Imperayag 8:10 - Ke meupiya ne tudtul mekeatag ki Hisu Kristu

¹⁰ Na mibperiyup te budyung din ini se iketelu ne suluhuen te Eleteala, ne ruen neulug ne riyà ebpuun te langit ne dekelà ne bituen ne neregreg iring dut te sulù. Neulug ini riyà te iketelu ne vaad ne lawa te menge wayig wey menge tuhunan.

Imperayag 8:10 ပူးပေါင်းရင်းမြစ်များ

Mateo 25:1

Ne mibpenempità pà maa si Hisus te, “Ketà te edlived ku kayi te ampew te dunya, ne ke menge etew ne egkiyug ne ebpekiduma dut te menge etew ne Edetuan te Eleteala ne iring kayi. Ruen sepulù ne etew ne menge raha ne ebpengemkem te sulù dan su edtelevuken dan ini se kenakan ne ibpengesawa.

Lucas 10:18

Ne migkahi si Hisus kandan te, “Nekita ku si Setanas ke datù te pekaid ne neulug diyà ebpuun te langit ne iring te kilat se kegkeulug din.

Hudas 1:13

Ne iring dan ded maa lavew te dekdekelà ne baleg te rahat ne kenà ebpeeneng-eneng su ke meraat ne ulaula ran ne iring dut te meredsik ne ebpekeampil te buràburà diyà te kilid te rahat. Ne ruma pà maa ne iring dan te menge bituen ne neparin dut te ebpinuuwan din ne kenà en egkepakey ne edtenuran te menge etew. Ne ruen en intail te Eleteala kandan ne meitem en te kerusirem din ne ubpaan ne kenà dan ebpekeawà ketà taman te taman.

Imperayag 1:20

Na ibpesabut ku kenikew ke meana rut te pitu ne bituen ne nekita nu ne migeweran ku kayi te kewanan ne velad ku wey ke meana rut te pitu ne sulù ne vulawan. Ini se pitu ne bituen, ne ini ke pitu ne suluhuen te Eleteala ne ebantey rut te pitu ne inged ne menge mibperetiyaya. Ne ini se pitu ne sulù, ne ini ke pitu ne inged ne menge mibperetiyaya.”

Imperayag 12:4

Ne midrapey kayi te ikug din ke iketelu ne baad ne menge bituen diyà te langit, ne in-antug din diyà te ampew te dunya. Ne ed-it-itindeg diyà te sineruwan te meritan ne mehaan en ed-anak su egkaan dut te batà embiya egemew en.

Imperayag 14:7

Ne midlalag sikandin te merahing se egkahi te, “Edati niyu ke Eleteala wey deyua niyu ke gehem din su nekeuma en ke hewii te edtimbangen din ke menge ulaula rut te langun ne menge etew. Pengarap kew kandin ke midlimbag te langit, tanà, rahat wey menge wayig.”

Imperayag 16:4

Na ini se iketelu ne suluhuen te Eleteala ne mid-ulaan din ke idrasey ne netahù te lediyà din diyà te menge wayig wey menge tuhunan, ne nevaluy ne lengesa.

Imperayag 6:13

Ne langun ne bituen diyà te langit ne nengeulug kayi te ampew te dunya iring dut te menguwed pà ne bahas te kayu ne igira su nesuhat te mevandes ne keramag.

Imperayag 8:7

Ne ini se neuna ne suluhuen te Eleteala ne mibperiyup en te budyung din, ne netekew ne ruen midadsang diyà te tanà ne biyew wey apuy ne nekesawug te lengesa. Ne netutung ke iketelu ne baad kayi te kelibutan abpeg ke menge kayu wey ke langun ne sagbet ketà.

Imperayag 9:1

Na mibperiyup te budyung din ini se ikelima ne suluhuen te Eleteala ne iyan ku nekita ne iring te bituen te langit ne neulug diyà te tanà. Ne ruen imbehey kandin ne gunsì ne ibpuwas dut te liyang ne ebpependiyà te diralem te tanà ne warà edtemanan te keralem din.

Imperayag 9:15

Ketà ne impeawà din ini se epat ne sugsuhuen. Impenehana ran neraan te ini ne rahun, ini ne vulan, ini ne hewii, wey ini ne uras su apey ran meimetayi ke iketelu ne vaad dut te langun ne menge etew te dunya.

Imperayag 9:18

Ne neherà ke iketelu ne vaad dut te menge etew te dunya ibpepevayà te ini se tetelu ne ibpemekaid, ke apuy, evel, wey ke sendawà ne egkeregreg ne migemew rut te bèbà te menge kudà.