Imperayag 7:10 - Ke meupiya ne tudtul mekeatag ki Hisu Kristu

¹⁰ Ne mibmerahing se lalag dan se egkahi te, Edeyuen ta ke Eleteala ini se ebpinuu ne edatù, ne edeyuen ta rema ini se Nati te Bilibili, su sikandan ke mibpeliyu keyta rut te kedusa te menge salà ta.”

Imperayag 7:10 ပူးပေါင်းရင်းမြစ်များ

Lucas 3:6

Ne ketà ne ibpekita te Eleteala te langun ne menusiyà ke edsuhuen din ne ebpeliyu kandan.’”

Juan 1:29

Midtundug be maa ne hewii ne nekita ni Juan si Hisus se ebpelingguma ne migkahi en sikandin dut te menge etew ne uvey rin te, “Ayan de be ke etew ne iring te ibpelengesa ne nati te bilibili ne imbehey te Eleteala apey ke langun ne salà te menusiyà ne egkeawà.

Juan 1:36

Nekita rà ni Juan se edsahad si Hisus, ne migkahi en te, “Ayan de be ke etew ne iring te ibpelengesa ne nati te bilibili ke mid-andam te Eleteala ne ibehey rin!”

Juan 4:22

Su sikiyu ne menge etew te Semeriya ne matag kew en edsimba ne warà niyu metueni ke engkey se edsimbaan niyu. Ugaid ne sikami se menge Hudiyanen, ne netuenan dey mulà ke edsimbaan dey su kayi ebpuun te kenami ne menge Hudiyanen ne ruen ebpekehemew ne ebpeliyu te menusiyà.

Ipisu 2:8

Ne warà duma ne puunan te kebpekeliyu tew te salà tew ketà te kedsarig tew en ki Hisu Kristu ke kenà ke tavang dà dut te Eleteala. Warà ed-ul-ulaan tew ne ebpekegaga te kebpekeliyu tew su imbehey rà dè duen te Eleteala.

Imperayag 12:10

Dutun ne ruen nerineg ku ne midlalag te merahing diyà te langit ne migkahi te, “Ini en ke hewii te kebpeliyu rut te Eleteala te langun ne menge etew, ne impekita en te Eleteala ke gehem din te edatù. Ne iring ded dema ke Impasad din ne Ebperetuen te langun, ne impekita ke baher din te edatù. Su impeawà din si Setanas diyà te langit, arà se egkunterà te menge ruma ne mibperetiyaya diyà te dunya, su merukilem meandew ne edsumbung kandan diyà te etuvangan te Eleteala.

Imperayag 19:1

Dutun ne ruen nerineg ku ne iring te kehurub te denda ne menge etew diyà te langit se egkahi te, “Edeyuen tew ke Eleteala, su sikandin dà se ibpurù tew, uya, sikandin dà se ruen dekelà ne gehem din, ne sikandin dà se ebpeliyu keyta rut te salà tew.

Imperayag 21:5

Na migkahi ini se ebpinuu diyà te ebpinuuwan te edatù, ke sikandin te, “Guntaani ne ebehuwen ku ke langun taman.” Ne migkahi rin maa kediey te, “Isurat nu ini su langun kayi te lalag ku ne benar wey egkeserihan.”

Imperayag 22:3

Warè iya meraat ketà te inged diyà te etuvangan te Eleteala. Ne ketà te inged ke ebpinuuwan te Eleteala ne iyan ded ebpinuuwan dut te Nati te Bilibili, ne ebpengerapan ke Eleteala dut te langun ne menge sakup din.

Imperayag 4:6

Ne ruen dema nekita ku diyà te etuvangan te ebpinuuwan din ne iring te meluag ne rahat ne metmetingew iring te pehelungan. Ne ruen dema epat ne nelimbag din ne ed-itindeg diyà te epat ne pediyulu dut te ebpinuuwan din. Ne neeneb ke lawa ran te mata kayi te sineruwan wey riyà te peka ran.

Imperayag 5:7

Ne ketà ne mid-uvey ke Nati te Bilibili diyà te ebpinuuwan dut te edatù, ne migkuwa rin ke kelatas ne midlulun ne migeweran te kewanan ne belad dut te ebpinuu te ebpinuuwan te edatù.