Ipisu 4:12 - Ke meupiya ne tudtul mekeatag ki Hisu Kristu

¹² Iyan din kinevehey kayi te menge ketau ne apey langun tew te mibperetiyaya en ne ruen sangkap din te edtuman te piya engkey ne kiyug te Eleteala ne ed-ul-ulaan tew, su apey ke kebperetiyaya rut te langun ne sakup din ne iring te lawa rin ne ebpekeiseg.

Ipisu 4:12 ပူးပေါင်းရင်းမြစ်များ

Lucas 22:32

Ugaid ne impengeningeni ku en sikuna, Simon, su apey kenà egkeawà ke sarig nu kediey. Ibparew a nikuna, ugaid embiya ebpekeulit en ke sarig nu kediey ne behera nu ke sarig te menge ruma nu.”

Nenged-ulaula 1:17

Si Hudas ne senge etew ne ruma tew su netail ma sikandin ne ed-amung te helevek tew.”

Nenged-ulaula 1:25

se egelevek dut te helevek ne intail nu rut te kedserihan nu. Su si Hudas ne mid-ewaan din ini se impehelevek kandin, ne mibpendiyà te egkeubpaan ne edait kandin.”

Nenged-ulaula 11:23

Guna su nekeuma sikandin ne nekita rin arà se rekelà ne penaub te Eleteala ketà te menge etew. Ketà ne nehalew nevenar sikandin wey mibag-et din sikandan te egkahi te geweri ran te nevaher arà se kebperetiyaya ran ki Hisu Kristu ke Kerenan.

Nenged-ulaula 20:24

Ugaid ne kenà ku en egkenehunan ini se umur ku su apey ku egkepasad ini se helevek ne impehelevek kedì te Kerenan tew ne si Hisus ne ini se kebpesabut dut te Meupiya ne Tudtul mekeatag te kegkeyru keytew te Eleteala.

Nenged-ulaula 20:28

Bentayi niyu,” ke si Pablo, “ini se ed-ul-ulaan niyu wey tugenura niyu ke langun ne menge etew ne mibperetiyaya ki Hisus ne insarig keniyu dut te Kedesenan ne Ebpetuntul te Menusiyà. Ed-iring kew te tumetuganur te menge bilbili ne edtugenuren niyu ke menge etew ne mibperetiyaya te Eleteala su sakup dan te Eleteala egenat te kebpebpatey te Anak din su sabap dut te menge salà dan.

Nenged-ulaula 9:31

Ne ketà ne merinew se ked-ubpà dut te langun ne menge mibperetiyaya ki Hisus diyà te lusud te Hudiya, Geliliya wey Semeriya. Ne midtevangan dan dut te Kedesenan ne Ebpetuntul te Menusiyà, tembù be mevag-et se kebperetiyaya ran ki Hisus wey mid-iseg te kebmerakel dan. Su ke langun ne ked-ulaula ran ne iyan dan ibpeuna ne ke ebpekesuhat te hinawa ni Hisus ne Kerenan dan.

Ruma 12:5

Ne iring din ded dema te sikitew ne menge mibperetiyaya, su misan medmerakel tew ne neseveka ki rà ne lawa sabap dut te kebperetiyaya tew ki Hisu Kristu. Ne iring ded be rema ketà ke kebpemekebpikit tew te menge ruma tew, su iring ki rut te merakel ne edsusunan te lawa tew.

Ruma 12:7

Embiya iyan imbehey keytew ne ketau te edtavang te ruma tew, ne arà imbe se ed-ul-ulaan tew se edtevangan tew ke menge ruma tew. Etawa ve kebpenurù, ne ebpenurù ki imbe.

Ruma 14:19

Ketà be ne iyan tew ed-ul-ulaan ke endei se kegkeseveka rut te langun tew ne mibperetiyaya, ne ebpekepeiseg te kebperetiyaya tew te keduma tew ki Hisus.

Ruma 15:14

Menge suled ku, kayi te itungan ku ne netuenan ku te layun niyu ed-ul-ulaa ke meupiya. Ne netuenan ku rema se netamat niyu en ke impenurù keniyu, ne ebpekegaga kew en te ebpenurù te menge ruma niyu.

Ruma 15:2

Ugaid ne iyan tew ibpeuna te hinawa tew ne endei se ebpekevehey rut te ruma tew te keupianan su apey ebpekeiseg ke sarig dan.

Ruma 15:29

Ne netuenan ku te embiya ebpekeuma ad keniyan te keniyu, ne dekelà se kedtavang kenitew ni Hisu Kristu su apey ebmevag-et ke kedsarig tew.

