Ipisu 4:17 - Ke meupiya ne tudtul mekeatag ki Hisu Kristu

¹⁷ Geina ne iring kayi te langun tew ne iring te lawa ni Hisu Kristu, ne ruen be ini ebperumaan ku keniyu su riyà ebpuun ki Hisus ke Kerenan tew. Kenà niyu ul-ulaa ke perangey dut te menge etew ne kenà ebperetiyaya te Eleteala, su iyan den dà edtumanen ke itungan dan dà ne warà rantek din.

Ipisu 4:17 ပူးပေါင်းရင်းမြစ်များ

Lucas 16:28

su ruen lelima ne ari ku ne elin meama. Ibpevaag nu sikandan apey kenà dan ebpekepengkayi te ini se ubpaan ne keresayan.’

Nenged-ulaula 14:15

“Meambe ke ed-ul-ulaan niyu ini? Sikami ne etew red dema iring keniyu! Ne iyan dey impengkayi te inged niyu su ibpesabut dey ke Meupiya ne Tudtul apey niyu egkeengkeri ke kebpengarap niyu te menge diwata ne warà rantek din su apey kew ebpekepengarap te Eleteala ne warà kemetayen din. Iyan sikandin midlimbag te langit wey tanà wey dahat wey ke langun ne neketahù ketà.

Nenged-ulaula 18:5

Ne ketà te nekeuma ensi Silas ki Timoteo te riyà ebpuun te Mesidunya, ne iyan ibpeuna ni Pablo ne helevek din se ed-epunà sikandin se ebpesabut te Meupiya ne Tudtul su mid-ey-eyaran din te eguhud diyà te menge Hudiyanen te si Hisus ke Impasad te Eleteala ne Ebperetuen te langun.

Nenged-ulaula 2:40

Ne merakel pà se lalag ni Pedro te edneyùneyù kandan ne meilut se kebuyù din se egkahi te, “Pekeriyù kew dut te menge etew te guntaani ne ed-ulaula te meraat su edusaan dan te Eleteala!”

Nenged-ulaula 20:21

Hudiyanen se kenà Hudiyanen ne impesabut ku te langun se engkeri ran ke meraat ne ed-ul-ulaan dan wey ibehey ran ke hinawa ran te Eleteala wey ebperetiyaya dut te Kerenan tew ne si Hisus.

Ruma 1:21

Su misan netuenan dan te ruen Eleteala, ugaid ne warà ma adat wey kebpeselamat dan te limù din kandan te misan midtevangan dan ded te Eleteala. Nasì pà ne kenà ebpekevehey te ibmeupiya te itungan dan, ne iring te nerusireman ke itungan dan ne kenà dan egkesebutan ke benar ne penurù te Eleteala.

1 Kurintu 1:12

Ne ini se ed-ul-ulaan niyu ne kenà meupiya se ebpemekedsurang ke hinawa niyu su ruen egkahi te, “Sakup a ni Pablo,” ne egkahi manen ke seveka te, “Sakup a ni Epulu.” Ne egkahi maa ke ruma te, “Kayi a eduma ki Pedro,” ne ruen pà lavew egkahi te, “Ne siaken ne kayi eduma te ki Hisu Kristu.”

1 Kurintu 15:50

Iyan meana kayi, menge suled, te migkahi ku ne ini se lawa ta kayi te ampew te dunya ne kenà ebpekeamung ketà te edetuan te Eleteala keuremà. Su kenà egkepakey ne ini se lawa ta ne ebpatey ne ebpekeamung dut te kenà ebpatey taman te taman.

2 Kurintu 9:6

Tentenuri niyu ini te embiya reisek se igkepemula ta, ne reisek dema se egkesebpet ta. Ugaid ne embiya rekelà ke ibpemula ta, ne dekelà ded dema ke egkesebpet ta.

Gelasiya 3:17

Ini se ibpesabut ku keniyu kayi te sempita ku. Duen impasad te Eleteala ki Abraham dengan ne edtevangan din ke langun ne menge etew egenat te senge etew ne inenakan ni Abraham. Guna su neked-epat nehatus wey tetelu nepulù en ne rahun ne arà pà ne impesurat te Eleteala ke penduan ne intahak ki Moises rut te langun ne menge Hudiyanen. Ugaid ne misan duen en ke penduan din ne intahak ki Moises, ne ini se impasad din ki Abraham ne kenà egkewarà su midtelimà dan ke pasad. Su kenà egkepakey ne ini se impasad din ne kenà din edtumanen.

