Ipisu 3:11 - Ke meupiya ne tudtul mekeatag ki Hisu Kristu

¹¹ Mid-ulaula te Eleteala ini su ini se netahù te itungan din ne raan en te warà pà melimbag ini se dunya. Ne guntaani ne midtuman din en su impepengkayi rin en ke Kerenan tew ne si Hisu Kristu.

Ipisu 3:11 ပူးပေါင်းရင်းမြစ်များ

Ruma 9:11

Ne guna su mehaan en ne ed-anak si Rebecca ne migkehiyan sikandin te Eleteala te, “Iyan edsugsuhuen ke kakey dut te ari rin.” Migkahi rin ini te warà pà ianak ini se seping, ne warà pà kenaweng dan te ed-ulaula te meraat wey meupiya. Tembù be ned-ulaula ini su ibpesabut te Eleteala te ke kebpemilì din te menge etew ne kenà kayi ebpuun te menge meupiya ne ulaula ran, ugaid ne ke kandin dà ne kiyug.

Gelasiya 5:24

Su ke etew ne tidtu se kebpesakup din ki Hisu Kristu, ne mid-awaan din ke langun ne meraat ne mid-ulaula rin dengan, su apey kenà en eduma rut te kiyug te lawa rin.

Ipisu 1:11

Langun taman ne egked-ulaula ne netahù en te Eleteala te itungan din ne egked-ulaula ini. Tembù be mibpemilì ki en nikandin rengan te warà pà melimbag ini se dunya su apey ki egkevaluy ne sakup din sabap dut te kebperetiyaya tew ki Hisus.

Ipisu 1:4

Su misan ketà te warà pà melimbag te Eleteala ini se dunya, ne raan kiyu en ne mibpemilì nikandin ne kandin ne tuney ne anak. Mibpemilì kiyu rin su apey egkevaluy ke hinawa tew ne metilak atag dut te kebpekidseveka tew ki Hisu Kristu su apey warà salà ne idsawey rin kenitew. Su sabap dut te dekelà ne limù din kenitew,

Ipisu 1:9

ne kayi ve ne ebpekesabut kiyu en te Eleteala te netahù te itungan din ne in-eles din pehaney ke engkey se netahù te itungan din ne edtumanen din dut te kedsuhù din ki Hisu Kristu.

Ipisu 3:1

Ne sabap dut te langun ne impenudtul ku keniyu, ne siaken ini si Pablo se ebpengeningeni mekeatag te sikiyu. Su impevilanggù a sabap dut te kegelevek ku ki Hisu Kristu wey ke kebpesabut ku mekeatag kandin diyà te keniyu ne kenà Hudiyanen.

2 Timoteo 1:9

Su iyan mid-ulaula te Eleteala keytew ne impeliyu ki rin dut te kedusa te salà tew, ne midsuhù ki nikandin te ed-ulaula te ebpekesuhat kandin. Ugaid ne kayi te kinepeliyu rin wey ke kinetawag din kenitew ne kenà egenat te meupiya ne ulaula tew su belidsalà ki. Ugaid ne impeliyu ki rin su dekelà se kiyug din te edtavang kenitew. Su rengdengani te warà din pà melimbag se piya engkey en, ne intahù din en te itungan din se ibehey rin si Hisu Kristu su tavang din kenitew.