Imperayag 7:13 - Ke meupiya ne tudtul mekeatag ki Hisu Kristu

¹³ Ne migkehiyan a rut te seveka te menge pekilukesen, ke sikandin te, “Engkey ini se menge etew ne mibevelegkas te meputì ne kumbalà ne endei ran ebpuun?”

Imperayag 7:13 ပူးပေါင်းရင်းမြစ်များ

Juan 7:28

Gewii ni Hisus te ebpenurù diyà te Nekebpuru ne Valey te Eleteala ne nerineg din arà se lalag dan ne migkahi sikandin te impekerahing din te, “Kunaan niyu ke nekilala a niyu wey netuenan niyu ke endei a ebpuun, ugaid ne idtarem ku keniyu te warà a mibpengkayi te kediey rà ne kiyug su iyan midsuhù kedì ne ke Eleteala ne benar, ugaid ne warà niyu metueni ke entei sikandin.

Nenged-ulaula 3:12

Guna su nekita ni Pedro ne nevurun en ke menge etew ne migkehiyan din sikandan te, “Menge ruma ku ne kevuwaran ni Israyil, meambe ke negeyip kew kayi te ini ne ned-ulaula? Ne meambe ke edtengtengan key nikiyu? Maa, kunaan niyu ke kenami rà ne gaga se nekeipanew ini se meama etawa mekeatag te ketidtu rey ne nekeipanew en ini? Kenà!

Imperayag 3:4

“Ugaid ne ruen duma niyu diyà te inged ne Sardis ne warà mevuringi ke belegkas din. Ne iyan din meana ne warà med-amung te meraat ne ulaula. Ne sikandan se ebpekeruma kediey ne ebevelegkas te meputì, ne edait ini su mid-up-upiya ran te ed-ul-ulaan dan.

Imperayag 4:10

ne edlumpeng dema ini se deruwa nepulù wey epat ne pekilukesen diyà te etuvangan dut te ebpinuu ne edatù se ebpengarap kandin arà se warà kemetayen din. Ne inrenà dan ke seluluy ran ne bulawan diyà te etuvangan te ebpinuuwan din se egkahi te,

Imperayag 4:4

Ruen deruwa nepulù wey epat ne ebpinuuwan ne nekelingut kayi te ebpinuuwan din ne ruen deruwa nepulù wey epat ne pekilukesen ne ebpinuu ketà. Mibevelegkas dan te meputì ne ruen inseluluy ran ne bulawan.

Imperayag 5:11

Ketà ne midtengteng a ne ruen menge suluhuen te Eleteala ne nekita ku wey nerineg ku ne egkanta. Egngivuwan dan ne nekelingut se ed-itindeg ketà te ebpinuu te ebpinuuwan te edatù, ke epat ne nelimbag wey ke deruwa nepulù wey epat ne pekilukesen.

Imperayag 5:5

Ketà ne ruen seveka rut te deruwa nepulù wey epat ne pekilukesen ne midlalag kayi te kediey se egkahi te, “Kenà ka edsinehew, su ini se ed-ingaranan te Erimaung ne si Hisu Kristu su ke baher din ne dekelà, ne sikandin ke inenakan dut te bansa ne Huda wey ke inenakan ni David dengan. Ne sikandin ke neketalew en ki Setanas ke datù te pekaid, tembù be sikandin se ebpekegaga ne ed-awà dut te pitu ne tuus wey ebekar kayi te kelatas ne midlulun.”

Imperayag 7:9

“Neipus arà ne ruen nekita ku ne denda ne menge etew ne kenà egkevirang. Riyà dan ebpuun te langun ne edsusunan te menge etew, diyà te langun ne bansa, diyà te langun ne inged wey langun ne kinehiyan te menge etew. Mid-itindeg dan diyà te etuvangan te ebpinuuwan dut te edatù wey riyà te etuvangan dut te Nati te Bilibili. Ne mibevelegkas dan te melayat ne meputì ne kumbalà ne mid-ewit dan te dawun te niyug.