Imperayag 6:10 - Ke meupiya ne tudtul mekeatag ki Hisu Kristu10 Ne mibpemensag dan langun se egkahi te, “Sikuna rà ke Kerenan ne dekdekelà se gehem din, ne langun ne ed-ul-ulaan nu ne metidtu ne egkeserihan ka. Engkey se keuhet din se kedtahad dey te kedsulì nu te menge etew kayi te dunya atag dut te ked-imatey ran kenami? Keenu nu edusaa sikandan te ked-imetayi ran kenami?” အခန်းကိုကြည့်ပါ။ |
Imperayag 6:10
33 ပူးပေါင်းရင်းမြစ်များ
Menge suled ku, kenà ki edsulì dut te menge etew ne mid-ulaula keytew te meraat, ugaid ne ibehey tew en ne bayàbayà te Eleteala ke engkey se ed-ul-ulaan din kandan. Su ruen impesurat ne Lalag te Eleteala ne egkahi te, “Siaken se ebayàbayà te kegkesulii kandan, uya, siaken se edsulì, ke se Kerenan tew.”
wey riyà te ki Hisus ke midtuman dut te behu ne pasad te Eleteala, su impepevayà dut te lengesa rin ne netilak kiyu rut te salà tew. Su ke lengesa ni Hisus ne imbùbù din dut te kinepatey rin, ne muna pà se keupiya rin su tuus ini te limù te Eleteala te kebpeliyu kenitew, kenà iring dut te lengesa ni Abel rengan su ke lengesa rin ne tuus te kedusa te Eleteala rut te suled ni Abel ne mid-imatey kandin.
Duen dengan menge etew ne engkungkun ne ebpelambas te Lalag te Eleteala. Ne iring ded dema guntaan ne ruen menge etew ne edlepew ne deisekdeisek ne ebpenurù te tarù diyà te keniyu. Iyan dan ibpenurù ne ederaat te kebperetiyaya niyu te Eleteala su kenà dan ebperetiyaya te si Hisu Kristu ke Kerenan tew ne mibpeliyu keyta te kedusa te salà ta. Tembù be ruen hewii ne ebpekeuma ne egketekew ne edereetan dan te Eleteala.
Misan neepes nevenar ke menge kunterà nu ne nekeuma en ke hewii te kedusa nu kandan, wey ke hewii te kedtimbang nu rut te ulaula te menge etew ne minatey en. Ne nekeuma en rema ke hewii te kedlalew nu rut te langun ne menge sugsuhuen nu ne mibpelambas te lalag nu, ne langun ne menge sakup nu wey langun ne ed-adat keykew, misan mepurù mevavà. Uya nekeuma en ke hewii ne edereetan nu ke langun ne mibaal te kederaat kayi te dunya.”
Ugaid ne sikiyu ne ed-ubpà diyà te langit, ne egkehalew kew su nereetan en ini se inged. Ne egkehalew rema ke sikiyu ne mibperetiyaya te Eleteala wey sikiyu ne menge kedserihan ni Hisu Kristu wey sikiyu ne mibpelambas te Lalag te Eleteala, su midusa en te Eleteala ini se inged atag dut te mid-ulaula rin ne meraat keniyu.”
Edusaan ke menge etew dut te inged ne Bebilunya su sikandin se mibpeimatey dut te menge ebpelambas te Lalag te Eleteala wey ke menge sakup din. Uya su rutun ne egkekita ke lengesa rut te langun ne mibperetiyaya te Eleteala ne mibpeimatayan atag dut te kebperetiyaya ran te Eleteala diyà te ampew te dunya.”
Ketà ne migkahi en maa si Hisus te, “Surati nu red ke suluhuen ne ebantey dut te menge mibperetiyaya diyà te inged ne Piledilpiya, ne ini se menge lalag ne isurat nu. “‘Ini se menge lalag ku keniyan te keniyu. Siaken ke ed-ulaula te metidtu, ne egkeserihan a. Ne mibehayan a te kebayàbayà su apey edatù te iring dut te kedatù ni David dengan. Ne embiya ebpuwasan ku ke gumawan su apey ruen etew ne ebpekelusud ketà te edetuan ku, ne warà etew ne ebpekelekeb kayi. Ne embiya edlekevan ku ini su apey warà etew ne ebpekelusud, ne warà ded maa etew ne ebpekepuwas kayi.
ကြော်ငြာတွေ