Ipisu 4:15 - Ke meupiya ne tudtul mekeatag ki Hisu Kristu

¹⁵ Ne sikitew ve mulà ne iyan tew ibpekidlalag te menge ruma tew ne ke benar ne penurù su atag dut te kebpelimlimuey tew su apey tew egkeiringi ke ulaula ni Hisu Kristu ne edlingekaan tew,

Ipisu 4:15 ပူးပေါင်းရင်းမြစ်များ

Juan 1:47

Guna su nekita ni Hisus si Natanael se ebpelingguma kayi te kandin ne migkahi te, “Ayan be ke tidtu ne inenakan ni Israyil su warà edtelevan din.”

Ruma 12:9

Ne ke limù ne ibpekita tew te menge ruma tew ne kenà kayi rà te ampew ugaid ne ibpetuneb tew te hinawa tew. Ne ebpekeriyuan tew ke meraat ne ulaula, ne egeweran tew te mevaher ke meupiya.

1 Kurintu 11:3

Ugaid ne ruen pà ini ne ebpeketuenan ku keniyu. Iyan ebayàbayà te meritan ne ke esawa rin, ne iyan ebayàbayà ke meama ne si Hisu Kristu, ne iyan ebayàbayà ki Hisu Kristu ne ke Eleteala.

2 Kurintu 4:2

Ayan se ibpegelesà ne ulaula ne ebpekeyeyà ne mid-engkeran dey. Kenà dey ed-ul-ulaan se kebpegekalà. Kenà dey edsembian ke Lalag te Eleteala, ugaid ne iyan dey egkehiyen ne ke benar. Iyan dey rà ed-ul-ulaan ne ibpekita te menge etew te warà meraat ne itungan dey, ne netuenan ini te Eleteala su sikandin se ed-usisa te langun ne ulaula rey.

2 Kurintu 8:8

Kenà ku suhù ini keniyu, ugaid ne ebpeketuenan ku rà keniyu te rekelà dema se kiyug dut te ruma ne mibperetiyaya te kebpeketavang dan te ruma ran su apey ku egkekita embiya benar se sarig niyu te Eleteala.

Ipisu 1:22

Su impepurù te Eleteala si Hisu Kristu ne ebayàbayà dut te langun taman, ne sikandin iya ke midtendù te Eleteala ne Kerenan dut te langun ne sikitew ne mibperetiyaya en.

Ipisu 1:4

Su misan ketà te warà pà melimbag te Eleteala ini se dunya, ne raan kiyu en ne mibpemilì nikandin ne kandin ne tuney ne anak. Mibpemilì kiyu rin su apey egkevaluy ke hinawa tew ne metilak atag dut te kebpekidseveka tew ki Hisu Kristu su apey warà salà ne idsawey rin kenitew. Su sabap dut te dekelà ne limù din kenitew,

Ipisu 4:25

Tembù be kenà kew edtarùtarù. Ne iyan niyu rà kehiya te ruma niyu ne ke benar su langun tew te mibperetiyaya en ne nekeamung dut te lawa ni Hisus.

Ipisu 5:23

Su ke meama ne iyan ebayàbayà dut te esawa rin iring ki Hisu Kristu ne iyan ebayàbayà te langun tew ne mibperetiyaya en. Su ke langun tew ne mibperetiyaya en ne iring te lawa rin ne sikandin en ke mibpeliyu keytew.

1 Pedro 1:22

Na geina te mibperumaruma ki en dut te tidtu ne penurù ne egkepakey ne meilut se limù tew rut te menge ruma tew te ebperetiyaya su mibmetidtu ke itungan tew. Tembù be ebpelimlimuey ki egenat te hinawa ta ne kenà kayi rà te bèbà ta.

1 Pedro 2:2

Su embiya iyan ta kiyug ne ed-iseg ini se peretiyaya ta, ne ed-iring ki te deisek ne batà ne layun edsusu su apey edekelà. Ne embiya iring ketà se egkiyuhan ta te ebpengadì ke Lalag te Eleteala ne ebmeilut se kebperetiyaya ta te Eleteala ne mibpeliyu keytew.

2 Pedro 3:18

Na iyan meupiya ne edtentenuran tew ne ibpeiseg tew pà ini se neheraman tew ne penaub ni Hisu Kristu ke Kerenan tew ne mibpeliyu keytew su apey ini se nesebutan tew mekeatag dut te impesabut din ne ibpeiseg dema. Ne sikandin dema ke edeyuen ta guntaani wey taman te taman. Ini rà taman se surat ku. Pedro

1 Juan 3:18

Menge anak ku, ini se ralan te kebpekita ta te limù ta kayi te menge ruma ta ne kenà kayi rà te lalag ne egemew te bèbà ta, ugaid ne kayi te kedtavang ta kandan ne egenat te limù ta.