Imperayag 20:9 - Ke meupiya ne tudtul mekeatag ki Hisu Kristu

⁹ Ne ebengkar dan dut te ampew te dunya su edlingutan dan arà se inged ne Hirusalim ne ingkelimù te Eleteala ne ed-ubpaan te menge sakup din. Ugaid ne mid-uranan dan te apuy ne riyà ebpuun te langit ne neherà dan.

Imperayag 20:9 ပူးပေါင်းရင်းမြစ်များ

Lucas 17:29

Ugaid ne arà se hewii ne kinepeawà ki Lut ketà te inged din ne ed-ingaranan te Suduma ne imperadsang te Eleteala ini se regreg wey esupri ne riyà ebpuun te langit ne neherà dan langun.

Lucas 19:43

Duen gewii ne egkeumaan kew te menge kunterà ne edtengkalen kew nikandan wey edtelikupan kew ne warà en iya egensik.

Lucas 21:20

Ne migkahi en maa si Hisus te, “Embiya egkekita niyu en ini se inged ne Hirusalim ne edtelikupan en te kunterà niyu ne sundaru ne kenà kew en duwaruwa te mehaan en se kegkereeti rin.

Lucas 9:54

Guna su nekita ini rut te edumdumaan ne si Santiago wey si Juan se warà bes edtelimà kandan ne migkehiyan dan si Hisus te, “Menu, egkiyug ka, Meyterù, ne ebuyù key te apuy riyà te langit ne ibpetanà kandan su apey langun dan ne egkeherà?”

2 Tiselunika 1:8

Ketà te kebpekeuma rin ne iring te egkeregreg ne apuy ini se lawa rin. Ne edusaan din ke menge etew ne mid-engkenà te Eleteala, ini se kenà ebperumaruma rut te Meupiya ne Tudtul mekeatag ki Hisu Kristu ke Kerenan tew.

Hibruhanen 13:13

Engketà be ne impeliyu ki en dut te suhù te penduan ne intahak ki Moises. Ed-awà kiyu langun ketà ne ebpekeamung kiyu en ki Hisus dut te kinepekegkeyà din te kebpebpatey rin diyà te liyu te inged te menge Hudiyanen misan ebpekesekitan ki atag dut te keduma tew kandin.

Imperayag 11:5

Ne embiya ruen ebpemekaid kandan, ne ruen apuy ne egemew rut te bèbà dan su apey egketutung ke etew ne egkunterà kandan. Tembù be ed-imetayan ke piya engkey ne ebpemekaid kandan.

Imperayag 13:13

Ruen merakel ne mekegeyip ne ed-ul-ulaan ne mibeelan dut te ini se ikeruwa ne binatang su misan apuy ne ebpuun te langit ne impeuran din ne nekita rut te langun ne menge etew.