1 Kurintu 12:27

Engketà be arà ne sikitew ke mibperetiyaya ki Hisu Kristu ne iring kiyu te lawa rin su uman seveka keytew ne pepatà en te lawa rin.

1 Kurintu 12:7

Ne ke ketau ne imbehey dut te langun ne mibperetiyaya kandin, ne arà ke tuus te iyan ebpetuntul keytew ne ke Kedesenan ne Ebpetuntul te Menusiyà. Iyan kinevehey keytew su apey ki meketavang dut te ruma tew ne mibperetiyaya.

1 Kurintu 14:12

Na geina te egkiyug kew ne egkevehayan kew te menge ketau te Kedesenan ne Ebpetuntul te Menusiyà, ne iyan niyu buyua ne menge ketau ne ke kebpekeiseg te kebperetiyaya te menge ruma niyu te eduma ki Hisus.

1 Kurintu 14:14

Su embiya iyan ku kebpengeningeni te kinehiyan ne kenà egkesebutan, ne kayi te hinawa ku ne ebpengeningeni ugaid ne ke itungan ku ne kenà eduma ketà.

1 Kurintu 14:26

Engketà be menge suled, ne ini se egkehiyen ku keniyu. Embiya egkevurun kew te ebpengarap te Eleteala, ne iyan meupiya ne ruen egkanta se edeyù te Eleteala. Ne ruen ruma ne ebpenurù. Ne ruen duma ne ebpesabut te impesabut kandin dut te Eleteala. Ne ruen duma pà ne ebpekelalag te kinehiyan ne kenà egkesebutan, ne ruen ded dema metau ne edluwas ketà. Ugaid ne langun te ed-ul-ulaan niyu ne iyan niyu iya ul-ulaa ne ke kebpekeiseg dut te kebperetiyaya niyu te keduma ki Hisu Kristu.

2 Kurintu 12:19

Kunaan niyu vuwa ke kayi te merakel ne migkahi ku keniyu ne idtindeg ku ke hinawa ku, ugaid ne kenà arà benar. Su riyà te etuvangan te Eleteala ne langun te migkahi ku keniyu ne edait dut te etew ne sugsuhuen ni Hisu Kristu. Ne langun kayi ne insurat ku, menge suled, su apey metevangi kew te keduma niyu ki Hisu Kristu.

2 Kurintu 13:11

Na menge suled ku, ini se egkehiyen ku kayi te ketepusan te surat ku. Ibpeiseg niyu pà ke meupiya ne ulaula niyu, ne pemineha niyu ke insuhù ku kayi. Ne medseveka kew te hinawa niyu su apey kew mebmelintad. Su embiya ini se ed-ul-ulaan niyu ne ke Eleteala ne egkelimù keniyu wey ebehey te kebmelintad te hinawa niyu se ebpekiduma keniyu.

2 Kurintu 13:9

Ketà be ne igkehalew ku embiya warà kebpegingawà te kebpekita ku rut te kewayà ku te ebpedsalà su warà nekesurang dut te sikiyu. Su beleharen ke embiya ruen egkahi te warà kewayà ku asal ebmevaher kew te ed-ulaula te meupiya. Ibpengeningeni ku te Eleteala te ibpeiseg din ke meupiya ne ulaula niyu.

2 Kurintu 3:8

ne iyan pè be kenà muna pà se kevaher te gehem din ini se behu ne pasad ne imbehey te impepevayà dut te Kedesenan ne Ebpetuntul te Menusiyà.

2 Kurintu 4:1

Geina te Eleteala se mibehey kenami kayi ne helevek, ne kenà egkeawà ke kegkevag-et dey te egelevek te mevaher.

2 Kurintu 5:18

Ne ini se behu ne itungan ne riyà ebpuun te Eleteala. Su sabap dut te mid-ulaula ni Hisu Kristu, ne in-awà dut te Eleteala ke ked-engkenà tew kandin. Ne insarig din keytew ne menge mibperetiyaya te ebpesebutan dut te menge etew mekeatag te mid-ulaula rin su apey rin egketelimà sikandan.

2 Kurintu 6:3

Ne kayi te helevek dey te Eleteala ne ed-up-upianan dey ini su apey warà igkesawey kenami te misan engkey ne etew. Ed-uram key nevenar su apey warà liwahì te etew te kenà din keduma dut te penuruan dey mekeatag te Eleteala.

2 Kurintu 7:1

Na menge suled, geina te iring ketà ke impasad te Eleteala keytew, ne id-awà ta ke langun ne meraat ne ulaula ta wey langun ne meraat ne neketahù te itungan ta. Ne egenat kayi te ked-adat ta te Eleteala ne idtepeney ta ke hinawa ta te keduma rut te kiyug din.

