Ipisu 3:8 - Ke meupiya ne tudtul mekeatag ki Hisu Kristu

⁸ Su misan siaken se pinekemevavà dut te langun ne etew rin, ne siaken ded se mibpurut din te ebpesabut diyà te sikiyu ne kenà Hudiyanen kayi te Meupiya ne Tudtul ne kenà egketembu se taman ne keupiya rin.

Ipisu 3:8 ပူးပေါင်းရင်းမြစ်များ

Lucas 14:22

“Huna su mid-ulì ini se edsugsuhuen ne migkahi sikandin dut te ebpengemuney kandin te, ‘Netuman ku en ke insuhù nu kedì ne ini ran en, ugaid ne warà pà mepengkeg ini se valey.’

Juan 1:16

Geina te dekelà ke limù din ne sikitew langun ne mibehayan din te penaub, ne ini se penaub ne warà kegkepupus din.

Nenged-ulaula 5:41

Ketà ne kineawà dut te menge kedserihan kayi te menge Perekukum ne mehalew ran su iring te iyan pegitungan te Eleteala ne edait dan ne egkerasey atag dut te kebperetiyaya ran ki Hisus.

Nenged-ulaula 9:15

“Ipanew ka,” ke se Kerenan, “su mibpemilì ku en sikandin ne egelevek kediey. Su sikandin se ebpemenudtul mekeatag kediey riyà te menge etew ne kenà Hudiyanen wey ke menge datù dan abpeg dut ne menge Hudiyanen.

Ruma 11:33

Iring te wayig ne edtudà se kerekelà te daat te nanam te Eleteala dut te langun ne menge etew! Ne ke ketampas wey ketau rin ne kenà egketegkad! Warà etew ne ebpekesagkew te kukuman din! Ne warà etew ne ebpekesabut te kandin ne kebpepevayà!

Ruma 12:10

Ne sikitew se mibperetiyaya en ki Hisu Kristu, ne iyan iya se ebpelimlimuey ki iring te edtutunayà ne ebpenusuled. Ne ebpeed-edatey ki nevenar te menge ruma tew.

Ruma 2:4

Kalu ke iyan niyu kunaan te geina te metulanged wey mepeseharen ke Eleteala ne warà en kedusai rin keniyu. Su iyan din kebpeketulanged ne apey kew mekepedsendit.

1 Kurintu 1:30

Su ke kinepekidseveka tew ki Hisu Kristu ne riyà ebpuun te kiyug te Eleteala. Ne Eleteala rema se ebehey keyta te ketau ibpepevayà ki Hisu Kristu. Ne si Hisus ke iyan kedtengteng te Eleteala keytew ne metidtu diyà te etuvangan din su sikandin se mibpeliyu keytew rut te kedusa te salà tew su apey ki mevaluy ne menge etew te Eleteala.

1 Kurintu 15:9

Su ke langun ne kedserihan din ne siaken en iya se pinekemevavà. Kenà dait ne ed-ingaranan a te kedserihan din su rengan te warà e pà mebperetiyaya ki Hisus ne mibpekesekitan ku ke menge etew ne mibperetiyaya kandin.

1 Kurintu 2:9

Su ruen impesurat ne Lalag te Eleteala ne egkahi te, “Duen impenehana te Eleteala rut te menge etew ne egkelimù kandin. Ini se impenehana rin, ne warà senge etew rà ne nekekita kayi, ne warà nekerineg, ne warà nekepegitung ketà.”

Gelasiya 1:16

Ne guna su neuma en ke hewii te kebpayag kedì dut te Eleteala te si Hisu Kristu ke tuney ne Anak din su apey ku ibpesabut diyà te kenà menge Hudiyanen ke Meupiya ne Tudtul mekeatag ki Hisus, ne warà a mebpendiyà te senge etew rà te ebpemandù kedì.

Gelasiya 2:8

Su sabap dut te gehem te Eleteala ne midsuhù din si Pedro te ebpesabut dut te Meupiya ne Tudtul riyà te menge etew ne Hudiyanen. Ne iring ded dema ketà se kinesuhù din kedì te ebpesabut dut te Meupiya ne Tudtul riyà te menge etew ne kenà Hudiyanen.

