Ipisu 2:3 - Ke meupiya ne tudtul mekeatag ki Hisu Kristu

³ Ne langun tew ne neked-iring ded pehaney, su iyan tew rà edumaan te kiyug tew. Iyan ebayàbayà kenitew ke kebpatà te nanam tew wey piya engkey ne meraat ne ebpekepemula te itungan tew ne arà se edtumanen tew. Ne ketà ne warà ded mibiraan tew dut te ruma, su warà duma ne ebpesineruwan tew ke kenà edusaan kiyu te Eleteala iring dut te langun ne menge etew ne kenà eduma kandin.

Ipisu 2:3 ပူးပေါင်းရင်းမြစ်များ

Marcos 4:19

ugaid ne gewii ran te ebpetindalan ne merakel se egkubmus dut te lalag ne nerineg dan iring te kemutuwan dan te ked-ubpà-ubpà, ne kegkelilingey ran dut te menge kearen dan, wey ke pegungayà te kebpatà te nanam, ne ketà ne kenà dan ebpekevehas.

Juan 1:13

Ne iyan dalan te kinekevaluy ran ne menge anak te Eleteala ne kenà bineelan dà te menusiyà, etawa impenganak te menge etew rà ne amey, su iyan dan Amey ne Eleteala.

Juan 8:44

Su ke datù ma te pekaid se amey niyu ne iyan niyu edumaan ke kandin ne kiyug. Terebunù sikandin te aney en, ne edsungkanger dut te benar su iyan dè ma nekepenù te bèbà din ne tarù. Embiya edlalag sikandin ne tarù su edumaan din ke kandin ne kiyug, su teruen ma sikandin ne apù sikandin te tarù.

Nenged-ulaula 14:16

Dengan ne intuhut te Eleteala dut te langun ne menge etew ne ed-ulaula te piya engkey ne egkiyuhan dan.

Ruma 1:24

Tembù be mibelehad dan en te Eleteala te ed-ulaula ran te kiyug te lawa ran ne meredsik, ne ini se mibeelan dan te kandan ne lawa ne mekeyeyà.

Ruma 11:30

Ne sikiyu ne kenà menge Hudiyanen, dengan ne warà kew mebperetiyaya te Eleteala, ugaid ne guntaani ne neyruwan kew rin wey mibpeliyu kew en nikandin. Ne ini se kegkeyru rin keniyu ne egenat dut te kineengkenà te menge Hudiyanen kandin.

Ruma 13:14

Ne kenà kiyu en eduma rut te meraat ne kiyug te lawa tew, ugaid ne iyan tew ed-iringan ne si Hisu Kristu wey ke ulaula rin, su timbang te sikandin ke limbutung tew ne ed-alang keytew.

Ruma 2:14

Ke menge etew ne kenà Hudiyanen ne warà dan mesebuti ke penduan ni Moises, ugaid ne ruen hewii ne egkerumaan dan ini se nekahi rut te penduan. Ne ibpetuus ini te misan warà dan mesebuti ke penduan ni Moises ne ruen en ingketitik diyà te atey ran ke ed-ul-ulaan ne meupiya.

Ruma 5:10

Su rengan ne kunterà ki pà te Eleteala, ugaid ne sabap dut te kinepatey te Anak din si Hisu Kristu ne guntaan ne imped-ulit ki en diyà te etuvangan din. Ne embiya ve iring ketà te imped-ulit ki en, ne wey ki pè be maa kenà nikandin ipeliyu rut te kedusai keytew su neviviyag en ke Anak din si Hisu Kristu.

Ruma 5:9

Ne geina te mibmetidtu ki en diyà te etuvangan te Eleteala sabap dut te lengesa ni Hisus ne impetudà din keytew, ne iyan pè be kenà muna pà se kebpeliyu rin keytew dut te kedusai te Eleteala te salà tew keuremà.

Ruma 6:12

Tembù be kenà niyu en iluhut se iyan pà ebpekevayàbayà dut te lawa niyu ne ke ulaula ne meraat. Su embiya ini se ed-ul-ulaan niyu, ne ebpekeruma kew red dut te egkiyuhan niyu ne meraat.

Ruma 7:18

Netuenan ku te warà deisek dà ne meupiya ne kayi ebpuun te daan ne kegkeetew ku. Su misan egkiyug a ne ed-ulaula te meupiya, ne kenà ku egketuman.

Ruma 9:22

Ne engketà ded be rema ke Eleteala su ibayàbayà din ke engkey se kebped-ulaula rin dut te menge etew. Su misan egkesuatan din en te ebpekita ke epes din wey ke gehem din te edusa dut te menge etew ne warà mebperumaruma kandin, ne warà din pà ul-ulaa. Su midtigkeran din pà lavew ini se menge etew ne andang ne edereetan din.

1 Kurintu 4:7

Embiya ruen diyà te keniyu nekesabut te muna pà dut te ruma rin, ne endei ebpuun ini se nesebutan dan? Engkey, ruen sinebutan dan ne kenà diyà ebpuun te Eleteala? Warà! Ne embiya iring ketà, ne meambe ke idekarak dan iring te sikandin ke ebpuunan ketà te nesebutan dan? Su langun te sinebutan niyu ne Eleteala rà se ebpuunan, kenà kayi te keniyu.

