Imperayag 6:13 - Ke meupiya ne tudtul mekeatag ki Hisu Kristu

¹³ Ne langun ne bituen diyà te langit ne nengeulug kayi te ampew te dunya iring dut te menguwed pà ne bahas te kayu ne igira su nesuhat te mevandes ne keramag.

Imperayag 6:13 ပူးပေါင်းရင်းမြစ်များ

Mateo 24:29

“Ne ketà ke egkeipus en arà ne menge hewii te kemeresayan,” ke si Hisus, “ ‘Ne ebmerusirem ke andew, ne kenà en edsilà ke vulan, ne ebpengeulug ke menge bituen genat te langit, ne egkeparin en dut te netehuan din ke edtenuran ne menge bituen.’

Marcos 13:25

ne ebpengeulug ke menge bituen diyà te langit, ne egkeparin dut te netehuan dan ke edtenuran ne menge bituen.’

Lucas 21:25

Ne migkahi en maa si Hisus te, “Duen egkekita niyu riyà te andew, bulan, wey bituen ne menge tuus. Ne kayi te ampew te dunya ne egkekiyab se atey te menge etew rut te egkerineg dan ke ebpekesahad ne egkenegkeneg ne rahat wey ke ebpeteltelukuney ne baleg.

Imperayag 9:1

Na mibperiyup te budyung din ini se ikelima ne suluhuen te Eleteala ne iyan ku nekita ne iring te bituen te langit ne neulug diyà te tanà. Ne ruen imbehey kandin ne gunsì ne ibpuwas dut te liyang ne ebpependiyà te diralem te tanà ne warà edtemanan te keralem din.