà ebperetiyaya te Eleteala, su iyan den dà edtumanen ke itungan dan dà ne warà rantek din.

Ipisu 4:25

Tembù be kenà kew edtarùtarù. Ne iyan niyu rà kehiya te ruma niyu ne ke benar su langun tew te mibperetiyaya en ne nekeamung dut te lawa ni Hisus.

Ipisu 4:31

Ketà be ne engkeri niyu se ebpetegtehuey te sakit te hinawa, ne engkeri niyu se ebpemeked-epesey wey ebpekunkuntereey. Engkeri niyu se ebpetugtugkiyangey wey ebpegkeyà te ruma niyu, wey ke ebpelelahey te ebpekererangit.

Kulasi 2:11

Ruen betasan te menge Hudiyanen ne ebpemeetus dan su tuus te sikandan ne menge etew te Eleteala. Ugaid ne ke tuus ne mid-ulaula ni Hisu Kristu kayi te keytew te mibperetiyaya kiyu kandin ne impeliyu kiyu nikandin dut te ebpengunguripen keytew ne meraat ne pegitungan tew.

Tito 3:3

Su sikitew ne menge mibperetiyaya ne rengan ne menge merupangdupang ki, kenà ki meperumaruma, ne warà ki meketuntul ke tidtu ne penurù. Nengeuripen ki rut te langun ne kiyug tew rà, ne iyan dà neketahù kayi te hinawa ta ne meraat ne ebpekesakit te hinawa te ruma ta wey ebpesigsihiyey. Neepesan ki te menge etew, ne neepes ki red dema kandan.

Hibruhanen 12:1

Ne sikitew ke edsarig te Eleteala, ne ini se keduma tew kandin kayi te ampew te dunya ne ebpekeiring te egkuya ki te ebpelelahuy. Ne ke merakel ne menge mibperetiyaya rengan se mibpesabut kenitew te egkeserihan nevenar ke Eleteala, ne iring te sikandan ke edtengteng kenitew kayi te kegkuya tew. Tembù be ed-engked kiyu en iya te piya engkey en ne ebpekeungen dut te keduma tew te Eleteala, ne ed-engked kiyu te piya engkey en ne meraat ne ulaula ne ebpengunguripen kenitew. Uya, ed-engkeran tew ke langun ne ebpekevangen kenitew su apey meabet se kebpelelahuy tew taman dut te edtemanan.

Hibruhanen 3:13

Ugaid ne taman te ruen pà gewii tew te keduma te Lalag te Eleteala ne tevengaani niyu te ebpeiseg te peretiyaya niyu su apey kenà ebmeresen te ulu niyu ne kenà kew eduma te Eleteala su mid-ekalan niyu sikandin dut te salà niyu.

Santiago 1:21

Tembù be id-awà niyu ke langun ne meredsik ne netahù te itungan niyu wey ke meraat ne ulaula niyu. Ne ipeembavà niyu ke hinawa niyu su apey ke lalag te Eleteala ne intahù din te hinawa niyu ne mibperetiyaya niyu se egkerumaan niyu, su ini se ebpekepeliyu keniyu rut te salà niyu.

Santiago 1:26

Na embiya ruen etew ne egkahi te eduma te Eleteala ugaid ne kenà ed-uram te kedlalaglalag din, ne warà atag din se kinekahi rin te eduma te Eleteala su nelimbungan din ke hinawa rin.

1 Pedro 1:18

Ne netuenan ta ne mibelukasan ki te Eleteala rut te kegkeuripen tew te menge ulala tew rengan ne warà rantek din ne intetahak te menge keep-epuan tew. Ugaid ne sika se imbelukas kenitew ne kenà bulawan etawa pirak ne egkeawà ke elehà din.

1 Pedro 4:3

Ustuen ketà te hewii ne mid-usar ta te iyan ta ed-ul-ulaan ne engkey se kiyug te ed-ul-ulaan te menge etew ne kenà ebperetiyaya te Eleteala. Su rengan ne ruen ed-ul-ulaan ta ne meredsik, wey ini se ulaula ne ebpatà ki te nanam. Lelayun ki ed-inum te ebpeketevereg wey ke kebpengingniyug ta. Ne ruen betasan ta ne egkevurun ki su edhubughubug wey ke kebpengarap ta te ledawan dà ne kenà tidtu ne Eleteala ne medmeraat ini diyà te etuvangan din.

2 Pedro 2:13

Ne edresayen dan dema su atag te daan ne kedrasey ran dut te menge ruma ran. Su sikandan ne misan meandew ne kenà dan egkeyeyaan te ed-ulaula te kiyug dan ne meraat ne ibpatà te nanam dan. Kenà edait ne ebpekidtuhen dan diyà te kevurunan niyu su mekeyayà se ulaula ran, su iyan dan kiyug ne ed-ekalan kew ran mekeatag te meredsik ne ed-ul-ulaan dan.

2 Pedro 2:7

Ugaid ne si Lut se mibpeliyu rin su metidtu ne etew sikandin. Ne neuru nevenar sikandin mekeatag dut te meredsik ne mid-ulaula te mekesesalà ne menge etew ne mid-ubpà ketà ne menge inged.