2 Kurintu 7:1

Na menge suled, geina te iring ketà ke impasad te Eleteala keytew, ne id-awà ta ke langun ne meraat ne ulaula ta wey langun ne meraat ne neketahù te itungan ta. Ne egenat kayi te ked-adat ta te Eleteala ne idtepeney ta ke hinawa ta te keduma rut te kiyug din.

Gelasiya 3:22

Ugaid ne kenà egkepakey su ruen impesurat te Lalag te Eleteala ne egkahi te, “Warà etew kayi te ampew te dunya ne warà salà din su langun ne neiketan dut te salà din.” Ne benar arà. Ugaid ne egenat dut te sarig dan ki Hisu Kristu, ne egkevehayan dan te tavang ne impasad te Eleteala ne ini se umur ne warà edtemanan din.

Ipisu 2:2

Su rengan ne iyan niyu midumaan ke meraat ne betasan dut te menge etew ne iyan dan edumaan ke kiyug den dà kayi te ampew te dunya. Ne ketà ne iyan niyu nerumaan ne ke datù te pekaid, ini se unuten dut te langun ne busew, su sikandin imbe ke egawed te hinawa rut te menge etew ne kenà eduma te Eleteala.

Ipisu 4:22

Tembù be ewai niyu en ke neuna ne perangey niyu ne iyan puunan te ulaula niyu ne meraat. Su ini ne edlimbung keniyu te keduma rut te kiyug dà te hinawa niyu ne ederaat keniyu.

Kulasi 1:21

Ne sikiyu rema, pehaney ne nekepekeriyù ke itungan niyu te Eleteala su kunterà kew rin dut te ulaula niyu wey itungan niyu ne meraat.

1 Tiselunika 4:13

Menge suled, duen pà egkehiyen dey su apey niyu egketueni ke egked-ulaula dut te menge mibperetiyaya ne minatey en. Ibpenudtul dey ini su apey kew kenà egkeuru iring dut te menge etew ne warà ebpenerengen dan ne umur ne warà edtemanan din.

1 Tiselunika 5:6

Tembù be iyan iya se kenà ki ed-iring dut te menge etew ne edlipereng, ugaid ne ibpelevundus ta ke meupiya ne ulaula ta wey ebpenehana ki rut te kebpekeuma rin.

1 Timoteo 6:9

Ugaid ne ke menge etew ne egkesuat ne egkewasa ne merakel se ibpenggeram kandan. Su ini se kegkesuat dan ne warà rantek din ne ebpekekaid kandan ne iring te telebpì kandan ne kenà dan ebpekeliyu. Ne kayi te ini ne egkevinasa ran dut te kedusa ne kenà edtaman.

Tito 3:3

Su sikitew ne menge mibperetiyaya ne rengan ne menge merupangdupang ki, kenà ki meperumaruma, ne warà ki meketuntul ke tidtu ne penurù. Nengeuripen ki rut te langun ne kiyug tew rà, ne iyan dà neketahù kayi te hinawa ta ne meraat ne ebpekesakit te hinawa te ruma ta wey ebpesigsihiyey. Neepesan ki te menge etew, ne neepes ki red dema kandan.

1 Pedro 1:14

Ne iyan iya se edtumanen tew ke kiyug te Eleteala su apey kenà ki en edlived dut te meraat ne kiyug te hinawa ta ne nelayaman tew rengan te warà ta pà metueni ke benar ne penurù te Eleteala.

2 Pedro 2:14

Warà ruma ne ebpemengaan dan ke kenà ke menge meritan ne meredsik, ne ke kiyug dan te ebpatà te nanam dan ne kenà dan igkevulung. Ebaal dan te litag ketà se ed-ul-ulaan dan su apey ran mepeneheewit te ebpekedsalà ke menge etew ne warà pà mekedalid se kebperetiyaya ran. Iring din ded dema ne egkeeram-am ke hinawa ran, ugaid ne nepenehana en ke kedusa kandan te Eleteala.

2 Pedro 2:18

Engkungkun te sikandan ne meralem se lalag dan, ugaid ne warà benar dutun. Ne ebpehuyatan dan ke menge etew ne behu pà ne mid-engked dut te raan ne ulaula ran ne meraat ketà te mibperetiyaya ran. Su egkahi ini se ebpenurù te tarù te kenà kun meraat ke eduma dut te egkiyuhan te lawa ta. Tembù be egkepeneheewit maa ke menge etew te Ebpekedsalà.

1 Juan 2:16

Su langun ne igkenuhuni rut te menge etew kayi te ampew te dunya iring te ini se egkiyuhan dut te lawa ran, ke ebpatà te nanam dan wey kebpereyùdeyù dan mekeatag te kearen dan, ne langun kayi ne kenà riyà ebpuun te Amey tew ne Eleteala su kayi rà ebpuun dut te menge etew te ampew te dunya.

1 Juan 2:8

Ne misan daan en ini se suhù ne iring te behu pà su iyan nesebutan ta mekeatag te ini se suhù ne neumanan pà maa te impekita ni Hisus ini kayi te kinepatey rin ne ini se suhù se edumaan niyu rema. Su egkeawà en ke kerusirem kayi te keyta, ne egkerayahan ki rut te tidtu ne tuluuwen.