Ipisu 2:7

Ini se mid-ulaula te Eleteala su apey taman te taman ne ke kerekelà te tavang din ne egkekita kayi te limù ne impekita rin keyta ibpepevayà dut te kebpatey ni Hisus.

Ipisu 3:1

Ne sabap dut te langun ne impenudtul ku keniyu, ne siaken ini si Pablo se ebpengeningeni mekeatag te sikiyu. Su impevilanggù a sabap dut te kegelevek ku ki Hisu Kristu wey ke kebpesabut ku mekeatag kandin diyà te keniyu ne kenà Hudiyanen.

Ipisu 3:16

Ne ebuyuen ku kandin se egenat dut te gehem din ne warà repeng din, ne menu ma ke ebeheren din ke hinawa niyu ibpepevayà dut te Kedesenan ne Ebpetuntul te Menusiyà

Ipisu 3:19

Uya, kiyug ku ne egkesebutan niyu nevenar arà se kerekelà te limù ni Hisus keniyu, misan kenà langun din ne egkesagkew te itungan niyu. Su ketà te kegkeheram niyu te limù din ne kenà egketegkad, ne ini se ibehey te Eleteala keniyu su apey kew eduma rut te kiyug din ne ed-umanan pà su apey arà se kegkevaluy niyu ne iring te Eleteala ne ed-imesaran din.

Ipisu 3:2

Nerineg niyu en ma buwa ke helevek te Eleteala ne insarig din kediey te ebpesabut keniyu ne kenà Hudiyanen mekeatag te tavang din ne ibehey keniyu.

Pilipus 2:3

Kenà be egkepakey ne iyan niyu ed-ul-ulaan ne ed-umamin te langun taman etawa ebpendantal. Ugaid ne ipeembavà niyu ke hinawa niyu, ne edati niyu ke menge ruma niyu.

Pilipus 4:19

Ne ke Eleteala ne edserihan ku ne ke kemuney rut te langun taman ne sikandin se ebehey keniyu te langun ne kurang niyu sabap te mibpekidseveka kew ki Hisu Kristu.

Kulasi 1:27

Ne sikiyu rema ne kenà menge Hudiyanen ne nekeamung ketà te mibpeyahan din. Ne warà pasar din ne keupianan ini se netahù te itungan din te ibpeubpà din si Hisu Kristu kayi te hinawa tew, ne ini se tuus te sikita ne id-amung din dut te kepurù te Eleteala diyà te langit.

1 Timoteo 1:13

Misan engketà te rengan ne meraat se lalag ku mekeatag kandin, ne mibpemekeiran ku ke menge etew ne mibperetiyaya kandin, ne midtekudì ku sikandin, ugaid ne neyruwan a te Eleteala su warà e pà mekesabut te meraat ke ulaula ku su warà e pà mebperetiyaya ki Hisu Kristu.

1 Timoteo 1:15

Benar iya ini ne egkehiyen mekeatag te iyan impengkayi ni Hisu Kristu te ampew te dunya, ne dait ini ne ebperetiyayaan te langun. Su iyan din impengkayi apey ibpeliyu rin ke menge etew dut te kedusa te salà dan. Ne siaken en iyan se nekeunauna ne belisalà.

1 Timoteo 2:7

Tembù be mibpemilì a ni Hisu Kristu ne kedserihan din ne ibpemenudtul ini se tidtu ne lalag mekeatag kandin diyà te menge etew ne kenà Hudiyanen apey ran ebpekeperetiyaya. Ini ve iya se egkehiyen ku ne kenè en be iya ini egkedtarù su benar!

2 Timoteo 1:11

Ne midtendù a te Eleteala ne kedserihan ni Hisu Kristu te ebpemenudtul kayi te Meupiya ne Tudtul mekeatag kandin wey ibpemesabut ini.

Imperayag 3:18

Tembù be ibpemandù ku keniyu ne pemesaa niyu kayi te kedì ini se tidtu ne bulawan ne intuug diyà te apuy ne in-upama te kebperetiyaya niyu kediey su apey ke kegkewasa niyu ne benar. Ne pemesaa niyu rema kayi te kedì ini se meputì ne belegkas su apey ibevelegkas niyu ne egkeawà ke kegkeyeyai niyu te nekegkedew. Ne pemesaa niyu rema kayi te kedì ini se bawì te mata su apey ibawì te mata niyu ne ebmerayag se kedtengteng niyu.