Gelasiya 5:3

Ne edseupan ku pà maa te egkahi te embiya ruen etew ne edsarig te kinepeetus din su iyan ibmetidtu rin diyà te etuvangan te Eleteala, ne rumai rin ke langun ne nekesurat dut te penduan.

Ipisu 1:22

Su impepurù te Eleteala si Hisu Kristu ne ebayàbayà dut te langun taman, ne sikandin iya ke midtendù te Eleteala ne Kerenan dut te langun ne sikitew ne mibperetiyaya en.

Ipisu 4:22

Tembù be ewai niyu en ke neuna ne perangey niyu ne iyan puunan te ulaula niyu ne meraat. Su ini ne edlimbung keniyu te keduma rut te kiyug dà te hinawa niyu ne ederaat keniyu.

Kulasi 2:18

Kenà kew egkeekali dut te menge etew ne egkahi te warà pantag niyu ne kenà niyu dait se edtuney ebpengeningeni riyà te Eleteala ne kayi kew rà tawag te menge suluhuen su apey sikandan kun se ed-ewit dut te ebuyuen niyu diyà te Eleteala. Egkehiyen dan ne impeseilew te Eleteala kandan ini se penurù dan, ugaid ne kenà kew ebpehimbenar su ini ne menge etew ne menge mepereyù su iyan dan ibpenurù ne kayi rà dè duen te itungan dan ne kenà egenat te Eleteala.

Kulasi 2:4

Egkehiyen ku ini keniyu su apey kew kenà egkeekalan dut te metau ne ebpenurù te kenà metidtu.

1 Tiselunika 4:6

Tembù be uram kew su apey kew kenà ebpekedsalà diyà te menge ruma niyu su iring kayi ne egkepenggiekan niyu ke kevenar dut te ruma niyu. Su egketenuran niyu red te imbaag dey keniyu te piya engkey ne ed-ulaula te iring ketà ne edusaan dut te Eleteala ne Kerenan tew.

1 Timoteo 5:21

Na Timoteo, pemineha nu up-upiani ini se penduan ku keykew ne tentenuri nu te ke Eleteala, si Hisu Kristu wey ke suluhuen te Eleteala se titihus te kedsuhù ku keykew. Embiya ebpedtuntey ka te deruwa ne etew, ne warà remihi nu kandan ugaid ne tidtuwa nu ke kegkukum nu.

1 Timoteo 6:13

Na duen pè be maa ini igkahi ku keykew ne ke Eleteala ne mibehey te niyawa te langun ne eginginawa se ebpekevantey keyta wey si Hisu Kristu ke mid-itindeg dut te benar diyà te etuvangan ni Poncio Pilato se ebantey rema. Tembù be igkahi ku keykew

2 Timoteo 4:1

Na Timoteo, tehaad te si Hisu Kristu se edlived kayi su ebayàbayà te langun wey egkukum dut te menge etew ne biviyag wey ke minatey en, ne ruen idsuhù ku kenikew diyà te etuvangan te Eleteala wey si Hisu Kristu.

1 Pedro 1:18

Ne netuenan ta ne mibelukasan ki te Eleteala rut te kegkeuripen tew te menge ulala tew rengan ne warà rantek din ne intetahak te menge keep-epuan tew. Ugaid ne sika se imbelukas kenitew ne kenà bulawan etawa pirak ne egkeawà ke elehà din.

2 Pedro 2:18

Engkungkun te sikandan ne meralem se lalag dan, ugaid ne warà benar dutun. Ne ebpehuyatan dan ke menge etew ne behu pà ne mid-engked dut te raan ne ulaula ran ne meraat ketà te mibperetiyaya ran. Su egkahi ini se ebpenurù te tarù te kenà kun meraat ke eduma dut te egkiyuhan te lawa ta. Tembù be egkepeneheewit maa ke menge etew te Ebpekedsalà.