Ipisu 1:23

Su langun te sikitew ne mibperetiyaya en, ne sikitew ke iring te lawa rin ne sikandin ke pengulu tew. Ne sabap dut te mibpesakup kiyu kandin ne warà kurang din, su piya endei dut te langun ne midlimbag din diyà te langit wey kayi te tanà ne ed-imesaren din ded.

Ipisu 4:16

ne sikitew ke mibperetiyaya en ne iring te lawa rin. Su langun dut te pepatà te lawa ne nekebpikit, tembù be piya endei dapit kayi te lawa ne ruen gelevek din ne embiya egkeseveka ran se eduma rut te kiyug te ulu ne ebpekeiseg se kebmevaher dut te lawa. Ne iring din ded dema kayi te kenitew su embiya uman senge etew ne edtuman dut te kandin ne helevek ne ed-iseg ke kebmevaher dut te langun kayi te lawa su atag dut te kebpelimlimuey tew.

Ipisu 4:29

Wey kenà kew rema edlalag te meraat su iyan niyu rà leleha se ebpeketavang dut te ebpemineg su apey egkevaher wey ebpeketuntul ke itungan dan dut te lalag niyu.

Ipisu 4:4

Su sikitew ke langun ne mibperetiyaya en ki Hisu Kristu ne iring kiyu en te seveka rà ne lawa, ne seveka rà dema se Kedesenan ne Ebpetuntul te Menusiyà ne ed-ubpà kayi te keytew. Ne seveka rà dema arà se keupiyanan ne ebpenerengen tew su sabap dut te ke Eleteala se mibpemilì keytew.

Kulasi 1:24

Ne misan mibilanggù a su atag te kebpenurù ku keniyu te kenà menge Hudiyanen, ne kenà a egkeuru su nasì pà te egkehalew a. Su egenat kayi ne keresayan ku ne egkeheraman ku ke keresayan ne kiyug ni Hisu Kristu ne egkepevayaan ku su apey egketevangan ke menge ruma tew ne mibperetiyaya ne iring te lawa rin.

Kulasi 1:28

Ini ve se kedtantu rey te ebpesabut te langun ne etew mekeatag ki Hisu Kristu. Ibpemenudtul dey wey edseysayen dey ini diyà te kandan su apey ran ebpehimbenar, su iyan dey kiyug ne uman senge etew ne edtamel se kedsarig din ki Hisu Kristu.

Kulasi 4:17

Ne kehiyi niyu pè be si Arkipus te mebpegelep sikandin se ed-ipus dut te helevek ne impehelevek te Eleteala kandin.

1 Timoteo 1:12

Ebpeselemetan ku si Hisu Kristu ke Kerenan tew ne layun ebehey kedì te keeg kayi te gelevek ku. Uya, ebpeselemetan ku kandin su edserihan a rin, ne midtendù a rin ne egelevek kandin.

2 Timoteo 4:11

Si Lukas dè be ini se ruma ku. Dumaa nu pè be si Marcos ke ebpengkayi ka su ebpeketavang sikandin kedì.

2 Timoteo 4:5

Ugaid ne sikew, Timoteo, ipetireng nu se keduma nu kayi te tidtu ne penurù. Ne penehana ka neraan te kedtigker te kemerehenan. Es-eseka nu neraan se hinawa nu te kebpesabut nu rut te tudtul mekeatag ki Hisus te meriyù merani, ne pengimasara nu ke helevek ne imbehey keykew te Eleteala.

Hibruhanen 13:17

Perumaruma kew te idsuhù dut te menge etew ne ebpeneheewit te menge mibperetiyaya keniyan. Su sikandan ke midsuhù te Eleteala te edtuganur keniyu te meupiya, ne ruen hewii ne ebpekeuma ne ebpengetuvang dan diyà te Eleteala se ebpenudtul ke engkey se kinepenurù dan keniyu. Ne embiya edumaan niyu ke idsuhù dan, ne egkevag-et ke hinawa ran te edtuman dut te ibpehelevek kandan te Eleteala. Ugaid ne embiya kenà kew ebpemineg te suhù dan, ne egkerehenan dan ne warà keupianan ne egketelimà niyu.

Hibruhanen 6:1

Engketà be arà ne kenà kiyu ed-ulit-ulit dut te melemu rà ne penurù mekeatag ki Hisu Kristu ne nehuruwan ta en pehaney su apey ki ebpekeiseg te eguru rut te metua ne penurù ne edait dut te metua en ne etew. Su warà keupianan ne egketelimà tew embiya iyan tew rà ed-ul-ulitan ke neuna ne penurù mekeatag dut te kebpedsendit wey ke kebperetiyaya te Eleteala