Imperayag 21:12 - Ke meupiya ne tudtul mekeatag ki Hisu Kristu

¹² Ne metikang nevenar ini se pehalad ne nekelingut dut te inged ne sepulù wey deruwa se bengawan din, ne ruen suluhuen te Eleteala ne ebantey ketà te uman seveka ne bengawan. Ne ruen insurat ketà te uman seveka ne bengawan ne menge ngaran dut te sepulù wey deruwa ne menge bansa te inenakan ni Israyil.

Imperayag 21:12 ပူးပေါင်းရင်းမြစ်များ

Mateo 18:10

“Urami niyu,” ke si Hisus, “te kenà kew edsudì kayi te eduma kediey ne iring te vatà se kedsarig dan. Su ke menge suluhuen ne ebantey kandan ne layun diyà te etuvangan te Eleteala ne Amey ku diyà te langit. [

Lucas 15:10

Ne igkahi ku keniyu,” ke si Hisus, “ne engketà ded be imbe ke kehelawan dut te menge suluhuen te Eleteala riyà te langit ke ruen senge etew ne mekesesalà ne ebpekedsendit ne ed-engked te meraat ne ulaula rin.”

Lucas 16:22

“Ne neuma se hewii ne minatey si Lazaro, ne mibpeneheewit sikandin dut te menge suluhuen te Eleteala diyà te uvey ni Abraham diyà te langit. Ne minatey en dema ini se meama ne kewasa ne inleveng dan en sikandin.

Nenged-ulaula 26:7

Ne ini se impasad kandan ne iyan ebpenerengen dut te sepulù wey deruwa ne bansa te sikami ne menge Hudiyanen, tembù merukilem meandew ne ebpengarap dan te Eleteala. Ugaid ne sabap dut te ini se ebpenerengen ku, ke keupiya nu ne Ratù Egeripa, ne mibaluy te menge ruma ku ne Hudiyanen ne in-isuhat dan kediey.

Hibruhanen 1:14

Su ini se menge suluhuen te Eleteala, ne edsugsuhuen din dà iya sikandan su ebpetevangen dut te menge etew ne midtelimà dut te umur ne warà edtemanan din.

Imperayag 21:13

Ruen epat ne pesahì dut te pehalad te inged, ne uman senge pesahì ne ruen tetelu ne bengawan. Ruen tetelu ne bengawan diyà dapit te edsilaan, ruen tetelu ne riyà dapit te edsenlepan, duen tetelu ne riyà dapit te ebelevahan wey tetelu te riyà dapit te ebelengkayan.

Imperayag 21:15

Ne ini se suluhuen te Eleteala ne mibpekidlalag kediey ne migawed te tembu ne bulawan su edtembuwen din ini se inged, ne ke menge bengawan din wey ke pehalad din.

Imperayag 21:25

Ne arà se menge bengawan din ne warà en gewii ne kegkelekevi rin, ne kenà en edlekevan su warè en merukilem dutun.

Imperayag 22:14

Ne ke menge etew ne mibpemìpì te belegkas dan ne in-upama te menge etew ne edlinis dut te salà dan ne egkehalew nevenar, su egkepakey ran ne edlusud dut te bengawan ketà te inged te Eleteala wey egkepakey ran ne egkaan ketà te bahas te kayu ne ebpekevehey te umur.