Imperayag 7:4 - Ke meupiya ne tudtul mekeatag ki Hisu Kristu

⁴ Dutun ne nerineg ku ke kerakel te menge etew ne netiyapan te buked dan ne mehatus wey epat nepulù wey epat nengivu ran, ne riyà dan ebpuun te sepulù wey deruwa ne bansa rut te menge inenakan ni Israyil.

Imperayag 7:4 ပူးပေါင်းရင်းမြစ်များ

Mateo 19:28

Ne migkahi si Hisus kandan te, “Sebenarvenar ne ini se egkehiyen ku keniyu te embiya egkeuma ke hewii te egkevehu en ini se kelibutan, ne Sikandin ke Impeanak te Menusiyà ne ebpinuu en diyà te ebpinuuwan te punggus ne datù se Edatù te langun. Ne sikiyu ke sepulù wey deruwa ne edumdumaan ku ne ebpepinuuwan ku sikiyu se egkamal dut te sepulù wey deruwa ne bansa te inenakan ni Israyil.

Lucas 14:22

“Huna su mid-ulì ini se edsugsuhuen ne migkahi sikandin dut te ebpengemuney kandin te, ‘Netuman ku en ke insuhù nu kedì ne ini ran en, ugaid ne warà pà mepengkeg ini se valey.’

Lucas 22:30

Keuremà te Kedatù ku ne ketà kew ebpinuu te uvey ku su edseveka kiyu egkaan wey ed-inum. Ne ebpepinuuwan ku sikiyu se edatù dut te sepulù wey deruwa ne bansa ne inenakan ni Israyil.”

Nenged-ulaula 26:7

Ne ini se impasad kandan ne iyan ebpenerengen dut te sepulù wey deruwa ne bansa te sikami ne menge Hudiyanen, tembù merukilem meandew ne ebpengarap dan te Eleteala. Ugaid ne sabap dut te ini se ebpenerengen ku, ke keupiya nu ne Ratù Egeripa, ne mibaluy te menge ruma ku ne Hudiyanen ne in-isuhat dan kediey.

Ruma 9:27

Ne ruen dema impesurat te Eleteala ki Isayas dengan mekeatag te menge etew ne kevuwaran ni Israyil, ke sikandin te, “Ne misan ke kevuwaran ni Israyil ne mibmerakel en su kenà en egkevirang su iring en te pantad diyà te beyvey te rahat, ugaid ne deisek nevenar se ebpekeliyu dut te kedusa te Eleteala.

Santiago 1:1

Siaken ini se edsurat ne si Santiago. Sugsuhuen a te Eleteala wey ke Kerenan tew ne si Hisu Kristu. Edsuratan ku sikiyu, ke langun ne menge Hudiyanen ne mibperetiyaya ki Hisu Kristu ne nekesivurak kayi te ampew te dunya ne ebpenginginsà a keniyu.

Imperayag 14:1

Neipus arà ne nekita ku ke mid-ingaranan te Nati te Bilibili ne ed-it-itindeg diyà te buvungan te Siyun. Ne ruen ruma rin ne mehatus wey epat nepulù wey epat nengivu ne menge etew ne ruen insurat diyà te buked dan ke ngaran dut te Nati te Bilibili wey ke ngaran dut te Eleteala ke Amey rin.

Imperayag 14:3

Na ini se mehatus wey epat nepulù wey epat nengivu ne menge etew ne riyà mid-itindeg te etuvangan te ebpinuuwan te ebpinuu ne edatù wey ke epat ne nelimbag wey ke menge pekilukesen. Ne migkanta ran te behu ne kanta ne sikandan dà se metau ne ed-iring ketà te behu ne kanta su sikandan ke impeliyu rut te Nati te Bilibili te salà dan diyà te ampew te dunya.

Imperayag 7:5

Sepulù wey deruwa nengivu ne menge etew se netiyapan dut te inenakan ni Huda. Ne iring ded dema ne sepulù wey deruwa nengivu ne menge etew riyà te inenakan ni Rubin wey sepulù wey deruwa nengivu ne menge etew riyà te inenakan ni Gad.

Imperayag 9:16

Ne intarem kediey ke kerakel te menge sundaru ran ne egkukudà, ne ke kerakel dan ne sepulù nengivu midtakep dut te deruwa nepulù nengivu.